ជាតិ
អ្នកជំនាញកំពុងសិក្សាលើការងារជួសជុលសារមន្ទីរព្រះនរោតត្តមសីហនុ-អង្គរ
×![]()
សៀមរាប៖ សារមន្ទីរព្រះនរោត្តមសីហនុ-អង្គរ ដែលជាសារមន្ទីរតម្កល់វត្ថុបុរាណ ដែលបានមកពីការធ្វើកំណាយនៅប្រាសាទបន្ទាយក្តី គ្រោងនឹងរៀបចំជួសជុល ស្ថាបនាឡើងវិញ ក្រោយពីសារមន្ទីរនេះ រងការខូចខាតនៅកន្លែងមួយចំនួន។ ក្រុមការងារកំពុងសិក្សាពីតម្លៃ និងវាយតម្លៃលើទីតាំងខ្លះៗ ដើម្បីរៀបចំជួសជុលនៅចុងឆ្នាំ២០១៦ខាងមុខ ។
តាមគម្រោង សារមន្ទីរព្រះនរោត្តមសីហនុ-អង្គរ នឹងបើកការដ្ឋានជួសជុលឡើងវិញនៅខែតុលា ឆ្នាំ២០១៦ ។ អ្នកបច្ចេកទេស និងម្ចាស់ជំនួយ កំពុងសិក្សាពីទំហំចំណាយ និងទីតាំងជាក់លាក់មួយចំនួន ដែលត្រូវជួសជុលឡើងវិញ។
នៅព្រឹកថ្ងៃទី ២៥ ធ្នូនេះ ពិធីចុះអនុស្សរណៈ ដែលនិយាយពីគម្រោងជួសជុលសារមន្ទីរព្រះនរោត្តម សីហនុ-អង្គរ ត្រូវបានរៀបចំឡើងនៅអាជ្ញាធរជាតិអប្សរា។ ក្នុងកិច្ចព្រមព្រៀងនេះ មានភាគីចំនួន៤ចូលរួម ដែលក្នុងនោះមានអាជ្ញាធរជាតិអប្សរា មូលនិធិក្លឹប១% របស់ក្រុមហ៊ុន អ៊ីអុង (AEON) សាកលវិទ្យាល័យសូហ្វីយ៉ា និងក្រុមហ៊ុនសាតូកម្ពុជា ដែលជាអ្នករ៉ាប់រង លើការងារជួសជុលសារមន្ទីរនេះ។
មូលនិធិ១% របស់ក្រុមហ៊ុន អ៊ីអុង ជាអ្នករ៉ាប់រងលើការងារជួសជុលសារមន្ទីរ ក្រោយពីមូលនិធិនេះ បានផ្តល់មូលនិធិកសាងសារមន្ទីរនេះ នៅឆ្នាំ២០០៧ ។ ក្នុងនោះអាជ្ញាធរជាតិអប្សរា មានភារកិច្ចសម្របសម្រួលលើការងារជាក់ស្តែង ក៏ដូចជារៀបចំជញ្ជូនវត្ថុបុរាណ ទៅរក្សានៅកន្លែងមានសុវត្ថិភាព។
តំណាងមូលនិធិក្លឹប ១% លោក ហាយ៉ាស៊ី ណាអុគី បានឲ្យដឹងថា ក្រោយពេលចុះអនុស្សរណនេះ លោកនឹងសិក្សាលម្អិតលើការងារជួសជុលសារមន្ទីរព្រះនរោត្តម សីហនុ-អង្គរ ជាមួយតំណាងក្រុមហ៊ុនសាតូកម្ពុជា មុននឹងកំណត់ទីតាំងជាក់លាក់ ដើម្បីជួសជុល។ ទាក់ទងនឹងតម្លៃជួសជុល លោក ហាយ៉ាស៊ី ណាអុគី មិនទាន់កំណត់បាននៅឡើយទេ ព្រោះថា វាកំពុងស្ថិតក្រោមការវាយតម្លៃនៅឡើយ។
