ជាតិ
សម្តេច ហ៊ុន សែន ចំអកទីប្រឹក្សាផ្តល់យោបល់ពុំស្គាល់សភាពការណ៍
× ភ្នំពេញ៖ សម្តេច ហ៊ុន សែន បានឆ្លៀតយកឱកាសដៀមដាមទីប្រឹក្សាដែលសម្តេចមិនបញ្ចេញឈ្មោះមួយចំនួន ឲ្យយោបល់ សម្តេចពុំយល់ពីសភាពការណ៍ខ្លួន បច្ចុប្បន្ន។ សម្តេចបានចំអកជាសាធារណៈថា មន្ត្រីមួយចំនួន បានគំនិតឆ្ងាយថយក្រោយ អំឡុងទសវត្សទី ៨០ តែម្តង។
សម្តេចលើកឧទាហរណ៍ចំពោះសាស្ត្រាចារ្យ និស្សិត និងមន្ត្រី នៅថ្ងៃនេះយ៉ាងដូច្នេះថា៖« មានតួនាទីជាអ្នកប្រឹក្សា យោបល់ ឬជាអ្នកផ្តល់យោបល់ ក្របខណ្ឌឋានៈជាទីប្រឹក្សា ឬជំនួយការ ក៏ប៉ុន្តែបែរជាមិនដឹងថា ខ្លួនបានដើរមកដល់ហើយ ស្រាប់តែជូនយោបល់ខ្លះ យោបល់នោះនៅទសវត្ស ៨០ បានវាត្រូវ ដូចជា យោបល់ស្តីពីបញ្ហាទាក់ទងនឹងការអភិវឌ្ឍបណ្តាញផ្លូវ ឬក៏ការតភ្ជាប់ជាមួយនឹងការតាំង ទីលំនៅថ្មីរបស់ពលរដ្ឋក្នុងតំបន់មួយចំនួន។ សម្តេចបញ្ជាក់ថា៖«នេះគ្រាន់តែជាឧទាហរណ៍មួយ បើគង់បែបនេះដដែល ពុំចាំបាច់ដាក់មកទេឯកសារហ្នឹង ព្រោះខ្ញុំមានឯកសារច្រើនណាស់ដែរត្រូវមើល។ លើសពីនេះ សម្តេចបន្តដៀមដាមមន្ត្រីខ្លះឲ្យយោបល់កម្ពុជា គួរធ្វើតាមប្រទេសដទៃ ដូចជា អាមេរិក ជប៉ុន និងបារាំង ដែរ។ សម្តេចនាយករដ្ឋមន្ត្រី បានជំរុញសិស្ស និស្សិត និងមន្ត្រីទូទាំងប្រទេសឲ្យព្យាយាមអានសៀវភៅ និងសិក្សាស្រាវជ្រាវឯកសារនានាទាំងក្នុង និងក្រៅសាលា ពិសេសគឺតាមដានព័ត៌មាននានា ទាំងក្នុង និងក្រៅប្រទេស ដើម្បីពង្រឹងសមត្ថភាពឆ្លើយតបនឹងបញ្ហា សព្វថ្ងៃ។
ប្រសាសន៍សម្តេច ហ៊ុន សែន៖
Tag:
ហ៊ុន សែន
ទីប្រឹក្សា
© រក្សាសិទ្ធិដោយ thmeythmey.com