ជាតិ
នយោបាយជាតិ
×![]()
ពាក្យបណ្ដឹងរបស់ប្រធានគណបក្សអំណាចខ្មែរ លោក សួន សេរីរដ្ឋា ដែលប្ដឹងលោក ហោ ណាំហុង រដ្ឋមន្ត្រីក្រសួងការបរទេសកាលពី២១ ធ្នូ ឆ្នាំ២០១៥ ពីបទបរិហារកេរ្តិ៍ជាសាធារណៈ ត្រូវបានព្រះរាជអាជ្ញារងសាលាដំបូងរាជធានីភ្នំពេញ លោក មាស ចន្ទពិសិដ្ឋ បានបដិសេធដោយតម្កល់រឿងទុកឥតចាត់ការ។
លោក សួន សេរីរដ្ឋា ដែលទទួលបានលិខិតបដិសេធពីតុលាការនេះ បាននិយាយបែបចំអកថា ការមិនចាត់ការលើករណីលោក ប្ដឹងលោក ហោ ណាំហុង នេះដោយសារតែតុលាការគឺបង្កើតមកសម្រាប់តែបម្រើគណបក្សប្រជាជនកម្ពុជាប៉ុណ្ណោះ ដូច្នេះអ្នកដែលប្រឆាំងនឹងរដ្ឋាភិបាលនោះមិនអាចទទួលបានភាពយុត្តិធម៌ឡើយ។ ប្រធានគណបក្សអំណាចខ្មែររូបនេះ បានរិះគន់ថា តុលាការនេះ គឺជាតុលាការដែកគោល ដែលរង់ចាំញញួរដំក្បាលពីគណបក្សកាន់អំណាច ដើម្បីដាក់សម្ពាធទៅលើអ្នកដែលប្រឆាំងខ្លួនប៉ុណ្ណោះ។
ថ្លែងប្រាប់សារព័ត៌មានថ្មីៗ លោក សួន សេរីរដ្ឋា បញ្ជាក់ដូច្នេះថា៖« ខ្ញុំគិតថា តុលាការប្រាកដជាមិនចាត់ការរឿងនេះ ឥឡូវគឺដូចអ្វីដែលខ្ញុំគិត។ ខ្ញុំយល់ថា តុលាការគឺគុណភាព គ្មានយុត្តិធម៌សម្រាប់អ្នកប្រឆាំងរដ្ឋាភិបាលឡើយសម្បីតែខ្ញុំជាអ្នកនយោបាយផង ដូច្នេះប្រជាពលរដ្ឋទន់ខ្សោយគឺរឹតតែពិបាករកយុត្តិធម៌។ បើនិយាយឲ្យចំទៅតុលាការនេះគ្មានលទ្ធភាពដោះស្រាយបញ្ហាជូនពលរដ្ឋទេ មានតែចិញ្ចឹមរឿងអយុត្តិធម៌ច្រើនទៅវិញ»។
បើទោះជាមិនមានចំណាត់ការពីតុលាការក្រុងក៏ដោយ តែលោក សួន សេរីរដ្ឋា អះអាងថា លោក នឹងដាក់ពាក្យប្ដឹងលោក ហោ ណាំហុង ទៅកាន់សាលាឧទ្ធរណ៍បន្តទៀត ។ តែយ៉ាងណាលោក សួន សេរីរដ្ឋា ក៏មិនមានជំនឿទុកចិត្តលើប្រព័ន្ធតុលាការឡើយ។ លោកថា បើតុលាការឧទ្ធរណ៍នៅតែមិនអាចរកយុត្តិធម៌ជូនលោកបានទេ នោះរឹតតែបង្ហាញដល់បណ្ដាអង្គទូត សហគមជាតិ និងអន្តរជាតិឲ្យដឹងកាន់តែច្បាស់ថា តុលាការពិតជាគ្មានភាពឯករាជ្យ និងគ្មានយុត្តិធម៌សម្រាប់ប្រជាពលរដ្ឋទន់ខ្សោយ និងអ្នកនយោបាយប្រឆាំងរដ្ឋាភិបាលឡើយ ។
គួរបញ្ជាក់ថា មូលហេតុដែលលោក សួន សេរីរដ្ឋា ប្ដឹងលោក ហោ ណាំហុង នេះ គឺដោយសារតែរដ្ឋមន្ត្រីក្រសួងការបរទេសរូបនេះ បានចោទគណបក្សលោកថា មានសមាជិកជាភេវរករ កាលពីថ្ងៃទី៧ ខែធ្នូ កន្លងមក។ លោក សួន សេរីរដ្ឋា មិនអាចទទួលយកការចោទរបស់លោក ហោ ណាំហុង ឡើយ។