អគ្គនាយកអាជ្ញាធរជាតិអប្សរា លោក ស៊ុំ ម៉ាប់ បានអរគុណ និងកោតសរសើរចំពោះក្រុមហ៊ុន អ៊ីអុង ដែលតែងតែសហការជួយអភិរក្សបេតិកភណ្ឌវប្បធម៌ ក្នុងរមណីយដ្ឋានអង្គរ។ កាលពីឆ្នាំ២០០៣ ក្រុមហ៊ុន អ៊ីអុង តាមរយៈមូលនិធិ ១%នេះ ក៏ធ្លាប់បានជួយដាំសួនឈើអនុស្សាវរីយ៍នៅក្បែរសួនគ្រឿងទេសនៃអាជ្ញាធរជាតិអប្សរាផងដែរ។ ចំពោះការងារទៅថ្ងៃខាងមុខ អាជ្ញាធរជាតិអប្សរា ក៏មានគម្រោងស្នើឲ្យក្រុមហ៊ុនរបស់ជប៉ុនមួយនេះ ជួយលើការងារអភិវឌ្ឍន៍សហគមន៍ក្នុងរមណីយដ្ឋានអង្គរផងដែរ។
គួរបញ្ជាក់ថា សារមន្ទីរព្រះនរោត្តម សីហនុ-អង្គរ ដែលស្ថិតនៅជាប់បុរីរដ្ឋបាលខេត្តសៀមរាប គ្រោងនឹងចាប់ផ្តើមជួសជុលនៅខែតុលា និងបញ្ចប់ជាស្ថាពរនៅចុងឆ្នាំ២០១៦ ឫដើមឆ្នាំ២០១៧ ។ សារមន្ទីរនេះ កសាងឡើងនៅឆ្នាំ២០០៧ ក្រោមកិច្ចសហការរវាងអាជ្ញាធរជាតិអប្សរា និងសកលវិទ្យាល័យសូហ្វីយ៉ា ក្រោមមូលនិធិក្លឹប១% របស់ក្រុមហ៊ុន អ៊ីអុង។ សារមន្ទីរនេះកសាងឡើង ដើម្បីដាក់តាំង និងតម្កល់វត្ថុបុរាណជាច្រើន ដែលបានកំណាយឃើញ ពេលកំពុងស្រាវជ្រាវនៅតំបន់ប្រាសាទបន្ទាយក្តី អំឡុងឆ្នាំ២០០០ និង២០០១ ដោយសកលវិទ្យាល័យសូហ្វីយ៉ា៕
តាមគម្រោង សារមន្ទីរព្រះនរោត្តមសីហនុ-អង្គរ នឹងបើកការដ្ឋានជួសជុលឡើងវិញនៅខែតុលា ឆ្នាំ២០១៦ ។ អ្នកបច្ចេកទេស និងម្ចាស់ជំនួយ កំពុងសិក្សាពីទំហំចំណាយ និងទីតាំងជាក់លាក់មួយចំនួន ដែលត្រូវជួសជុលឡើងវិញ។
នៅព្រឹកថ្ងៃទី ២៥ ធ្នូនេះ ពិធីចុះអនុស្សរណៈ ដែលនិយាយពីគម្រោងជួសជុលសារមន្ទីរព្រះនរោត្តម សីហនុ-អង្គរ ត្រូវបានរៀបចំឡើងនៅអាជ្ញាធរជាតិអប្សរា។ ក្នុងកិច្ចព្រមព្រៀងនេះ មានភាគីចំនួន៤ចូលរួម ដែលក្នុងនោះមានអាជ្ញាធរជាតិអប្សរា មូលនិធិក្លឹប១% របស់ក្រុមហ៊ុន អ៊ីអុង (AEON) សាកលវិទ្យាល័យសូហ្វីយ៉ា និងក្រុមហ៊ុនសាតូកម្ពុជា ដែលជាអ្នករ៉ាប់រង លើការងារជួសជុលសារមន្ទីរនេះ។
