ជាតិ
សម្តេច ហ៊ុន សែន ទៅជួបថ្នាក់ដឹកនាំកំពូលៗវៀតណាមនៅថ្ងៃនេះ រូបភាពពីហ្វេសប៊ុសម្តេចហ៊ុនសែន
× សម្តេច ហ៊ុន សែន ត្រូវអញ្ជើញទៅទស្សនកិច្ចវៀតណាមរយៈពេល២ថ្ងៃ ចាប់ផ្តើមនៅថ្ងៃទី២០ធ្នូវនេះ ដើម្បីជួបពិភាក្សាជាមួយសមភាគីវៀតណាម និងថ្នាក់ដឹកនាំកំពូលមួយចំនួនទៀតដូចជាប្រធានបក្សកុំម្មុនីស្តវៀតណាម ប្រធានាធិបតី និងប្រធានរដ្ឋសភាវៀតណាម។ កិច្ចព្រមព្រៀង និងអនុស្សារណៈមួយចំនួនរំពឹងថានឹងត្រូវចុះហត្ថលេខារវាងភាគីទាំង២ ។
សម្តេច ហ៊ុន សែន នាយករដ្ឋមន្ត្រីកម្ពុជា នឹងអញ្ជើញទៅទស្សនកិច្ចផ្លូវការរយៈពេល២ថ្ងៃ នៅប្រទេសវៀតណាម ដោយផ្តើមនៅថ្ងៃទី២០ ខែធ្នូនេះ។ នេះបើតាមសេចក្តីជូនព័ត៌មានរបស់ក្រសួងការបរទេសកម្ពុជា នៅថ្ងៃទី១៥ ខែធ្នូកន្លងទៅ។
បើតាមសេចក្តីជូនព័ត៌មានដដែល ក្នុងអំឡុងពេលនៃទស្សនកិច្ចនេះ សម្តេច ហ៊ុន សែន នឹងជួបពិភាក្សាទ្វេភាគីជាមួយ លោក ង្វៀន សុនហ្វ៊ុក(Nguyen Xuan Phuc)នាយករដ្ឋមន្ត្រីវៀតណាម ជួបសម្តែងការគួរសមដោយឡែកពីគ្នាជាមួយ លោក ង្វៀន ហ្វ៊ូ ជុង(Nguyen Phu Trong) អគ្គលេខាធិការបក្សកុំម្មុយនីស្តវៀតណាម និងលោក ត្រាន ដាយ ក្វាង(Tran Dai Quang)ប្រធានាធិបតីវៀតណាម និងជួបប្រធានរដ្ឋសភាវៀតណាម លោកស្រី ង្វៀន ធីគីម ងិន(Nguyen Thi Kim Ngan)។
កិច្ចព្រមព្រៀង និងអនុស្សារណៈមួយចំនួនរំពឹងថានឹងត្រូវចុះហត្ថលេខារវាងភាគីទាំង២ ។ នេះបើតាមក្រសួងការបរទេសកម្ពុជា ដែលបន្តថា នាយករដ្ឋមន្ត្រីកម្ពុជា ក៏នឹងទទួលជួបសម្តែងការគួរសមជាមួយសមាគមមិត្តភាគកម្ពុជា-វៀតណាម ថ្នាក់ដឹកនាំក្រុងហូជីមិញ និងអតីតយុទ្ធជនវៀតណាម និងក្រុមគ្រួសារដែរ៕
Tag:
ហ៊ុន សែន
កម្ពុជា-វៀតណាម
© រក្សាសិទ្ធិដោយ thmeythmey.com