ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
អគារបណ្ណាល័យថ្មីមួយទៀត គាំទ្រថវិកាដោយប្រាសាក់ បានដាក់ឲ្យប្រើប្រាស់ជាផ្លូវការ
25, Feb 2016 ,
4:59 pm
រូបភាព
×
ដោយ:
ថ្មីៗ
សៀមរាប៖ កាលពីថ្មីៗកន្លងមកនេះ ពិធីសម្ពោធអគារបណ្ណាល័យថ្មីមួយបន្ថែមទៀតបានប្រព្រឹត្តទៅនៅ សាលាបឋមសិក្សាកផ្តៀក ស្ថិតនៅកប្តៀក ឃុំគោកដូង ស្រុកអង្គរជុំ ខេត្តសៀមរាប ក្រោមអធិបតីនៃថ្នាក់ ដឹកនាំមន្ទីរអប់រំ យុវជន និងកីឡា ខេត្តសៀមរាប អភិបាល នៃគណៈអភិបាលស្រុកអង្គរជុំ ថ្នាក់ដឹកនាំការិយាល័យអប់រំ យុវជន និងកីឡា ថ្នាក់ដឹកនាំប្រាសាក់ តំណាងអង្គការូមធូរីដ។ ក្នុងពិធីនោះដែរក៏មានការអញ្ជើញចូលរួមពី អាជ្ញាធរដែនដី បុគ្គលិក ប្រាសាក់ លោកគ្រូ អ្នកគ្រូ សហគមន៍ និងសិស្សានុសិស្ស សរុបប្រមាណ ៦០០ នាក់ផងដែរ។
លោក ស៊ូ វណ្ណថន នាយកប្រតិបត្តិគ្រប់គ្រងធនធានមនុស្ស ប្រាសាក់ បានមានប្រសាសន៍ក្នុងពិធីសម្ពោធនោះ ថា ក្រុមប្រឹក្សាភិបាល និងថ្នាក់គ្រប់គ្រងប្រាសាក់ មានសេចក្តីសោមនស្សរីករាយក្នុងការចូលរួមចំណែកក្នុងបង្កើនចំណេះ ដឹងដល់ប្រជាជនកម្ពុជា ជាពិសេស កុមារា កុមារី តាមរយៈគម្រោងបណ្ណាល័យនេះ។ ជាក់ស្តែងបណ្ណាល័យនៅសាលា បឋមសិក្សា កផ្តៀក នេះ ជាសមិទ្ធិផលមួយដែលប្រាសាក់ផ្តល់ជូនសិស្សានុសិស្ស លោកគ្រូ អ្នកគ្រូ នាឆ្នាំសិក្សា ២០១៥-២០១៦ នេះ និងជាទ្រព្យមិនចេះរីងស្ងួតសម្រាប់សិស្សានុសិស្សនៅក្នុងឃុំគោកដូងទាំងមូលក្នុងការបម្រើឲ្យការសិក្សា ស្រាវជ្រាវបន្ថែមនិងទម្លាប់ខ្លួនក្នុងការអានដើម្បីបង្កើនសមត្ថភាពនិងមានភាពខ្លាំងក្នុងការប្រកួតប្រជែងក្នុងតំបន់អាស៊ាន។
រហូតមកដល់បច្ចុប្បន្ន ប្រាសាក់បានផ្តល់អគារបណ្ណាល័យចំនួន១៧ខ្នងជាមួយនឹងការបំពាក់ទៅដោយធនធានសម្ភារ និងឯកសារសម្បូរបែប សម្រាប់បម្រើឲ្យការអាន និងការសិក្សារបស់ សិស្សានុសិស្ស និងលោកគ្រូអ្នកគ្រូ សរុបប្រមាណ ១១.៤៦០ នាក់ មកពី ៤០.០១៤ គ្រួសារ ដែលគ្របដណ្តប់លើ ២០៧ ភូមិ នៅក្នុងខេត្ត ព្រៃវែង កំពង់ចាម កំពង់ស្ពឺ សៀមរាប ព្រះវិហារ តាកែវ បាត់ដំបង និងកំពង់ធំ។ លោកបានបន្ថែមថា បណ្ណាល័យនៅសាលា កផ្តៀក នេះ អាចកើត មានឡើងបាន ក៏អាស្រ័យដោយមានការ ចូលរួមពី សហគមន៍ អាជ្ញាធរដែនដី អង្គការរូមធូរីត និងអតិថិជនរបស់ ប្រាសាក់។ ក្នុងឱកាសនោះដែរ លោកក៏សូមថ្លែងអំណរគុណចំពោះអតិថិជនទាំងអស់ យ៉ាងជ្រាលជ្រៅដល់អតិថិជន និង គ្រប់ដៃគូសហការទាំងអស់ដែលបានបន្តគាំទ្ររហូតដល់ពេលបច្ចុប្បន្ន និងសូមជួនពរភាគីពាក់ព័ន្ធទាំងអស់ឲ្យប្រកបតែ សិរីជ័យមង្គល វិបុលសុខ និងជ័យជម្នះគ្រប់កិច្ចការងារ។
