ជាតិ
មិត្តភាពគ្រូ និងសិស្សជាង៣០ឆ្នាំនៃសាលាបឋមសិក្សាវាលវង់នៅតែបន្តជានិរន្តរ៍
×![]()
ដោយ: ថ្មីៗ
ភ្នំពេញ៖ រហូតមកដល់ពេលនេះ មិត្តភាពអតីតគ្រូបង្រៀន និងសិស្សក្រោយរបបប៉ុលពតនៃសាលាបឋមសិក្សាវាលវង់ទីក្រុងភ្នំពេញ មានរយៈពេលប្រមាណជា៣៤ ៣៥ ឬ៣៦ ឆ្នាំហើយ អាស្រ័យទៅតាមសិស្សដែលចូលរៀននៅឆ្នាំ១៩៨០ ១៩៨១ ១៩៨២ ១៩៨៣ ឬ១៩៨៤។ សិស្ស និងគ្រូជួបគ្នាកាលពីជាង៣០មុន។ តែឥឡូវនេះ ពួកគេនៅបន្តជួបគ្នាជារៀងរាល់ឆ្នាំ។ មិត្តភាពរបស់ពួកគេ បាន និងកំពុងបន្តទៅមុខជានិច្ច…
គ្មានការជួបណាដែលមិនអាចបែកគ្នាវិញនោះទេ។ តែក៏គ្មានការបែកណាដែលមិនអាចជួបគ្នាឡើងវិញបាននោះដែរ។
ជាក់ស្តែង អតីតកូនសិស្ស និងគ្រូបង្រៀននៃសាលាបឋមសិក្សាវាលវង់ ក្រុងភ្នំពេញ ដែលបានជួបគ្នានៅដើមទសវត្សរ៍៨០ (ក្រោយរបបប៉ុលពត) ក្រោយមកក៏បែកគ្នាច្រើនទសវត្សរ៍ដោយសារតែកិច្ចការ និងកាតព្វកិច្ចរៀងៗខ្លួនក្នុងជីវិតនោះ នៅទីបញ្ចប់ ជាង៣០ឆ្នាំក្រោយមក ពួកគេសម្រេចចិត្តជួបជុំគ្នាឡើងវិញ ដើម្បីរម្លឹកអនុស្សាវរីយ៍ចាស់ៗ និងបន្តបង្កើតអនុស្សារីយ៍ថ្មីបន្ថែមទៀតនាពេលអនាគត។
ក្នុងអស់រយៈពេល៣ ឬ៤ឆ្នាំចុងក្រោយនេះ អតីតកូនសិស្សនៃ«សាលាបឋមសិក្សាវាលវង់», បច្ចុប្បន្នឈ្មោះ«សាលាបឋមសិក្សាសំពៅមាស»ស្ថិតនៅក្បែរស្តាតអូឡាំពិក ទីក្រុងភ្នំពេញ តែងតែអញ្ជើញគ្រូបង្រៀនរបស់ពួកគេកាលពីដើមទសវត្សរ៍៨០ឲ្យជួបជុំគ្នានៅចុងឆ្នាំ ជារៀងរាល់ឆ្នាំ។
គោលដៅនៃការជួបជុំឡើងវិញនេះ គឺដើម្បីកសាងមិត្តភាពមិត្តភក្តិចាស់ៗឡើងវិញ និងជាពិសេស ការជួបជុំគ្នាឡើងវិញនេះ គឺជាឱកាសដែលកូនសិក្សទាំងអស់អាចបញ្ចេញអារម្មណ៍ថ្លែងអំណរគុណដ៏ជ្រាលជ្រៅចំពោះលោកគ្រូ-អ្នកគ្រូដែលបានបណ្តុះបណ្តាលពួកគេក្រោយរបបប៉ុលពត។
នៅក្នុងការជួបជុំគ្នាកាលពីថ្ងៃអាទិត្យកន្លងមក អតីតលោកគ្រូ-អ្នកគ្រូ និងអតីត សិស្សនៃសាលាបឋមសិក្សាវាលវង់បានបង្ហាញអារម្មណ៍រំភើបក្រៃលែង ព្រោះ ពួកគេមិននឹកស្មានថា មិត្តភាពអាចបន្តកើតឡើងក្នុងរយៈពេលដ៏យូរយ៉ាងដូច្នេះសោះ។ «មិត្តភាពជាង៣០ឆ្នាំ គឺយូរ។ យើងគូរបន្តទៅមុខឲ្យបានយូរបន្ថែមទៀត»។ នេះ គឺជាការលើកឡើងរបស់អតីតសិស្ស និងគ្រូបង្រៀននៃសាលាបឋមសិក្សាវាលវង់ ក្នុងខណៈពេលដែលពួកគេជួបជុំពិសាអាហារថ្ងៃត្រង់នៅត្រើយខាងកើតនៃស្ពានជ្រោយចង្វា ទីក្រុងភ្នំពេញ។
