លោក ស៊ិក ប៊ុនហុក ស្វាគមន៍ប្រធានអង្គការមួយដែលចង់ប្ដឹង គ.ជ.ប

ជាតិ

នយោបាយជាតិ

លោក ស៊ិក ប៊ុនហុក ស្វាគមន៍ប្រធានអង្គការមួយដែលចង់ប្ដឹង គ.ជ.ប

23, Feb 2016 , 2:52 pm

រូបភាព

ដោយ: រំដួល ចិត្រា (Romdoul Chetra)

ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក ស៊ិក ប៊ុនហុក ប្រកាសស្វាគមន៍ចំពោះការព្រមានរបស់ប្រធានអង្គការមួយ ដែលចង់ប្ដឹង គ.ជ.ប ទៅក្រុមប្រឹក្សា ធម្មនុញ្ញ និងអង្គភាពប្រឆាំងអំពើពុករលួយ ពាក់ព័ន្ធនឹងករណីដែល គ.ជ.ប ធ្វើសមាហរណកម្មតែងតាំងមន្ត្រីចូលទៅក្នុងក្របខណ្ឌមន្ត្រីរាជការនៃគ.ជ.ប។ ការប្រកាសរបស់ប្រធាន គ.ជ.ប ធ្វើឡើងនៅក្នុងការប្រកាសតែងតាំងតំណែងមន្ត្រីជាផ្លូវការប្រមាណ ៣៦០ នាក់ ចាប់ពីតំណែងអគ្គលេខាធិការ រហូតដល់ប្រធាន និងអនុប្រធានការិយាល័យខេត្តរបស់គ.ជ.ប។

មុននឹងបញ្ចប់កម្មវិធីប្រកាសការតែងតាំងផ្ទេរបញ្ចូលមន្ត្រី ទៅក្នុងក្របខណ្ឌមន្ត្រីរាជការនៃគ.ជ.ប នេះ លោក ស៊ិក ប៊ុនហុក បានប្រកាសបែបចំអកថា គ.ជ.ប រង់ចាំការប្ដឹងពីអង្គការបញ្ញវន្តកំណែទម្រង់សង្គមដឹកនាំដោយ លោក រស់ សារ៉ុម ដែលចង់ដាក់ពាក្យប្ដឹងស្ថាប័ន គ.ជ.ប ទៅស្ថាប័ន ក្រុមប្រឹក្សាធម្មនុញ្ញ និងអង្គភាពប្រឆាំងអំពើពុករលួយ អំពីរឿងពុករលួយ និងគ្មានឯករាជ្យភាពជាដើម។ ប្រធាន គ.ជ.ប រូបនេះ បានចំអកទៀតថា ការលើកឡើងរបស់ក្រុមអង្គការបញ្ញវន្តកំណែទម្រង់សង្គមនេះ គឺគ្រាន់តែជាការបញ្ចេញមតិដើម្បីទទួលបានប្រជាប្រិយភាព ដោយមិនបានស្វែងយល់ពីច្បាប់របស់ គ.ជ.ប ឡើយ។

សូមស្ដាប់ប្រសាសន៍លោក ស៊ិក ប៊ុនហុក ប្រធាន គ.ជ.ប៖

គួរបញ្ជាក់ថា នៅក្នុងពិធីនេះ ក៏បានប្រកាសសមាហរណកម្មមន្ត្រីគ.ជ.ប ចាប់ពីអគ្គលេខាធិការហូតដល់ប្រធានលេខាធិការដ្ឋាន ទៅជាមន្ត្រីរាជការស៊ីវិល ដែលនឹងទទួលបានប្រាក់បៀរវត្សរ៍ និងប្រាក់ចូលនិវត្តន៍ផងដែរ៕