ជាតិ
សង្គមជាតិ
សម្ដេច ហ៊ុន សែន បញ្ជាឲ្យក្រសួងសេដ្ឋកិច្ច និងហិរញ្ញវត្ថុបញ្ចេញថវិកាដើម្បីសង្គ្រោះពលរដ្ឋខ្វះទឹក រូបភាព៖ ហ្វេសប៊ុកសម្តេច ហ៊ុន សែន
× សម្ដេចនាយករដ្ឋមន្ត្រី ហ៊ុន សែន បានបញ្ជាទៅក្រសួងសេដ្ឋកិច្ចហិរញ្ញវត្ថុផ្តល់ថវិកាទៅតាមរយៈគណៈកម្មាធិការជាតិគ្រប់គ្រងគ្រោះមហន្តរាយដើម្បីទិញប្រេងដឹកជញ្ជូនទឹកជូនប្រជាជនដែលរស់នៅតាមបណ្ដាខេត្តមួយចំនួន ដែលកំពុងប្រឈមមុខខ្វះខាតទឹកប្រើប្រាស់ ហើយក្រសួងធនធានទឹក និងឧតុនិយម ត្រូវខិតខំបូមទឹកនៅតំបន់មានប្រភពទឹក សម្រាប់ពលរដ្ឋប្រើប្រាស់បន្ថែម។
សម្ដេច ហ៊ុន សែន សង្ឃឹមថា ជំនួយទឹកប្រើប្រើប្រាស់ដែលអាជ្ញាធរមានសមត្ថកិច្ចដឹកចែកជូនប្រជាពលរដ្ឋនេះនឹងអាចជួយសម្រួលដល់សេចក្តីត្រូវការចាំបាច់ផងដែរ ហើយលោកក៏ស្នើឲ្យពលរដ្ឋកាត់បន្ថយការប្រើប្រាស់ទឹកកុំខ្ជះខ្ជាយ ក្នុងពេលដែលកំពុងមានការខ្វះខាតទឹកប្រើប្រាស់។
ប្រមុខរដ្ឋាភិបាលដែលបានពីបញ្ហាខ្វះខាតទឹករបស់ប្រជាពលរដ្ឋនេះ បានសរសេរលើហ្វេសប៊ុកខ្លួនថា៖«ខ្ញុំសូមចូលរួមសោកស្តាយជាមួយបងប្អូនប្រជាពលរដ្ឋរងគ្រោះដោយសារគ្រោះធម្មជាតិកម្តៅឡើងខ្លាំងបណ្តាលអោយខ្វះទឹកប្រើប្រាស់នៅតាមខេត្តមួយចំនួនដូចជានៅ បន្ទាយមានជ័យ ព្រៃវែង កែប កំពត កំពង់ធំ ស្វាយរៀង កំពង់ស្ពឺ ព្រះវិហារ ឧត្តរមានជ័យ និង សៀមរាបជាដើម»៕
Tag:
សម្តេច ហ៊ុន សែន
គ្រោះរាំងស្ងួត
© រក្សាសិទ្ធិដោយ thmeythmey.com