សម្ដេច ហ៊ុន សែន គ្រោងចុះពិនិត្យមើលឃ្លាំងស្ដុកឈើ

ជាតិ

សម្ដេច ហ៊ុន សែន គ្រោងចុះពិនិត្យមើលឃ្លាំងស្ដុកឈើ

25, Feb 2016 , 5:33 pm

រូបភាព

ដោយ: ថ្មីៗ

នៅក្នុងពិធីបិទសន្និបាតបូកសរុបការងារឆ្នាំ២០១៥ និងលើកទិសដៅការងាឆ្នាំ២០១៦ របស់ក្រសួងមហាផ្ទៃ សម្តេច ហ៊ុន សែន បានបញ្ជាក់ថា សម្ដេចមានគម្រោងចង់ចុះត្រួតពិនិត្យចំនួនឈើ ដែលរដ្ឋាភិបាលរឹបអូសបានយកមកស្ដុកទុកក្នុងឃ្លាំង។ តែសម្ដេចថា គម្រោងចុះត្រួតពិនិត្យឈើនេះ ត្រូវបានលោក សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាគណៈកម្មការជាតិបង្ក្រាប និងទប់ស្កាត់បទល្មើសព្រៃឈើ តបថា ឈើនៅក្នុងឃ្លាំងស្ដុកទុកមានឈើស្របច្បាប់ និងមិនស្របច្បាប់ ដែលមិនទាន់រៀបចំរួចរាល់ហើយ។

សម្ដេច ហ៊ុន សែន ក៏បានដាក់ចម្ងល់ថា តើឈើស្របច្បាប់ និងឈើមិនស្របច្បាប់នេះយ៉ាងម៉េច បានជាលោក សៅ សុខា មិនទាន់អាចឲ្យសម្ដេចអាចចុះទៅត្រួតពិនិត្យបានដូច្នេះ។
សូមស្ដាប់ប្រសាសន៍សម្ដេច ហ៊ុន សែន៖

ការលើកឡើងនេះធ្វើឡើងក្រោយពីសម្តេច ហ៊ុន សែន អះអាងថា មានការឈឺចាប់នៅពេលដែលលឺគេស្រែកពីបញ្ហាកាប់បំផ្លាញព្រៃឈើ ។ ក្នុងពិធីសម្ពោធទីតាំងថ្មីរបស់ក្រសួងបរិស្ថាន កាលពីព្រឹកមិញ សម្តេចបានបញ្ជាក់ថា ទង្វើកាប់បំផ្លាញព្រៃឈើត្រូវតែបង្ក្រាប និងត្រូវការការយកចិត្តទុកដាក់ពីមន្ត្រីជំនាញ។

ប្រមុខរដ្ឋាភិបាលបានស្តីបន្ទោសថា៖ «ដឹកឈើ អាហ្នឹងដឹកឡាន ហើយធំៗណាស់ ចុះអ្នកទៅណាអស់? ទាំងភ្នែកទាហាន ទាំងភ្នែកប៉ូលិស ទាំងភ្នែកប៉េអឹម ទាំងភ្នែករដ្ឋបាលព្រៃឈើ បរិស្ថាន ទៅអស់ណាអស់? ហើយក៏អាហ្នឹងជាមួយគេដែរ? វាណាស់តែអ៊ីចឹង»។ សម្តេចបានព្រមានថា៖ «ខ្ញុំឲ្យឧទ្ធម្ភាគចក្រ២គ្រឿង សៅ សុខា ដូចជា អត់ទាន់បាញ់មួយគ្រាប់ផងទេ ខ្ញុំឲ្យបាញ់ បើថាវាព្រហើន រុក្កែតដាក់ពីលើតែម្តង អត់មានរញេរញ៉ៃទេ»៕