អតីតសិស្សនៃសាលាបឋមសិក្សាវាលវង់ភាគច្រើនមានអាយុជាង៤០ឆ្នាំ រីឯគ្រូបង្រៀនវិញ ពួកគេមានអាយុចាប់ពីជាង៦០ រហូតដល់ជាង៧០ឆ្នាំ។ ពេលវេលាបានកន្លងផុតទៅមែន តែអនុស្សារីយ៍នៅស្ថិតស្ថេរជានិច្ចសម្រាប់អតីតកូនសិស្ស និងគ្រូបង្រៀននៃសាលាបឋមសិក្សាវាលវង់៕
គ្មានការជួបណាដែលមិនអាចបែកគ្នាវិញនោះទេ។ តែក៏គ្មានការបែកណាដែលមិនអាចជួបគ្នាឡើងវិញបាននោះដែរ។
ជាក់ស្តែង អតីតកូនសិស្ស និងគ្រូបង្រៀននៃសាលាបឋមសិក្សាវាលវង់ ក្រុងភ្នំពេញ ដែលបានជួបគ្នានៅដើមទសវត្សរ៍៨០ (ក្រោយរបបប៉ុលពត) ក្រោយមកក៏បែកគ្នាច្រើនទសវត្សរ៍ដោយសារតែកិច្ចការ និងកាតព្វកិច្ចរៀងៗខ្លួនក្នុងជីវិតនោះ នៅទីបញ្ចប់ ជាង៣០ឆ្នាំក្រោយមក ពួកគេសម្រេចចិត្តជួបជុំគ្នាឡើងវិញ ដើម្បីរម្លឹកអនុស្សាវរីយ៍ចាស់ៗ និងបន្តបង្កើតអនុស្សារីយ៍ថ្មីបន្ថែមទៀតនាពេលអនាគត។
ក្នុងអស់រយៈពេល៣ ឬ៤ឆ្នាំចុងក្រោយនេះ អតីតកូនសិស្សនៃ«សាលាបឋមសិក្សាវាលវង់», បច្ចុប្បន្នឈ្មោះ«សាលាបឋមសិក្សាសំពៅមាស»ស្ថិតនៅក្បែរស្តាតអូឡាំពិក ទីក្រុងភ្នំពេញ តែងតែអញ្ជើញគ្រូបង្រៀនរបស់ពួកគេកាលពីដើមទសវត្សរ៍៨០ឲ្យជួបជុំគ្នានៅចុងឆ្នាំ ជារៀងរាល់ឆ្នាំ។
គោលដៅនៃការជួបជុំឡើងវិញនេះ គឺដើម្បីកសាងមិត្តភាពមិត្តភក្តិចាស់ៗឡើងវិញ និងជាពិសេស ការជួបជុំគ្នាឡើងវិញនេះ គឺជាឱកាសដែលកូនសិក្សទាំងអស់អាចបញ្ចេញអារម្មណ៍ថ្លែងអំណរគុណដ៏ជ្រាលជ្រៅចំពោះលោកគ្រូ-អ្នកគ្រូដែលបានបណ្តុះបណ្តាលពួកគេក្រោយរបបប៉ុលពត។
នៅក្នុងការជួបជុំគ្នាកាលពីថ្ងៃអាទិត្យកន្លងមក អតីតលោកគ្រូ-អ្នកគ្រូ និងអតីត សិស្សនៃសាលាបឋមសិក្សាវាលវង់បានបង្ហាញអារម្មណ៍រំភើបក្រៃលែង ព្រោះ ពួកគេមិននឹកស្មានថា មិត្តភាពអាចបន្តកើតឡើងក្នុងរយៈពេលដ៏យូរយ៉ាងដូច្នេះសោះ។ «មិត្តភាពជាង៣០ឆ្នាំ គឺយូរ។ យើងគូរបន្តទៅមុខឲ្យបានយូរបន្ថែមទៀត»។ នេះ គឺជាការលើកឡើងរបស់អតីតសិស្ស និងគ្រូបង្រៀននៃសាលាបឋមសិក្សាវាលវង់ ក្នុងខណៈពេលដែលពួកគេជួបជុំពិសាអាហារថ្ងៃត្រង់នៅត្រើយខាងកើតនៃស្ពានជ្រោយចង្វា ទីក្រុងភ្នំពេញ។
អតីតសិស្សនៃសាលាបឋមសិក្សាវាលវង់ភាគច្រើនមានអាយុជាង៤០ឆ្នាំ រីឯគ្រូបង្រៀនវិញ ពួកគេមានអាយុចាប់ពីជាង៦០ រហូតដល់ជាង៧០ឆ្នាំ។ ពេលវេលាបានកន្លងផុតទៅមែន តែអនុស្សារីយ៍នៅស្ថិតស្ថេរជានិច្ចសម្រាប់អតីតកូនសិស្ស និងគ្រូបង្រៀននៃសាលាបឋមសិក្សាវាលវង់៕
Tag:
វាលវង់
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
