ពីនេះ ពីនោះ
គគីដែក ឬផ្ដៀកក្រហមជាប្រភេទឈើល្អសម្រាប់យក សង់ផ្ទះ
× គគីដែកជាព្រឹក្ស មួយប្រភេទដែលមានកម្ពស់ចាប់ពី៨ ទៅ ២៥ម៉ែត្រ ដុះក្នុងព្រៃ ហើយជ្រុះស្លឹកលើដីទំនាប់ ឬលើភ្នំទាប ដែលកម្ពស់មិនលើសពី១០០ម៉ែត្រ នៃអាស៊ីអាគ្នេយ៍។ គេច្រើន ដាំដើមនេះ ក្នុងដិលតា ទន្លេមេគង្គ និងនៅឧបទ្វីបជ្វា។ ដើមគគីដែក ឬផ្ដៀកក្រហម គឺជាឈើមានពណ៌ត្នោតភាវ ឬត្នោតលឿងភាវ សាចឈើមានភាពរឹងល្មម ងាយស្រួលក្នុងការអារ ប៉ុន្តែមិនងាយប្រះឆារ។ ឈើប្រភេទនេះក៏ជាប្រភេទឈើល្អសម្រាប់យក សង់ផ្ទះផងដែរ ហើយវាអាចជាប់បានចាប់ពី ៧ ទៅ ៨ឆ្នាំ ឬសង់នាវាបានយូរហូតដល់ជាង៣០ឆ្នាំ។ បន្ថែមពីនេះ ជ័រគគីដែក មានតម្លៃណាស់ ព្រោះគេអាចយកវាមកប្រើសម្រាប់ធ្វើថ្នាំលាបឲ្យរលោង៕
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com