ជាតិ
×![]()
ដោយ: ខន ចំប៉ា
មេធាវីការពារក្តីរបស់លោក អ៊ុំ សំអាន នឹងដាក់ពាក្យទៅតុលាការស្នើសុំឲ្យដោះលែងកូនក្តីរបស់ខ្លួន នៅក្រោយពិធីបុណ្យចូលឆ្នាំខ្មែរ។ ក្រៅពីស្នើឲ្យដោះលែង លោក ជូង ជូងី ក៏នឹងស្នើឲ្យតុលាការទម្លាក់ចោលការចោទប្រកាន់លើលោក អ៊ុំ សំអានផងដែរ ហើយដំណើរការនៃការស្នើនេះ នឹងត្រូវធ្វើឡើងជាបន្តបន្ទាប់។
លោក ជូង ជូងី មេធាវីការពារក្តីរបស់លោក អ៊ុំ សំអាន បានថ្លែងប្រាប់សារព័ត៌មានថ្មីៗនៅមុននេះថា លោកនឹងដាក់ពាក្យទៅតុលាការស្នើសុំឲ្យដោះលែងលោក អ៊ុំ សំអាន នៅក្រោយពិធីបុណ្យចូលឆ្នាំខ្មែរ។
ការបញ្ជាក់យ៉ាងដូច្នេះរបស់មេធាវីរូបនេះ គឺបន្ទាប់ពី សភាបានសម្រេចឲ្យតុលាការបន្តនីតិវិធីលើលោក អ៊ុំ សំអាន អ្នកតំណាងរាស្ត្រមណ្ឌលសៀមរាបមកពីគណបក្សសង្គ្រោះជាតិ។ ការសម្រេចដែលបានធ្វើឡើងនៅក្នុងកិច្ចប្រជុំពេញអង្គរដ្ឋសភា ដោយគ្មានវត្តមានសមាជិកសភាមកពីគណបក្សសង្គ្រោះជាតិ។
មេធាវីរូបបានបញ្ជាក់ទៀតថា ក្រៅពីស្នើឲ្យដោះលែងកូនក្តីរបស់ខ្លួន លោកក៏នឹងស្នើឲ្យតុលាការទម្លាក់ចោលបទចោទប្រកាន់លើលោក អ៊ុំ សំអានផងដែរ។ លោកថា៖«តុលាការចោទប្រកាន់មិនត្រឹមត្រូវ កូនក្តីខ្ញុំរិះគន់រឿងផែនទី ក្នុងន័យស្ថាបនា ក្នុងនាមជាពលរដ្ឋខ្មែរម្នាក់ ហើយគាត់ជាតំណាងរាស្ត្រដែលមានអភ័យឯកសិទ្ធិ»។
លោក អ៊ុំ សំអាន ត្រូវបានអាជ្ញាធរបញ្ជូនខ្លួនទៅកាន់ពន្ធនាគារព្រៃស បន្ទាប់ពីលោក តុប ឈុនឡេង ចៅក្រមស៊ើបសួរនៃតុលាការសាលាដំបូងរាជធានីភ្នំពេញ ចេញដីការបង្គាប់ឲ្យឃុំខ្លួន និងដាក់ក្រោមការត្រួតពិនិត្យពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទញុះញង់ឲ្យមានការរើសអើងតាមមាត្រា៤៩៥និង៤៩៦ នៃក្រមព្រហ្មទណ្ឌ នៅព្រឹកថ្ងៃទី១២ខែមេសានេះ។ តំណាងរាស្ត្រសង្គ្រោះជាតិមណ្ឌលសៀមរាបរូបនេះ ត្រូវបានប៉ូលីសស្លៀកពាក់ស៊ីវិលនៃក្រសួងមហាផ្ទៃចាប់ខ្លួនកាលពីម៉ោង១២រំលងអាធ្រាត ឈានចូលថ្ងៃទី១១មេសានេះ នៅក្នុងខេត្តសៀមរាប៕
លោក ជូង ជូងី មេធាវីការពារក្តីរបស់លោក អ៊ុំ សំអាន បានថ្លែងប្រាប់សារព័ត៌មានថ្មីៗនៅមុននេះថា លោកនឹងដាក់ពាក្យទៅតុលាការស្នើសុំឲ្យដោះលែងលោក អ៊ុំ សំអាន នៅក្រោយពិធីបុណ្យចូលឆ្នាំខ្មែរ។
ការបញ្ជាក់យ៉ាងដូច្នេះរបស់មេធាវីរូបនេះ គឺបន្ទាប់ពី សភាបានសម្រេចឲ្យតុលាការបន្តនីតិវិធីលើលោក អ៊ុំ សំអាន អ្នកតំណាងរាស្ត្រមណ្ឌលសៀមរាបមកពីគណបក្សសង្គ្រោះជាតិ។ ការសម្រេចដែលបានធ្វើឡើងនៅក្នុងកិច្ចប្រជុំពេញអង្គរដ្ឋសភា ដោយគ្មានវត្តមានសមាជិកសភាមកពីគណបក្សសង្គ្រោះជាតិ។
មេធាវីរូបបានបញ្ជាក់ទៀតថា ក្រៅពីស្នើឲ្យដោះលែងកូនក្តីរបស់ខ្លួន លោកក៏នឹងស្នើឲ្យតុលាការទម្លាក់ចោលបទចោទប្រកាន់លើលោក អ៊ុំ សំអានផងដែរ។ លោកថា៖«តុលាការចោទប្រកាន់មិនត្រឹមត្រូវ កូនក្តីខ្ញុំរិះគន់រឿងផែនទី ក្នុងន័យស្ថាបនា ក្នុងនាមជាពលរដ្ឋខ្មែរម្នាក់ ហើយគាត់ជាតំណាងរាស្ត្រដែលមានអភ័យឯកសិទ្ធិ»។
លោក អ៊ុំ សំអាន ត្រូវបានអាជ្ញាធរបញ្ជូនខ្លួនទៅកាន់ពន្ធនាគារព្រៃស បន្ទាប់ពីលោក តុប ឈុនឡេង ចៅក្រមស៊ើបសួរនៃតុលាការសាលាដំបូងរាជធានីភ្នំពេញ ចេញដីការបង្គាប់ឲ្យឃុំខ្លួន និងដាក់ក្រោមការត្រួតពិនិត្យពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទញុះញង់ឲ្យមានការរើសអើងតាមមាត្រា៤៩៥និង៤៩៦ នៃក្រមព្រហ្មទណ្ឌ នៅព្រឹកថ្ងៃទី១២ខែមេសានេះ។ តំណាងរាស្ត្រសង្គ្រោះជាតិមណ្ឌលសៀមរាបរូបនេះ ត្រូវបានប៉ូលីសស្លៀកពាក់ស៊ីវិលនៃក្រសួងមហាផ្ទៃចាប់ខ្លួនកាលពីម៉ោង១២រំលងអាធ្រាត ឈានចូលថ្ងៃទី១១មេសានេះ នៅក្នុងខេត្តសៀមរាប៕
Tag:
អ៊ុំ សំអាន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
