អន្តរជាតិ
ហេតុអ្វីUN យក«សត្វខ្លាឃ្មុំទឹកកក»ជាអគ្គរដ្ឋទូតនៃការអភិវឌ្ឍប្រកបដោយនិរន្តរភាព?
× គោលការណ៍នៃការអភិវឌ្ឍប្រកបដោយនិរន្តរភាពរបស់អង្គការសហប្រជាជាតិ (SDGs) ត្រូវបានអនុម័តនៅចុងឆ្នាំ២០១៥កន្លងទៅ និងបានចូលជាធរមានចាប់ពីថ្ងៃទី០១ខែមករាឆ្នាំ២០១៦តទៅ។ SDGs មានគោលដៅសរុប១៧គោលដៅដែលសមាជិកអង្គការសហប្រជាជាតិត្រូវសម្រេចក្នុងរយៈពេល១៥ឆ្នាំ ពោលគឺ ពីឆ្នាំ២០១៥ដល់ឆ្នាំ២០៣០។
កម្មវិធីអភិវឌ្ឍន៍អង្គការសហប្រជាជាតិ (UNDP) នៅដើមឆ្នាំ២០១៦នេះ បានជ្រើសរើសសត្វខ្លាឃ្មុំ Panda ពីរក្បាលដើម្បីធ្វើជាអគ្គរដ្ឋទូតសត្វជាផ្លូវការរបស់គោលដៅអភិវឌ្ឍប្រកបដោយនិរន្តរភាពនៃអង្គការសហប្រជាជាតិ។ វា គឺជាលើកដំបូងហើយដែលអង្គការសហប្រជាជាតិ បានជ្រើសរើសសត្វទាំងពីរដើម្បីជាតំណាងរបស់ SDGsនោះ។ នេះបើយោងតាម
គេហទំព័រផ្លូវការរបស់អង្គការសហប្រជាជាតិ។
ខ្លាឃ្មុំទាំងពីរនោះ មានប្រភពមកពីប្រទេសចិន។ ពួកគេទាំងពីរ បានកើតស្របពេលដែលមេដឹកនាំពិភពលោក បានជួបជុំគ្នានៅក្នុងបុរីញូវយ៉កដើម្បីអនុម័តលើគោលដៅអភិវឌ្ឍន៍ប្រកបដោយនិរន្តរភាពនោះឯង(SDGs)។ ពួកគេទាំងពីរ ត្រូវបានជ្រើសរើសជានិមិត្តរូបនៃ«ការថមថយកាន់តែធ្ងន់ធ្ងរនៃសត្វ ដោយសារតែការប្រែប្រួលនៃអាកាសធាតុ និងការបាត់បង់ជម្រកធម្មជាតិ»។
បើតាមការបញ្ជាក់របស់លោកស្រី Michelle Yeoh អង្គរដ្ឋទូតសុឆន្ទៈរបស់UNDP ខ្លាឃ្មុំដែលជាអគ្គរដ្ឋទូតនៃSDGsទាំងពីរនោះ មានឈ្មោះថា «Qiqi» និង «Diandian» ហើយបើបញ្ចូលឈ្មោះអគ្គរដ្ឋទូតសត្វទាំងពីររួមជាមួយនឹងបរិបទ SDGs មានន័យថា ការចាប់ផ្តើមនៃដំណើរទាំងអស់គ្នាដើម្បីសម្រេចគោលដៅសកលនៅឆ្នាំ២០៣០៕
© រក្សាសិទ្ធិដោយ thmeythmey.com