ជាតិ
×![]()
ដោយ: រួបរួម
សម្តេចនាយករដ្ឋមន្ត្រី ហ៊ុន សែន នាពិធីសម្ពោធទីតាំងថ្មីរបស់ក្រសួងបរិស្ថាន នៅព្រឹកថ្ងៃព្រហស្បតិ៍ ទី២៥ ខែកុម្ភៈ នេះ បានលើកឡើងថា សម្តេច មានការឈឺចាប់នៅពេលដែលលឺគេស្រែកពីបញ្ហាកាប់បំផ្លាញព្រៃឈើ។ សម្តេចបានបញ្ជាក់ថា ទង្វើកាប់បំផ្លាញព្រៃឈើត្រូវតែបង្ក្រាប និងត្រូវការការយកចិត្តទុកដាក់ពីមន្ត្រីជំនាញ។
ខុសពីគ្រឿងញៀន សម្តេច ហ៊ុន សែន គិតថា ការបង្ក្រាបបទល្មើសព្រៃឈើ ខុសពីគ្រឿងញៀន ដែលត្រូវការអ្នកជំនាញ។ ប្រមុខរដ្ឋាភិបាលបានស្តីបន្ទោសថា៖ «ដឹកឈើ អាហ្នឹងដឹកឡាន ហើយធំៗណាស់ ចុះអ្នកទៅណាអស់? ទាំងភ្នែកទាហាន ទាំងភ្នែកប៉ូលិស ទាំងភ្នែកប៉េអឹម ទាំងភ្នែករដ្ឋបាលព្រៃឈើ បរិស្ថាន ទៅអស់ណាអស់? ហើយក៏អាហ្នឹងជាមួយគេដែរ? វាណាស់តែអ៊ីចឹង»។
សម្តេចបានព្រមានថា៖ «ខ្ញុំឲ្យឧទ្ធម្ភាគចក្រ២គ្រឿង សៅ សុខា ដូចជា អត់ទាន់បាញ់មួយគ្រាប់ផងទេ ខ្ញុំឲ្យបាញ់ បើថាវាព្រហើន រុក្កែតដាក់ពីលើតែម្តង អត់មានរញេរញ៉ៃទេ»។
ទោះបីជាយ៉ាងណាក៏ដោយ សម្តេច នាយករដ្ឋមន្ត្រី ហ៊ុន សែន បានទាញយកហេតុផលមួយចំនួនទាក់ទងនឹងការកាប់ព្រៃឈើថា «បើមិនកាប់ព្រៃឈើ ធ្វើម្តេចនឹងកៅស៊ូទៅកើត?»។ សម្តេចបានធ្វើការប្រៀបធៀបថានៅម៉ាឡេស៊ី ថៃ ឥណ្ឌូនេស៊ី និងប្រទេសផ្សេងៗ មុននឹងបានដំណាំដូងប្រេង និងកៅស៊ូ ច្បាស់ជាមានការកាប់ព្រៃឈើ ដូចជាកម្ពុជាយ៉ាងដូច្នោះដែរ ប៉ុន្តែការកាប់របស់កម្ពុជាធ្វើឡើងនៅចំពេលដែលគេធ្វើការឃោសនាវាយប្រហារ។
សម្រាប់សម្តេច ហ៊ុន សែន វាជារឿងដ៏គួរឲ្យឈឺចាប់ចំពោះការរិៈគន់នានា ប៉ុន្តែសម្តេច ប្រឆាំងដាច់ខាតចំពោះការកាប់បំផ្លាញ និងទន្ទ្រានព្រៃឈើ៕
ខុសពីគ្រឿងញៀន សម្តេច ហ៊ុន សែន គិតថា ការបង្ក្រាបបទល្មើសព្រៃឈើ ខុសពីគ្រឿងញៀន ដែលត្រូវការអ្នកជំនាញ។ ប្រមុខរដ្ឋាភិបាលបានស្តីបន្ទោសថា៖ «ដឹកឈើ អាហ្នឹងដឹកឡាន ហើយធំៗណាស់ ចុះអ្នកទៅណាអស់? ទាំងភ្នែកទាហាន ទាំងភ្នែកប៉ូលិស ទាំងភ្នែកប៉េអឹម ទាំងភ្នែករដ្ឋបាលព្រៃឈើ បរិស្ថាន ទៅអស់ណាអស់? ហើយក៏អាហ្នឹងជាមួយគេដែរ? វាណាស់តែអ៊ីចឹង»។
សម្តេចបានព្រមានថា៖ «ខ្ញុំឲ្យឧទ្ធម្ភាគចក្រ២គ្រឿង សៅ សុខា ដូចជា អត់ទាន់បាញ់មួយគ្រាប់ផងទេ ខ្ញុំឲ្យបាញ់ បើថាវាព្រហើន រុក្កែតដាក់ពីលើតែម្តង អត់មានរញេរញ៉ៃទេ»។
ទោះបីជាយ៉ាងណាក៏ដោយ សម្តេច នាយករដ្ឋមន្ត្រី ហ៊ុន សែន បានទាញយកហេតុផលមួយចំនួនទាក់ទងនឹងការកាប់ព្រៃឈើថា «បើមិនកាប់ព្រៃឈើ ធ្វើម្តេចនឹងកៅស៊ូទៅកើត?»។ សម្តេចបានធ្វើការប្រៀបធៀបថានៅម៉ាឡេស៊ី ថៃ ឥណ្ឌូនេស៊ី និងប្រទេសផ្សេងៗ មុននឹងបានដំណាំដូងប្រេង និងកៅស៊ូ ច្បាស់ជាមានការកាប់ព្រៃឈើ ដូចជាកម្ពុជាយ៉ាងដូច្នោះដែរ ប៉ុន្តែការកាប់របស់កម្ពុជាធ្វើឡើងនៅចំពេលដែលគេធ្វើការឃោសនាវាយប្រហារ។
សម្រាប់សម្តេច ហ៊ុន សែន វាជារឿងដ៏គួរឲ្យឈឺចាប់ចំពោះការរិៈគន់នានា ប៉ុន្តែសម្តេច ប្រឆាំងដាច់ខាតចំពោះការកាប់បំផ្លាញ និងទន្ទ្រានព្រៃឈើ៕
Tag:
សម្តេច ហ៊ុន សែន
ព្រៃឈើ
បរិស្ថាន
© រក្សាសិទ្ធិដោយ thmeythmey.com
