អន្តរជាតិ
មេដឹកនាំកំពូលអ៊ីរ៉ង់ព្រមានពីកលល្បិចរបស់លោកខាងលិចនៅមុនការបោះឆ្នោតសភា
×![]()
មេដឹកនាំកំពូលអ៊ីរ៉ង់លោក អាយ៉ាតូឡា អាលី ខាមេនី បានចេញសារព្រមានប្រជាជនអ៊ីរ៉ង់ ពីគម្រោងការអាក្រក់របស់បស្ចិមប្រទេស ដែលចង់បញ្ចេញឥទ្ធិពលក្នុងពេលបោះឆ្នោតអ៊ីរ៉ង់នៅពេលខាងមុខ។ ជាការបោះឆ្នោតលើកដំបូងចាប់តាំងពីមានការដកទណ្ឌកម្ម។ ការបោះឆ្នោតលើកនេះត្រូវគេមើលឃើញជាការប្រកួតប្រជែងរវាងក្រុមកែទម្រង់របស់លោក រ៉ូហានី និងក្រុមអ្នកអភិរក្សនិយម។ 
ស្របពេលដែលការបោះឆ្នោតសភាកាន់តែខិតចូលមកដល់ មេដឹកនាំកំពូលអ៊ីរ៉ង់លោក អាលី ខាមេនី បានដាស់តឿនអ្នកបោះឆ្នោតអ៊ីរ៉ង់ ត្រូវប្រុងប្រយ័ត្នកលល្បិចរបស់ពួកលោកខាងលិច។ ក្រុមកែទម្រង់របស់លោកប្រធានាធិបតី ហាសសាន រ៉ូហានី នឹងត្រូវប្រជែងជាមួយក្រុមអភិរក្ស ដែលចោទលោករ៉ូហានីថា មាននិន្នាការទោរទន់ទៅរកលោកខាងលិច។
មេដឹកនាំកំពូលរូបនេះដូចជាមានការសង្ស័យនឹងលើការខិតចូលគ្នាយ៉ាងលឿនរវាងអ៊ីរ៉ង់និងលោកខាងលិច។ ប៉ុន្តែលោក ខាមេនី ប្រាកដថា ពលរដ្ឋអ៊ីរ៉ង់នឹងបន្តរក្សាជំហរអ៊ីរ៉ង់ប្រឆាំងនឹងក្រុមបស្ចិមប្រទេស ក្នុងការបោះឆ្នោតនៅថ្ងៃសុក្រ ទី២៦ ខែកុម្ភៈ។ តាមរយៈសេចក្ដីប្រកាសនៅលើគេហទំព័រផ្លូវការ លោក ខាមេនី បញ្ជាក់ច្បាស់ថា ក្រោយសម្រេចបានកិច្ចព្រមព្រៀងនុយក្លេអ៊ែរ អាមេរិករៀបគម្រោងការជ្រៀតចូលអ៊ីរ៉ង់។
ដោយសារតែអ៊ីរ៉ង់មានទំនាក់ទំនងល្អប្រសើរជាមួយលោកខាងលិច បក្សពួករបស់លោកប្រធានាធិបតីរ៉ូហានី ត្រូវបានក្រុមប្រឆាំងចោទថាជាប់ពាក់ព័ន្ធនឹងក្រុមមហាអំណាចលោកខាងលិចរួមមានអាមេរិកនិងអង់គ្លេស ដែលជាសត្រូវនឹងគ្នាចាប់តាំងពីបដិវត្តឆ្នាំ១៩៧៩មក។ ការចោទប្រកាន់នេះបានចុចចំណុចរបស់ប្រជាជនអ៊ីរ៉ង់ដែលតែងប្រុងប្រយ័ត្ននឹងសកម្មភាពរបស់ក្រុមលោកខាងលិច។
យ៉ាងណាមិញ នៅថ្ងៃពុធ ទី២៤ ខែកុម្ភៈ លោករ៉ូហានីបានច្រានចោលការចោទប្រកាន់ របស់ក្រុមប្រឆាំងថា បេក្ខជនស្និទ្ធរូបលោកជាប់ពាក់ព័ន្ធនឹងលោកខាងលិច ហើយនេះមិន មែនជារឿងពិត។ លោករ៉ូហានី ថែមទាំងចាត់ទុកជារឿងអាម៉ាស់របស់របស់ក្រុមចារកម្មអ៊ីរ៉ង់ទៀតផង។
លើសពីនោះក្រុមអ្នកគាំទ្រលោកប្រធានាធិបតីរ៉ូហានី រំពឹងថានឹងកាន់តែពង្រីកឥទ្ធិពលបន្ថែមទៀតក្នុងសភាដែលមានសមាជិក២៨០នាក់។ ក្រុមលោករ៉ូហានី ក៏ផ្ដោតលើការពង្រីកឥទ្ធិពលចូលទៅក្រុមប្រឹក្សាសាសនវិទូឥស្លាម (Assembly of Experts) ដែលទទួលខុសត្រូវលើការរើសមេដឹកនាំកំពូល។
សូមបញ្ជាក់ដែរថា ចាប់តាំងពីមានបដិវត្តន៍ឥស្លាមឆ្នាំ១៩៧៩ ទំនាក់ទំនងរវាងអ៊ីរ៉ង់និងលោកខាងលិច មិនមានភាពល្អប្រសើរឡើយ។ មេដឹកនាំអ៊ីរ៉ង់តែងតែមានគំនិតប្រឆាំងនឹងមហាអំណាចលោកខាងលិច ជាពិសេសអាមេរិកនិងសម្ព័ន្ធមិត្តរបស់ខ្លួន ដោយបានរិះគន់ថា តេងតែជ្រៀងជ្រែកកិច្ចការផ្ទៃក្នុងប្រទសដទៃ។ យ៉ាងណាក្ដី ទំនាក់ទំនងនេះ ហាក់មានភាពល្អប្រសើរវិញ ក្នុងអាណត្តិលោករ៉ូហានី ដែលបានឈានដល់ការចុះកិច្ចព្រមព្រៀងនុយក្លេអ៊ែរជាមួយមហាអំណាចថែមទៀតផង៕
