ជាតិ
នយោបាយជាតិ
CNRPប្រកាសរកថវិកាដើម្បីរៀបចំសន្និបាតក្រុមប្រឹក្សាជាតិរបស់បក្ស
× គណបក្សសង្គ្រោះជាតិ នឹងរៀបចំប្រារព្ធសន្និបាតក្រុមប្រឹក្សាជាតិ ដែលជាស្ថាប័នជាន់ខ្ពស់របស់គណបក្សនៅថ្ងៃទី ២៦ មីនា ខាងមុន ដែលគ្រោងនឹងមានថ្នាក់ដឹកនាំបក្សប្រមាណ ១៥០០នាក់ចូលរួម។ ដើម្បីរៀបចំពិធីនេះឲ្យបានរលូត និងត្រូវចំណាយលើការស្នាក់នៅរបស់ថ្នាក់ដឹកនាំតាមបណ្តាខេត្តក្រុងនានានោះ គណបក្សសង្គ្រោះជាតិបានប្រកាសស្វែងរកការជួយឧបត្ថម្ភថវិកាពីសប្បុរសជន។
«គណបក្សសង្ឃឹមយ៉ាងមុតមាំថា បងប្អូនជាសមាជិក-សមាជិកា និងថ្នាក់ដឹកនាំក្រុមគាំទ្រគណបក្សនៅក្រៅប្រទេសទាំងអស់ នឹងចូលរួមចំណែកផ្តល់ថវិកា សម្រាប់គាំទ្រសន្និបាតក្រុមប្រឹក្សាជាតិនេះឲ្យប្រព្រឹត្តទៅប្រកបដោយជោគជ័យ»។ នេះជាខ្លឹមសារក្នុងសេចក្តីអំពាវនាវ របស់គណបក្សសង្គ្រោះជាតិនៅថ្ងៃទី១១ មីនា ដោយចុះហត្ថលេខាដោយប្រធានស្តីទី ឯកឧត្តម កឹម សុខា។
សន្និបាតដែលគ្រោងមានអ្នកចូលរួមប្រមាណ ១៥០០នាក់ គឺក៏មានតំណាងគណបក្សមកពីក្រៅប្រទេសផងដែរ។ សន្និបាតនេះ នឹងត្រូវចំណាយលើការស្នាក់នៅ មធ្យោបាយធ្វើដំណើរ អាហារ វេទិកា។ល៕
© រក្សាសិទ្ធិដោយ thmeythmey.com