ពីនេះ ពីនោះ
× ដកស្រង់ចេញពីសៀវភៅ ខុងជឺ ដែលប្រែសម្រួលដោយលោក គឹម ចាន់ណា និងត្រូវបានបោះពុម្ពដោយគ្រឹះស្ថានបោះពុម្ពផ្សាយ Mind Books។
ក្នុងកំឡុងពេលធ្វើដំណើរទៅកាន់នគរថាន់ ខុងជឺ ឃើញឈីងជឺ នៅតាមផ្លូវ ទើបផ្អាកក្បួនដំណើរចុះពីរទេះមកជជែកគ្នា ក៏ឃើញថាត្រូវរ៉ូវគ្នាណាស់។ ខុងជឺ ងាកទៅបញ្ជា ជឺលូ ថា «ឯងជួយយកសំពត់ថ្មីមួយកី ប្រគល់ជូនលោកគ្រូ!»
ជឺលូ ទើសចិត្តជាខ្លាំង គេគិតតែក្នុងចិត្តថា «យើងធ្លាប់ដឹងមកថា វិញ្ញូជនសេពគប់មិត្តភក្តិត្រូវឆ្លងកាត់ការណែនាំ ស្ត្រីរៀបការត្រូវឆ្លងកាត់មេអណ្តើក បើមិនដូច្នោះទេ គេមិនត្រូវឲ្យជំនូនដល់គ្នាទៅវិញទៅមកឡើយ»។
មួយសន្ទុះក្រោយមក ខុងជឺ ឃើញជឺលូ នៅតែមិនទាន់យកសំពត់មកឲ្យទៀត គាត់ក៏តឿនបន្ថែមទៀត។ ជឺលូ បដិសេធទៅតាមគំនិតខាងលើ ទើប ខុងជឺ និយាយថា៖«ជឺលូអើយ! ឯងមិនធ្លាប់អានសៀវភៅ ស៊ឺជិងទេឬ? ភ្ជួរស្រែទាន់ក្តៅដី ជួបស្រីស្អាតហើយឯងនៅច្រិមច្រុមដល់ណាទៀត? លោកគ្រូ ឈឹងជឺ ជាវិញ្ញូជនដែលមានឈ្មោះល្បីល្បាញពេញទាំងផែនដី បើមិនជូនជំនូនឲ្យគាត់ឥឡូវនេះទេ តើឯងចាំដល់អង្កាល់ណាទៀត? ជួនកាលឯងអាចនឹងគ្មានឱកាសជាលើកទី២ទៀតទេ! កុំនិយាយច្រើន ម៉េចក៏មិនឆាប់យកក្រណាត់មក!»៕
© រក្សាសិទ្ធិដោយ thmeythmey.com