ពីនេះ ពីនោះ
× ភក្តីភាព គឺការគោរពពាក្យសន្យា ការរក្សាចិត្តស្មោះត្រង់ចំពោះអ្នកដែលខ្លួនស្រឡាញ់។ ភក្តីភាពពិតប្រាកដរបស់គូស្នេហ៍ មិនមែនជាកិច្ចសន្យាដែលកំណត់ថា ពួកគេមិនបែកគ្នាទេ តែគឺជាកិច្ចសន្យាថា គេទាំងពីរសុខចិត្តធ្វើអ្វីៗគ្រប់បែបយ៉ាង ដើម្បីរស់នៅជាមួយគ្នា។
ភក្តីភាព ជាកិច្ចសន្យានៃការតស៊ូក្នុងសេចក្តីស្នេហា ដើម្បីសេចក្តីស្នេហា។ ភក្តីភាព ក៏ជាសេចក្តីស្មោះត្រង់ចំពោះខ្លួនឯងផ្ទាស់ផងដែរ ពីព្រោះភក្តីភាព គឺជាការប្រកាន់ខ្ជាប់នូវពាក្យសន្យាដែលខ្លួនបាននិយាយ ឬប្រកាន់ខ្ជាប់គោលដៅនៃជីវិត ដែលខ្លួនសម្រេចជ្រើសរើសប្រកបដោយសេរីភាពគ្មានការបង្ខិតបង្ខំ។
ភក្តីភាព ជានិមិត្តរូបរូបនៃសេចក្តីសង្ឃឹម។ ភក្តីគភាព គឺជាការបើកទទួលអ្វីដែលថ្មីនាថ្ងៃអនាគត។ ថ្ងៃអនាគត គឺសំដៅទៅលើការមានកូន ទៅលើការផ្លាស់ប្តូរទៅលំនៅ និងមានជំងឺ។ល។
ភក្តីភាព នឹងជួយកសាងសេចក្តីស្នេហារបស់ពួកគេឲ្យកាន់តែរឹងមាំ។ ភក្តីភាព ជួយឲ្យគូស្រករចេះសម្របសម្រួលគ្នា ស្របតាមការប្រែប្រួលរៀងៗខ្លួន និងស្របតាមការវិវត្តន៍នៃជីវិតគូស្រករ។ ភក្តីភាព ជាអំណោយទានមួយដ៏វិសេសវិសាល ព្រមទាំងផ្តល់នូវជំនឿទុកចិត្តជូនគូស្នេហ៍របស់ខ្លួនជារៀងរហូត៕
ដកស្រង់ពីសៀវភៅ «យើងជួបស្នេហ៍ស្មោះហើយ» ដែលផ្តល់សិទ្ធិដោយ អង្គការកម្មវិធីអភីវឌ្ឍន៍ធនធានយុវជន (YRDP)
© រក្សាសិទ្ធិដោយ thmeythmey.com