កីឡាជាតិ
មនុស្សជិត១,៣០០នាក់ ចូលរួមរត់ប្រណាំងពាក់កណ្តាលម៉ារ៉ាតុងអន្តជាតិឆ្នាំនេះ
×![]()
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា សម្រាប់ការរត់ប្រណាំងពាក់កណ្តាលម៉ារ៉ាតុងអន្តរជាតិឆ្នាំ២០១៦ ដែលធ្វើនៅខេត្តព្រះសីហនុ នាថ្ងៃទី៦ ខែមិនា មានអត្តពលិកចូលរួមប្រកួតជិត ១,៣០០នាក់ ក្នុងនោះមានអត្តពលិកបរទេសជាង ១៥០នាក់ដែលមកពី២០ប្រទេសនៅលើសកលលោក។ ការថ្លែងបែបនេះធ្វើឡើងនាសន្និសីទសារព័ត៌មានកាលពីព្រឹកថ្ងៃទី១៩ ខែកុម្ភៈ នៅទីស្នាក់ការគណៈកម្មាធិការជាតិអូឡាំពិកកម្ពុជា។ 
អត្តពលិកជិត ១,៣០០នាក់ នឹងចូលរួមរត់ប្រណាំងពាក់កណ្តាលម៉ារ៉ាតុងអន្តរជាតិលើកទី៥ឆ្នាំ២០១៦ នៅលើទឹកដីនៃខេត្តព្រះសីហនុ ដែលជាតំបន់ទេសចរណ៍ រមណីយដ្ឋាន ឆ្នេរខ្សាច់មួយដ៏ល្អដាច់គេនៅតំបន់អាស៊ី។ ក្នុងចំណោមអត្តពលិកទាំងនេះមានអត្តពលិកបរទេសជាង១៥០នាក់ មកពី២០ប្រទេសនៅលើសកលលោក ពួកគេនឹងធ្វើការប្រកួតលើប្រភេទវិញ្ញាសា ២១គីឡូម៉ែត្រ ១០គីឡូម៉ែត្រ និង៣គីឡូម៉ែត្រ។
នាសន្និសីទសារព័ត៌មានដែលមានការចូលរួមពីលោក ប៉ែន វុទ្ធី អគ្គលេខាធិការសហព័ន្ធកីឡាអត្តពលកម្មស្ម័គ្រចិត្តកម្ពុជា លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានមានប្រសាសន៍ថាការរត់ប្រណាំងដែលធ្វើនៅខេត្តព្រះសីហនុនេះជាការចូលរួមចំណែកក្នុងការផ្សព្វផ្សាយពីតំបន់ទេសចរណ៍ រមណីយដ្ឋាន នៃខេត្តមួយនេះឲ្យភ្ញៀវទេសចរជាតិ និងអន្តរជាតិដែលមកពីបណ្តាប្រទេសលើកសកលលោកស្គាល់កាន់តែច្បាស់ និងជួយចូលរួមចំណែកដល់ការការពារបរិស្ថាន សម្បត្តិធម្មជាតិ និងជួយដល់វិស័យមនុស្សធម៌ទៀតផង៕
Tag:
កីឡា
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
