ពីនេះ ពីនោះ
តើពាក្យ«ល្អូនល្អិន និង ល្អូកល្អើន»មួយណាត្រឹមត្រូវ?
× នៅក្នុងភាសានិយាយប្រចាំថ្ងៃ គេមិនដឹងថាពាក្យ «ល្អូនល្អិន និង ល្អូកល្អើន» មួយណាត្រឹមត្រូវនោះទេ។ ប៉ុន្តែអ្វីដែលគេតែងតែឮតាមរយៈសូរនិយាយរបស់សាធារណជន ក្នុងចំណោមពាក្យទាំងពីរនេះគឺគេតែងតែនិយាយបញ្ចេញសូរពាក្យ«ល្អូកល្អើន» តែកម្រមានអ្នកនិយាយថា «ល្អូកល្អិន»ឡើយ។
នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត ពាក្យដែលត្រឹមត្រូវគឺពាក្យ«ល្អូកល្អិន»។ ពាក្យនេះ មកពីការផ្សំចូលគ្នារវាងពាក្យ«ល្អូក» និងពាក្យ«ល្អិន»។
ពាក្យ«ល្អូក» មានថ្នាក់ពាក្យជា (គុ) មានន័យថា ដែលស្ទាបឬប៉ះត្រូវមានសម្ផស្សត្រជាក់ស្រួលៈ សាច់ត្រជាក់ល្អូក។ ដែលផ្អែមត្រជាក់ៈ រសផ្អែមល្អូក, សម្ដីផ្អែមល្អូក ជាដើម។
ពាក្យ«ល្អិន» មានថ្នាក់ពាក្យជា (គុ) មានន័យថា ដែលត្រជាក់ស្រួលៈ ត្រជាក់ល្អិន។
ចំពោះពាក្យ«ល្អិន» នេះគឺជាពាក្យសម្រាប់ប្រើផ្សំជាមួយនឹងពាក្យ «ល្អូក»។ ឧទាហរណ៍ សម្ដីល្អូកល្អិន មានន័យថា សម្ដីត្រជាក់ទន់ផ្អែមសុភាព។ សាច់ល្អូកល្អិន មានន័យថា សាច់ធាត់ទ្រលុកត្រជាក់ស្រួល សម្បុរស្រស់បស់។
ដកស្រង់ពីវចនានុក្រមខ្មែរ របស់សម្ដេចព្រះសង្ឃរាជ ជួនណាត
© រក្សាសិទ្ធិដោយ thmeythmey.com