សិស្សសាលា Future Leaders ១៦០នាក់ទទួលការពិនិត្យធ្មេញដោយឥតគិតថ្លៃពីមន្ទីរព្យាបាលធ្មេញបស្ចិម

អត្ថបទពាណិជ្ជកម្ម

សិស្សសាលា Future Leaders ១៦០នាក់ទទួលការពិនិត្យធ្មេញដោយឥតគិតថ្លៃពីមន្ទីរព្យាបាលធ្មេញបស្ចិម

23, Feb 2016 , 3:28 pm

រូបភាព

ដោយ: ថ្មីៗ

ក្រោមកិច្ចសហការគ្នារវាងមន្ទីរព្យាបាលធ្មេញបស្ចិម និងសាលារៀន Future Leaders បានរៀបចំកម្មវិធីពិនិត្យ និងពិគ្រោះជំងឺធ្មេញជូនសិស្សានុសិស្ស ប្រមាណ១៦០នាក់ កាលពីថ្ងៃទី១៩-២០ ខែកុម្ភៈ ឆ្នាំ២០១៦ នៅសាលា Future Leaders ខណ្ឌទួលគោក។

លោក ជុំ សោភ័ណ្ឌ តំណាងមន្ទីរព្យាបាលធ្មេញបស្ចិម បានលើកឡើងថា៖ នេះគឺជាលើកទី២ហើយ ដែលបស្ចិមបានសហការរៀបចំកម្មវិធីពិនិត្យសុខភាពជូនសិស្សសាលា Future Leaders ហើយពីរថ្ងៃនេះ យើងបានពិនិត្យ និងពិគ្រោះជំងឺមាត់ធ្មេញជូនសិស្សបាន១៦០នាក់។ លោកបានបន្ថែមទៀតថា បស្ចិម ដែលជាមន្ទីរព្យាបាលធ្មេញធំជាងគេ និងឈានមុខគេនៅកម្ពុជា តែងតែយកចិត្តទុកដាក់បំផុតសម្រាប់សកម្មភាពសង្គម។ កន្លងមក យើងធ្វើបានរៀបចំកម្មវិធីសង្គមជាច្រើនដូចជា ការធ្វើបទបង្ហាញស្តីអំពីសុខភាពមាត់ធ្មេញ ការពិនិត្យ និងការព្យាបាលសុខភាពមាត់ធ្មេញ នៅតាមអង្គការ សាលារៀន និងស្ថាប័នឯកជនជាច្រើនកន្លែងរួចមកហើយ។ ក្នុងពេលនោះដែរ លោកក៏បានផ្តាំផ្ញើ ទៅកាន់សិស្សានុសិស្ស និងអាណាព្យាបាលឲ្យយកចិត្តទុកដាក់បំផុតសម្រាប់ ការថែរក្សាសុខភាពមាត់ធ្មេញឲ្យបានល្អ ពីព្រោះការការពារប្រសើរជាងព្យាបាល។ ការថែទាំសុខភាពមាត់ធ្មេញបានល្អនៅវ័យក្មេង គឺជាសកម្មភាពចាំបាច់បំផុត ដែលឪពុកម្តាយអាណាព្យាបាលត្រូវធ្វើ ចៀសវាងការខាតថវិកា ពេលវេលា និងអាចប៉ះពាល់ដល់សុខភាពទូទៅផង។

គួរបញ្ជាក់ថា មន្ទីរព្យាបាលធ្មេញបស្ចិម បានបង្កើតដំបូងនៅឆ្នាំ១៩៩៩ និងបានទទួលវិញ្ញាបនបត្របញ្ជាក់គុណភាព ពីចក្រភពអង់គ្លេសកាលពីឆ្នាំ២០១១។ មកដល់ពេលនេះ បស្ចិមមាន៤ទីតាំងធំៗ ដោយ៣ទីតាំងនៅភ្នំពេញ និង១ ទីតាំងទៀត នៅខេត្តសៀមរាប៕