មូលនិធិ១% របស់ក្រុមហ៊ុន អ៊ីអុង ជាអ្នករ៉ាប់រងលើការងារជួសជុលសារមន្ទីរ ក្រោយពីមូលនិធិនេះ បានផ្តល់មូលនិធិកសាងសារមន្ទីរនេះ នៅឆ្នាំ២០០៧ ។ ក្នុងនោះអាជ្ញាធរជាតិអប្សរា មានភារកិច្ចសម្របសម្រួលលើការងារជាក់ស្តែង ក៏ដូចជារៀបចំជញ្ជូនវត្ថុបុរាណ ទៅរក្សានៅកន្លែងមានសុវត្ថិភាព។
តំណាងមូលនិធិក្លឹប ១% លោក ហាយ៉ាស៊ី ណាអុគី បានឲ្យដឹងថា ក្រោយពេលចុះអនុស្សរណនេះ លោកនឹងសិក្សាលម្អិតលើការងារជួសជុលសារមន្ទីរព្រះនរោត្តម សីហនុ-អង្គរ ជាមួយតំណាងក្រុមហ៊ុនសាតូកម្ពុជា មុននឹងកំណត់ទីតាំងជាក់លាក់ ដើម្បីជួសជុល។ ទាក់ទងនឹងតម្លៃជួសជុល លោក ហាយ៉ាស៊ី ណាអុគី មិនទាន់កំណត់បាននៅឡើយទេ ព្រោះថា វាកំពុងស្ថិតក្រោមការវាយតម្លៃនៅឡើយ។
អគ្គនាយកអាជ្ញាធរជាតិអប្សរា លោក ស៊ុំ ម៉ាប់ បានអរគុណ និងកោតសរសើរចំពោះក្រុមហ៊ុន អ៊ីអុង ដែលតែងតែសហការជួយអភិរក្សបេតិកភណ្ឌវប្បធម៌ ក្នុងរមណីយដ្ឋានអង្គរ។ កាលពីឆ្នាំ២០០៣ ក្រុមហ៊ុន អ៊ីអុង តាមរយៈមូលនិធិ ១%នេះ ក៏ធ្លាប់បានជួយដាំសួនឈើអនុស្សាវរីយ៍នៅក្បែរសួនគ្រឿងទេសនៃអាជ្ញាធរជាតិអប្សរាផងដែរ។ ចំពោះការងារទៅថ្ងៃខាងមុខ អាជ្ញាធរជាតិអប្សរា ក៏មានគម្រោងស្នើឲ្យក្រុមហ៊ុនរបស់ជប៉ុនមួយនេះ ជួយលើការងារអភិវឌ្ឍន៍សហគមន៍ក្នុងរមណីយដ្ឋានអង្គរផងដែរ។
គួរបញ្ជាក់ថា សារមន្ទីរព្រះនរោត្តម សីហនុ-អង្គរ ដែលស្ថិតនៅជាប់បុរីរដ្ឋបាលខេត្តសៀមរាប គ្រោងនឹងចាប់ផ្តើមជួសជុលនៅខែតុលា និងបញ្ចប់ជាស្ថាពរនៅចុងឆ្នាំ២០១៦ ឫដើមឆ្នាំ២០១៧ ។ សារមន្ទីរនេះ កសាងឡើងនៅឆ្នាំ២០០៧ ក្រោមកិច្ចសហការរវាងអាជ្ញាធរជាតិអប្សរា និងសកលវិទ្យាល័យសូហ្វីយ៉ា ក្រោមមូលនិធិក្លឹប១% របស់ក្រុមហ៊ុន អ៊ីអុង។ សារមន្ទីរនេះកសាងឡើង ដើម្បីដាក់តាំង និងតម្កល់វត្ថុបុរាណជាច្រើន ដែលបានកំណាយឃើញ ពេលកំពុងស្រាវជ្រាវនៅតំបន់ប្រាសាទបន្ទាយក្តី អំឡុងឆ្នាំ២០០០ និង២០០១ ដោយសកលវិទ្យាល័យសូហ្វីយ៉ា៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
