ពីនេះ ពីនោះ
កត្តាដែលនាំឲ្យប្ដីប្រពន្ធស្រឡាញ់គ្នាបានយូរអង្វែងតាមគន្លងព្រះពុទ្ធសាសនា
×![]()
ដោយ: ថ្មីៗ
ភ្នំពេញ៖ ប្ដីប្រពន្ធមួយចំនួនចេះស្រឡាញ់គ្នាតែមុនរៀបការ ខ្លះស្រឡាញ់គ្នាបានតែពេលមិនទាន់មានបុត្រធីតា ពេលបន្តក៏ចេះតែមានរឿងរ៉ាវរកាំរកូសក្នុងគ្រួសារជាប់មិនដាច់។ ដើម្បីដោះស្រាយបញ្ហាទាំងនេះ និងបង្កើតការស្រឡាញ់រវាងប្ដីប្រពន្ធឲ្យបានបានយូរអង្វែង ប្ដីប្រពន្ធគ្រប់រូបគួរបដិបត្តិគន្លងព្រះពុទ្ធសាសនាដូចតទៅ៖
១/. មេត្តាកាយកម្មៈ មានកាយកម្មប្រកបដោយមេត្តា ប្រាថ្នាសេចក្ដីសុខដល់គ្នា ចេះជួយធុរៈគ្នា សម្ដែងការពេញចិត្តដល់គ្នា ដោយអាកប្បករិយាសុភាព ស្រទន់និងគោរពគ្នាទៅវិញទៅមក ទាំងទីចំពោះមុខនិងទីកំបាំងមុខ។
២/. មេត្តាវចីកម្មៈ មានវិចីកម្មប្រកបដោយមេត្តា មិនប្រើពាក្យសម្ដីរម៉ាំងរម៉ោក ចេះជួយប្រាប់ ជួយណែនាំ ជួយដាស់តឿន អ្វីដែលមានប្រយោជន៍ ដោយប្រើពាក្យសម្ដីសុភាពរាបសា ទន់ភ្លន់ ដោយសេចក្ដីគោរពគ្នាទៅវិញ ទៅមក ទាំងទីចំពោះមុខ ទាំងទីកំបាំងមុខ។
៣/. មេត្តាមនោកម្មៈ មានគំនិតប្រកបដោយមេត្តា គឺតាំងចិត្តប្រាថ្នា គិតធ្វើអ្វីដើម្បីជាប្រយោជន៍ដល់គ្នានិងសម្លឹងមើលគ្នាក្នុងផ្លូវល្អដោយទឹកមុខស្រស់។
៤/. សាធារណភោគីៈ គឺការចូលរួមចំណែកចែករំលែក ទាំងផ្លូវចិត្ត ទាំងផ្លូវកាយ និងរបស់របរសម្ភារៈប្រើប្រាស់ គ្រឿងឧបភោគ បរិភោគតាមមាន តាមបាន។
៥/. សីលសាមញ្ញតាៈ មានការវៀចាកការប្រព្រឹត្តអំពើអាក្រក់ដោយកាយ វាចារ ចិត្តដូចគ្នា។
៦/. ទិដ្ឋិសាមញ្ញតាៈ មានការយល់ឃើញត្រូវដូចគ្នា និងមានចក្ខុវិស័យស្របគ្នា។
តាមគន្លងព្រះពុទ្ធសាសនា ទាំងប្រាំមួយខាងលើ ប្រសិនបើគូស្វាមីភរិយា អាចបដិបត្តិតាមបាន នោះការស្រឡាញ់រវាងជីវិតគូស្នេហ៍នោះនិងទទួលភាពជានិរន្តន៍បាន៕
១/. មេត្តាកាយកម្មៈ មានកាយកម្មប្រកបដោយមេត្តា ប្រាថ្នាសេចក្ដីសុខដល់គ្នា ចេះជួយធុរៈគ្នា សម្ដែងការពេញចិត្តដល់គ្នា ដោយអាកប្បករិយាសុភាព ស្រទន់និងគោរពគ្នាទៅវិញទៅមក ទាំងទីចំពោះមុខនិងទីកំបាំងមុខ។
២/. មេត្តាវចីកម្មៈ មានវិចីកម្មប្រកបដោយមេត្តា មិនប្រើពាក្យសម្ដីរម៉ាំងរម៉ោក ចេះជួយប្រាប់ ជួយណែនាំ ជួយដាស់តឿន អ្វីដែលមានប្រយោជន៍ ដោយប្រើពាក្យសម្ដីសុភាពរាបសា ទន់ភ្លន់ ដោយសេចក្ដីគោរពគ្នាទៅវិញ ទៅមក ទាំងទីចំពោះមុខ ទាំងទីកំបាំងមុខ។
៣/. មេត្តាមនោកម្មៈ មានគំនិតប្រកបដោយមេត្តា គឺតាំងចិត្តប្រាថ្នា គិតធ្វើអ្វីដើម្បីជាប្រយោជន៍ដល់គ្នានិងសម្លឹងមើលគ្នាក្នុងផ្លូវល្អដោយទឹកមុខស្រស់។
៤/. សាធារណភោគីៈ គឺការចូលរួមចំណែកចែករំលែក ទាំងផ្លូវចិត្ត ទាំងផ្លូវកាយ និងរបស់របរសម្ភារៈប្រើប្រាស់ គ្រឿងឧបភោគ បរិភោគតាមមាន តាមបាន។
៥/. សីលសាមញ្ញតាៈ មានការវៀចាកការប្រព្រឹត្តអំពើអាក្រក់ដោយកាយ វាចារ ចិត្តដូចគ្នា។
៦/. ទិដ្ឋិសាមញ្ញតាៈ មានការយល់ឃើញត្រូវដូចគ្នា និងមានចក្ខុវិស័យស្របគ្នា។
តាមគន្លងព្រះពុទ្ធសាសនា ទាំងប្រាំមួយខាងលើ ប្រសិនបើគូស្វាមីភរិយា អាចបដិបត្តិតាមបាន នោះការស្រឡាញ់រវាងជីវិតគូស្នេហ៍នោះនិងទទួលភាពជានិរន្តន៍បាន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
