ពីនេះ ពីនោះ
តើពាក្យ «សង្សារ និង សហាយ» លក្ខណៈខុសគ្នាដូចម្ដេច?
× សាធារណជនទូទៅសព្វថ្ងៃនេះ ពេញនិយមណាស់ក្នុងការប្រើប្រាស់ពាក្យថា«សង្សារ និងសហាយ» ជាពិសេសក្នុងស្រទាប់យុវវ័យ ដែលតែងប្រើប្រាស់ពាក្យថា«សង្សារ»ចំពោះគូស្នេហ៍របស់ខ្លួន។
វចនានុក្រមរបស់សម្ដេចព្រះសង្ឃរាជជួន ណាត បានកំណត់អត្ថន័យពាក្យទាំងពីរខាងលើនេះដូចខាងក្រោម៖
ពាក្យ «សង្សារ» ជានាម មានន័យថា ដំណើរអន្ទោលទៅមក, ដំណើរអន្ទោលកើតស្លាប់ មិនឈប់មិនស្រាក៖ សង្សាររបស់ពួកពាល វែងឆ្ងាយឥតអ្វីប្រៀប។ ខ្មែរប្រើសំដៅសេចក្ដីថា«ស្ត្រីជាសហាយស្មន់» ក៏មាន៖ ស្រីនុះជាសង្សាររបស់គេ។
ពាក្យ«សហាយ» ជានាម មានន័យថា សម្លាញ់, មិត្តសម្លាញ់៖ អ្នកដែលទៅ ឬមកជាមួយ, អ្នកកំដរ, គ្នា, អ្នកដែលជាគ្នា(បើស្ត្រីជាសហាយិកា)។ ខ្មែរប្រើពាក្យនេះសំដៅសេចក្ដីផ្សេងថា «បុរសស្ត្រីដែលដើរហើយឬដែលខូចកាចនឹងគ្នា៖ មានសាហាយ មានស្រីឬមានប្រុសជាអ្នកប្រព្រឹត្តស្មន់អន្ធករនឹងគ្នា។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com