លោក សយ ទិត្យាវង្ស ប្រធានមន្ទីរអប់រំ យុវជន និងកីឡា ខេត្តសៀមរាប បានផ្តាំផ្ញើនិងបានសំណូមពរឲ្យលោកគ្រូអ្នកគ្រូ និងមាតាបិតាសិស្សទាំងអស់ត្រូវចូលរួមថែររក្សាអគារបណ្ណាល័យនេះឲ្យបានល្អ និងជម្រុញឲ្យសិស្សានុសិស្សប្រើប្រាស់ អគារបណ្ណាល័យនះឲ្យអស់ពីលទ្ធភាពឲ្យសមនឹងថវិកាដែលបានចំណាយសាងសង់ និងសន្ដានចិត្តរបស់អ្នកឧបត្ថម្ភ គម្រោង។
ជាបន្ត លោកស្រី អ៊ឹង ផល្លី អភិបាលរងនៃគណៈអភិបាល ស្រុកអង្គរជុំ បានសម្តែងនូវសេចក្តីត្រេកអរយ៉ាងខ្លាំង ដែលស្រុកអង្គរជុំទទួលបាននូវសមិទ្ធផលអគារបណ្ណាល័យថ្មីនៅថ្ងៃនោះ។ លោកស្រីថា “ក្នុងនាមប្រជាពលរដ្ឋ និង អាជ្ញាធរ គ្រប់លំដាប់ថ្នាក់ក្នុងស្រុកអង្គរជុំសូមថ្លែងអំណរគុណយ៉ាងជ្រាលជ្រៅចំពោះប្រាសាក់ដែលបានផ្តល់អគារបណ្ណា ល័យដ៏ថ្មី និងស្រស់ស្អាតនៅទីនេះ”។
សូមបញ្ជាក់ជូនដែរថា ប្រាសាក់ជាគ្រឹះស្ថានហិរញ្ញវត្ថុដែលបានឆ្លើយតបតាមតម្រូវការរបស់ប្រជាជនទូទៅ តាមរយៈការ ផ្តល់ជូននូវដំណោះស្រាយផ្នែកហិរញ្ញវត្ថុដ៏ប្រសើរ ដូចជា ឥណទាន បញ្ញើសន្សំ ផ្ទេរប្រាក់ ប្តូរប្រាក់ អេធីអឹម ទិញកាតទូរ សព្ទ ទូទាត់វិក្កយបត្រ សេវាបើកប្រាក់បៀវត្ស សេវាធនាគារចល័ត និងសេវាកម្មដទៃផ្សេងទៀត។ ជាមួយគ្នានេះដែរ ប្រាសាក់បាននឹងកំពុងតែបន្តស្វះស្វែងអភិវឌ្ឍផលិតផលសេវាកម្មបន្ថែម និងសហការជាមួយដៃគូ ពាណិជ្ជកម្មផ្សេងៗ ដើម្បីផ្តល់ផលប្រយោជន៍បន្ថែម ដល់ដំណើរការសកម្មភាពអាជីវកម្មប្រចាំថ្ងៃរបស់អតិថិជន។ បច្ចុប្បន្ន ប្រាសាក់មាន ទ្រព្យសកម្មចំនួនជាង ១.០៦៣ លានដុល្លារអាមេរិក បុគ្គលិកសរុបចំនួន ៥.២៧៤ នាក់ និងមានការិយាល័យចំនួន ១៨១ ទីតាំង និងបានបំពាក់ម៉ាស៊ីនអេធីអឹមចំនួន ១០១ គ្រឿងនៅទូទាំងប្រទេស។ ហើយប្រាសាក់ កំពុងតែផ្តល់ជូនកម្មវិធី សន្សំពិសេស “រីកចម្រើនដោយសុខុមាលភាព” ជាមួយអាត្រាការប្រាក់ខ្ពស់រហូតដល់ ៩,៧៥%។ ហើយអ្វីដែលកាន់ តែពិសេសនោះ លោកអ្នកនឹងទទួលបានរង្វាន់ដោយមិនចាំបាច់ផ្សងសំណាង។ រង្វាន់ទាំងនោះរួមមាន៖ កុំព្យូទ័រ MacBook Air, ទូរសព្ទ iPhone ទូរសព្ទ Samsung Galaxy និងរង្វាន់ជាច្រើនទៀត៕
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
1 សប្តាហ៍
«ប្រទានកម្ម»មានន័យដូចម្តេច?
2 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
3 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
4 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
1 សប្តាហ៍
អត្ថបទពេញនិយមបន្ថែម