ស្របពេលដែលការបោះឆ្នោតសភាកាន់តែខិតចូលមកដល់ មេដឹកនាំកំពូលអ៊ីរ៉ង់លោក អាលី ខាមេនី បានដាស់តឿនអ្នកបោះឆ្នោតអ៊ីរ៉ង់ ត្រូវប្រុងប្រយ័ត្នកលល្បិចរបស់ពួកលោកខាងលិច។ ក្រុមកែទម្រង់របស់លោកប្រធានាធិបតី ហាសសាន រ៉ូហានី នឹងត្រូវប្រជែងជាមួយក្រុមអភិរក្ស ដែលចោទលោករ៉ូហានីថា មាននិន្នាការទោរទន់ទៅរកលោកខាងលិច។
មេដឹកនាំកំពូលរូបនេះដូចជាមានការសង្ស័យនឹងលើការខិតចូលគ្នាយ៉ាងលឿនរវាងអ៊ីរ៉ង់និងលោកខាងលិច។ ប៉ុន្តែលោក ខាមេនី ប្រាកដថា ពលរដ្ឋអ៊ីរ៉ង់នឹងបន្តរក្សាជំហរអ៊ីរ៉ង់ប្រឆាំងនឹងក្រុមបស្ចិមប្រទេស ក្នុងការបោះឆ្នោតនៅថ្ងៃសុក្រ ទី២៦ ខែកុម្ភៈ។ តាមរយៈសេចក្ដីប្រកាសនៅលើគេហទំព័រផ្លូវការ លោក ខាមេនី បញ្ជាក់ច្បាស់ថា ក្រោយសម្រេចបានកិច្ចព្រមព្រៀងនុយក្លេអ៊ែរ អាមេរិករៀបគម្រោងការជ្រៀតចូលអ៊ីរ៉ង់។
ដោយសារតែអ៊ីរ៉ង់មានទំនាក់ទំនងល្អប្រសើរជាមួយលោកខាងលិច បក្សពួករបស់លោកប្រធានាធិបតីរ៉ូហានី ត្រូវបានក្រុមប្រឆាំងចោទថាជាប់ពាក់ព័ន្ធនឹងក្រុមមហាអំណាចលោកខាងលិចរួមមានអាមេរិកនិងអង់គ្លេស ដែលជាសត្រូវនឹងគ្នាចាប់តាំងពីបដិវត្តឆ្នាំ១៩៧៩មក។ ការចោទប្រកាន់នេះបានចុចចំណុចរបស់ប្រជាជនអ៊ីរ៉ង់ដែលតែងប្រុងប្រយ័ត្ននឹងសកម្មភាពរបស់ក្រុមលោកខាងលិច។
យ៉ាងណាមិញ នៅថ្ងៃពុធ ទី២៤ ខែកុម្ភៈ លោករ៉ូហានីបានច្រានចោលការចោទប្រកាន់ របស់ក្រុមប្រឆាំងថា បេក្ខជនស្និទ្ធរូបលោកជាប់ពាក់ព័ន្ធនឹងលោកខាងលិច ហើយនេះមិន មែនជារឿងពិត។ លោករ៉ូហានី ថែមទាំងចាត់ទុកជារឿងអាម៉ាស់របស់របស់ក្រុមចារកម្មអ៊ីរ៉ង់ទៀតផង។
លើសពីនោះក្រុមអ្នកគាំទ្រលោកប្រធានាធិបតីរ៉ូហានី រំពឹងថានឹងកាន់តែពង្រីកឥទ្ធិពលបន្ថែមទៀតក្នុងសភាដែលមានសមាជិក២៨០នាក់។ ក្រុមលោករ៉ូហានី ក៏ផ្ដោតលើការពង្រីកឥទ្ធិពលចូលទៅក្រុមប្រឹក្សាសាសនវិទូឥស្លាម (Assembly of Experts) ដែលទទួលខុសត្រូវលើការរើសមេដឹកនាំកំពូល។
សូមបញ្ជាក់ដែរថា ចាប់តាំងពីមានបដិវត្តន៍ឥស្លាមឆ្នាំ១៩៧៩ ទំនាក់ទំនងរវាងអ៊ីរ៉ង់និងលោកខាងលិច មិនមានភាពល្អប្រសើរឡើយ។ មេដឹកនាំអ៊ីរ៉ង់តែងតែមានគំនិតប្រឆាំងនឹងមហាអំណាចលោកខាងលិច ជាពិសេសអាមេរិកនិងសម្ព័ន្ធមិត្តរបស់ខ្លួន ដោយបានរិះគន់ថា តេងតែជ្រៀងជ្រែកកិច្ចការផ្ទៃក្នុងប្រទសដទៃ។ យ៉ាងណាក្ដី ទំនាក់ទំនងនេះ ហាក់មានភាពល្អប្រសើរវិញ ក្នុងអាណត្តិលោករ៉ូហានី ដែលបានឈានដល់ការចុះកិច្ចព្រមព្រៀងនុយក្លេអ៊ែរជាមួយមហាអំណាចថែមទៀតផង៕
Tag:
អ៊ីរ៉ង់
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