ប្រធានគណបក្សអំណាចខ្មែររូបនេះ អះអាងថាពាក្យសម្ដីរបស់លោក ហោ ណាំហុង ដែលបានចោទថា គណបក្សលោកមានក្រុមភេរវកម្មនេះ គឺធ្វើឲ្យខូចកេរ្តិ៍ឈ្មោះគណបក្ស និងធ្វើឲ្យប្រជាពលរដ្ឋមានការភ័យខ្លាច មិនហ៊ានគាំទ្រគណបក្សខ្លួន៕
លោក សួន សេរីរដ្ឋា ដែលទទួលបានលិខិតបដិសេធពីតុលាការនេះ បាននិយាយបែបចំអកថា ការមិនចាត់ការលើករណីលោក ប្ដឹងលោក ហោ ណាំហុង នេះដោយសារតែតុលាការគឺបង្កើតមកសម្រាប់តែបម្រើគណបក្សប្រជាជនកម្ពុជាប៉ុណ្ណោះ ដូច្នេះអ្នកដែលប្រឆាំងនឹងរដ្ឋាភិបាលនោះមិនអាចទទួលបានភាពយុត្តិធម៌ឡើយ។ ប្រធានគណបក្សអំណាចខ្មែររូបនេះ បានរិះគន់ថា តុលាការនេះ គឺជាតុលាការដែកគោល ដែលរង់ចាំញញួរដំក្បាលពីគណបក្សកាន់អំណាច ដើម្បីដាក់សម្ពាធទៅលើអ្នកដែលប្រឆាំងខ្លួនប៉ុណ្ណោះ។
ថ្លែងប្រាប់សារព័ត៌មានថ្មីៗ លោក សួន សេរីរដ្ឋា បញ្ជាក់ដូច្នេះថា៖« ខ្ញុំគិតថា តុលាការប្រាកដជាមិនចាត់ការរឿងនេះ ឥឡូវគឺដូចអ្វីដែលខ្ញុំគិត។ ខ្ញុំយល់ថា តុលាការគឺគុណភាព គ្មានយុត្តិធម៌សម្រាប់អ្នកប្រឆាំងរដ្ឋាភិបាលឡើយសម្បីតែខ្ញុំជាអ្នកនយោបាយផង ដូច្នេះប្រជាពលរដ្ឋទន់ខ្សោយគឺរឹតតែពិបាករកយុត្តិធម៌។ បើនិយាយឲ្យចំទៅតុលាការនេះគ្មានលទ្ធភាពដោះស្រាយបញ្ហាជូនពលរដ្ឋទេ មានតែចិញ្ចឹមរឿងអយុត្តិធម៌ច្រើនទៅវិញ»។
បើទោះជាមិនមានចំណាត់ការពីតុលាការក្រុងក៏ដោយ តែលោក សួន សេរីរដ្ឋា អះអាងថា លោក នឹងដាក់ពាក្យប្ដឹងលោក ហោ ណាំហុង ទៅកាន់សាលាឧទ្ធរណ៍បន្តទៀត ។ តែយ៉ាងណាលោក សួន សេរីរដ្ឋា ក៏មិនមានជំនឿទុកចិត្តលើប្រព័ន្ធតុលាការឡើយ។ លោកថា បើតុលាការឧទ្ធរណ៍នៅតែមិនអាចរកយុត្តិធម៌ជូនលោកបានទេ នោះរឹតតែបង្ហាញដល់បណ្ដាអង្គទូត សហគមជាតិ និងអន្តរជាតិឲ្យដឹងកាន់តែច្បាស់ថា តុលាការពិតជាគ្មានភាពឯករាជ្យ និងគ្មានយុត្តិធម៌សម្រាប់ប្រជាពលរដ្ឋទន់ខ្សោយ និងអ្នកនយោបាយប្រឆាំងរដ្ឋាភិបាលឡើយ ។
គួរបញ្ជាក់ថា មូលហេតុដែលលោក សួន សេរីរដ្ឋា ប្ដឹងលោក ហោ ណាំហុង នេះ គឺដោយសារតែរដ្ឋមន្ត្រីក្រសួងការបរទេសរូបនេះ បានចោទគណបក្សលោកថា មានសមាជិកជាភេវរករ កាលពីថ្ងៃទី៧ ខែធ្នូ កន្លងមក។ លោក សួន សេរីរដ្ឋា មិនអាចទទួលយកការចោទរបស់លោក ហោ ណាំហុង ឡើយ។
ប្រធានគណបក្សអំណាចខ្មែររូបនេះ អះអាងថាពាក្យសម្ដីរបស់លោក ហោ ណាំហុង ដែលបានចោទថា គណបក្សលោកមានក្រុមភេរវកម្មនេះ គឺធ្វើឲ្យខូចកេរ្តិ៍ឈ្មោះគណបក្ស និងធ្វើឲ្យប្រជាពលរដ្ឋមានការភ័យខ្លាច មិនហ៊ានគាំទ្រគណបក្សខ្លួន៕
Tag:
សួន សេរីរដ្ឋា
CPP
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
