ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ការសេពគប់មិត្តល្អ គឺមានសារសំខាន់យ៉ាងខ្លាំង ពីព្រោះ មិត្តភក្តិល្អនឹងនាំមកនូវសេចក្តីចម្រើន ផ្ទុយមកវិញ ប្រសិនបើសេពគប់បាបមិត្ត គឺអាចនាំទុក្ខទោសដល់ខ្លួន។ ហេតុនេះទើប ព្រះពុទ្ធសាសនា បានកត់សម្គាល់មិត្តមិនល្អមាន៤ប្រភេទ។ 
ប្រភេទទីមួយ៖ មិត្តគិតតែប្រយោជន៍ផ្ទាល់ខ្លួន។
ប្រភេទទីពីរ៖ មនុស្សបានតែខាងនិយាយ មានលក្ខណៈ៤យ៉ាង គឺ១) យកពាក្យមិនបានការមកនិយាយហាក់ដូចជាចង់ជួយមិត្ត ២) ទទួលរាក់ទាក់មិត្តដោយរបស់មិនមាន ៣) ពេលមិត្តមានធុរៈមិនជួយ អាងលេសថា រវល់ ៤) ពេលមិត្តមានធុរៈ ក៏អាងថាជួយ តែត្រឡប់ជាមិនជួយវិញ។ បុគ្គលបែបនេះ គ្មានសេចក្តីទៀងត្រង់មិនអាចយកជាមិត្តភក្តិបានទេ។
ប្រភេទទីបី៖ មិត្តដែលនិយាយអែបអបចាក់បណ្តោយតាម មានលក្ខណៈ៤យ៉ាង គឺ១) បើមិត្តធ្វើអាក្រក់ ក៏យល់ព្រមតាម ២) បើមិត្តធ្វើល្អ ក៏យល់ព្រមតាម ៣) សរសើរមិត្ត តែក្នុងទីចំពោះមុខ ៤) នៅកំបាំងមុខមិត្ត និយាយរិះគន់មិត្ត។ បុគ្គលនោះឈ្មោះថា ធ្វើឲ្យខូចកេរ្តិ៍ឈ្មោះរបស់មិត្តភក្តិ។
ប្រភេទទីបួន៖ មិត្តដែលដឹកនាំក្នុងផ្លូវវិនាស មានលក្ខណៈ៤យ៉ាង គឺ១) ដឹកនាំមិត្តឲ្យផឹកគ្រឿងស្រវឹង និងគ្រឿងញៀន។ ២) ដឹកនាំមិត្តដើរលេងយប់ហួសវេលា។ ៣) បបួលមិត្តដើរលេង បោះបង់ការសិក្សា ៤) ដឹកនាំមិត្តឲ្យលេងល្បែងស៊ីសង និងដើរលេងពាលាអាវ៉ាសែ៕
ប្រភព៖ «សីលធម៌ព្រះពុទ្ធសាសនា» រៀបរៀងដោយ ភិក្ខុ គូ សុភាព សាស្ត្រាចារ្យសាកលវិទ្យាល័យបញ្ញាសាស្ត្រកម្ពុជា
Tag:
ព្រះពុទ្ធ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
