ពីនេះ ពីនោះ
ប្រសាក់ញីជាប្រភេទឈើល្អសម្រាប់ធ្វើធ្យួង
× ដើមប្រសាក់ញី កន្លែងខ្លះហៅប្រសាក់តូច ឬប្រសាក់ទឹក គឺជាព្រឹក្សម្យ៉ាងមានកម្ពស់ ចាប់ពី១០ម៉ែតទៅ២៥ម៉ែត ដែលដុះក្នុងព្រៃកោងកាង ឬព្រៃមាត់ព្រែកមានទឹកប្រៃ លើដីល្បាប់ សម្រាប់ឲ្យឫសចេញពីមែក(ទៅក្រៅដី) អាចដុះបាន។ ប្រសាក់ញី ដុះមាត់សមុទ្រ គ្រប់ប្រទេសក្នុងសកលលោក។ ឈើនេះមានសាច់ម៉ត់ពណ៌ក្រហម ដែលគេនិយមយកមកធ្វើជាគ្រឿងឈើធ្វើផ្ទះមាត់សមុទ្រ ឬធ្វើស្ពាន របង រោងនេសាទ ។ល។ ដើមប្រសាក់ញី, ប្រសាក់តូច ,ប្រសាក់ទឹកនេះ គឺជាប្រភេទឈើដែលអាចយកមកធ្វើជាឱសធ្យួងបានល្អបំផុត។ ចំណែកឯសំបករបស់វាគេយកមកជ្រលក់សំណាញ់នេសាទ សម្លាប់ស្បែក។ បន្ថែមពីនេះទៀត គេយកសំបករបស់វាមកស្ងោរដើម្បីពិសារព្យាបាលជម្ងឺរាគ៕
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com