ជាតិ
សង្គមជាតិ
ដំរី១ក្បាលងាប់ដោយសារគាំងបេះដូង ព្រោះអាកាសធាតុក្តៅពេក រួបភាព៖ ហ្វេសប៊ុក
× សៀមរាប៖ ដំរី១ក្បាលដែលដឹកភ្ញៀវទេសចរនៅមុខប្រាសាទបាកខែង បានដួលងាប់ដោយសារគាំងបេះដូង ក្រោយពីដឹកភ្ញៀវទេសចរ ។ សត្វដំរីដែលងាប់នោះត្រូវបានម្ចាស់ដំរី និងអ្នកភូមិយកទៅកប់នៅក្រោយកសិដ្ឋានដំរី ប៉ែកខាងជើងប្រាសាទបាក់ខែង ចម្ងាយប្រមាណ៥០ម៉ែត្រ។
បុគ្គលិកបម្រើការងារឲ្យក្រុមហ៊ុនដំរីអង្គនេះ បានឲ្យដឹងថា ដំរីដែលងាប់នេះមានទម្ងន់ជិត៣តោនហើយមានឈ្មោះថា សំបូរ មានអាយុជាង៥០ឆ្នាំ។
បើតាមលោក ព្រុំ វិច ប្រធានមន្ទីរបសុព្យាបាលខេត្តសៀមរាបដែលបានប្រាប់សារព័ត៌មានថា សត្វដំរីដែលងាប់នៅមុខប្រាសាទបាកខែងនេះ ដោយសារអាកាសធាតុក្តៅពេក ទើបបណ្ដាឲ្យគាំងបេះដូងងាប់។
គួរបញ្ជាក់ថា ក្រោយពីមានការបាត់បង់ជីវិតដំរីនេះ នៅព្រឹកនេះគេសង្កេតឃើញថា នៅទីតាំងដំរីនៅប្រាសាទបាខែង មានការរឹតបន្តឹងសន្តិសុខខុសពីថ្ងៃធម្មតាផងដែរ៕
© រក្សាសិទ្ធិដោយ thmeythmey.com