ពីនេះ ពីនោះ
ផ្ញៀវ អាចយកមកផ្សំធ្វើជាឱសថព្យាបាលជំងឺឈឺភ្នែក
× ដើមផ្ញៀវគឺជាព្រឹក្សមួយប្រភេទ មានកម្ពស់ចាប់ពី១០ ម៉ែតទៅ២០ម៉ែត ដុះក្នុងព្រៃក្រាស់ នៃប្រទេសអាស៊ីផ្នែកក្ដៅ។ ផ្លែមានពណ៌ក្រហម ឬលឿងព្រលែត មានវិជ្ឈមាត្រ ២ទៅ៣សម និងមានរសជាតិជាតិជូរអែម ឬជូរ ប៉ុន្តែអាចបរិភោគជាចំណីបាន។ គេនិយមយកផ្លែផ្ញៀវដាក់ក្នុងស្រាផ្អែម ដើម្បីឲ្យមានក្លិនក្រអូប ។ ដើមផ្ញៀវគេយកធ្វើបង្គោល សំបកអាចយកមកធ្វើថ្នាំជ្រលក់ពណ៌ក្រហម។ គ្រូផ្សំថ្នាំបុរាណ តែងយកឈើខ្លឹមនៃដើមផ្ញៀវ ផ្សំធ្វើឱសថព្យាបាលជំងឺឈឺភ្នែក។
កត់សម្គាល់៖ ផ្លែផ្ញៀវដែលមានលក់នៅផ្សារសព្វថ្ងៃ ជាផ្លែពូជម្យ៉ាងផ្សេងពីពូជផ្ញៀវខាងលើនេះ។ ផ្ញៀវដែលដាក់លក់សព្វថ្ងៃ មានដើមកំណើតនៅប្រទេសជ្វា ថៃ និងវៀតណាម ហើយគេយកមកដាំសម្រាប់លក់ផ្លែ ដែលមានរស់ជាតិផ្អែម។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com