ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ក្នុងនាមជាមនុស្សការកសាងខ្លួនឯងឲ្យក្លាយជាមនុស្សល្អ មនុស្សមានសីលធម៌ល្អមួយរូបពិតជាលំបាក។ ប៉ុន្តែបើនិយាយពីការប្រព្រឹត្តអំពើអាក្រក់ ឬធ្វើនូវអំពើបាបគឺជារឿងដែលងាយស្រួល និងឆាប់ទទួលបានផលជាទីបំផុត។ ព្រោះតែវាលំបាកក្នុងការកសាងខ្លួនឲ្យក្លាយជាបុគ្គលដែលល្អប្រពៃ មនុស្សគ្រប់រូបក៏ត្រូវតែស្វែងរកគោលការណ៍ងាយៗដែលអាចជួយខ្លួនឯងបាន។ ខាងក្រោមនេះគឺជាគោលការណ៍មួយចំនួនដើម្បីដឹកនាំជីវិតប្រកបដោយសីលធម៌ និងមានគុណធម៌៖
ទី១/. ត្រូវស្គាល់ខ្លួនឯង៖ ការស្គាល់ខ្លួនឯង គឺមានន័យថា យើងបានស្គាល់ពីទីតាំងពិតរបស់ខ្លួនច្បាស់លាស់។ យើងអាចដឹងពីហេតុផលជំរុញនៃអព្ភន្តរញាណ និងវិចារណញ្ញាណ ដែលអាចទាញខ្លួនយើងឲ្យក្លាយជាមនុស្សល្អជានិច្ច និងមានចេតនាល្អជាប់ជាប្រចាំ។
ទី២/. ព្យាយាមធ្វើអំពើណាក៏ដោយ ត្រូវប្រើប្រាស់តែ មធ្យោបាយ វិធី សម្ភារ ដែលស្របតាមនឹងច្បាប់អនុញ្ញាត។ ចំណែករាល់វិបាកនៃអំពើដែលបម្រើអត្តទត្ថ មិនត្រូវឲ្យប៉ះពាលដល់បរទត្ថជាដាច់ខាត។
ទី៣/. ប្រកាន់នូវអាជីពមួយច្បាស់លាស់ក្នុងជីវិត ត្រូវមានទស្សនៈសុទិដ្ឋិនិយម និងភាពអត់ធ្មត់ក្នុងការធ្វើអំពើអ្វីក៏ដោយ។
ទី៤/. តម្លៃនៃជីវិត ត្រូវចេះចែករំលែកគ្នា
ទី៥/. ដឹកនាំជីវិតតាមមាគ៌ាវិចារណញ្ញាណ ដោយយកទ្រឹស្ដីរបស់អ្នកប្រាជ្ញណាម្នាក់មកធ្វើជាមគ្គុទេសក៍ដើម្បីយកមកអនុវត្តន៍តាមនិងកែច្នៃបន្ថែមទៅតាមបរិបទសង្គមថ្មីរបស់អ្នក។
ទី៦/. ប្រសិនបើស្ថានភាព និងកាលៈទេសៈ ដាក់កម្រិតល័ក្ខខណ្ឌ ជំរុញឲ្យអ្នកធ្វើអំពើប្រកបដោយភាពអសីលធម៌ ជាច្រើនក្នុងពេលតែមួយ ចូលអ្នកត្រូវជ្រើរើសយកអំពើណាមួយដែលអ្នកយល់ឃើញថា វាបង្ករផលប៉ះពាល់ដល់ភាពអសីលធម៌ស្រាលជាងគេ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
