ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
មូលនិធិ ម៉េងលី ជេ. គួច រៀបចំកម្មវិធីបណ្ណាល័យចល័ត ម៉េងលី ជេ. គួច លើកទី៣២ នៅសាលាបឋមសិក្សាសំបួរមាស
20, Dec 2016 ,
1:42 pm
រូបភាព
×
ដោយ:
ថ្មីៗ
តាមរយៈសកម្មភាពប្រចាំខែនៃមូលនិធិ ម៉េងលី ជេ. គួច ដែលតែងតែធ្វើការបរិច្ចាគអាហារ សម្លៀកបំពាក់ សម្ភារប្រើប្រាស់ សម្ភារសិក្សា គ្រឿងឧបភោគបរិភោគផ្សេងៗ ការពិនិត្យសុខភាព និងការចែកថវិកាជូនដល់បណ្តាប្រជាពលរដ្ឋក្រីក្រ មណ្ឌលកុមារកំព្រា ចាស់ជរា និងជនពិការ មូលនិធិក៏មានសកម្មភាពបំប៉នខាងផ្នែកបញ្ញាស្មារតីផងដែរ។ ជាក់ស្តែងកាលពីសប្តាហ៍កន្លងទៅនេះ ក្រុមការងារមូលនិធិ ម៉េងលី ជេ. គួច បានដឹកនាំសិស្សស្ម័គ្រចិត្ត នៃវិទ្យាស្ថាន និងសាលារៀន អន្តរទ្វីប អាមេរិកាំង ប្រមាណ១០នាក់ រៀបចំកម្មវិធីបណ្ណាល័យចល័ត ម៉េងលី ជេ. គួច លើកទី៣២ នៅសាលាបឋមសិក្សាសំបួរមាស មានទីតាំងស្ថិតនៅក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
ស្របក្នុងឱកាសនោះ មូលនិធិក៏បាននាំយកនូវសៀវភៅសរសេរ ប៊ិក ខ្មៅដៃ និងជ័រលុប ចំនួន៣១៥កញ្ចប់ ទៅបរិច្ចាគជូនប្អូនៗសិស្សានុសិស្សនៅសាលាបឋមសិក្សាខាងលើផងដែរ។ ក្នុងកម្មវិធីនោះ បណ្ណាល័យចល័ត ម៉េងលី ជេ. គួច លើកទី៣២ ក៏មានការដាក់តាំងពិព័រណ៍សៀវភៅរឿងនិទានខ្មែរ ហើយមានការនិទានរឿងខ្លីឱ្យកុមារតូចៗស្តាប់ ការផាត់ពណ៌រូបភាព និងការសង្ខេបរឿងខ្លីក្រោយពីការអានរបស់ប្អូនៗ ហើយរួមជាមួយគ្នានោះផងដែរ ក្រុមការងារមូលនិធិ និងសិស្សស្ម័គ្រចិត្តបានដឹកនាំប្អូនៗលេងល្បែងកម្សាន្ត ដើម្បីបង្កបរិយាកាសឱ្យកាន់តែមានភាពសប្បាយរីករាយនៅពេលចុងបញ្ចប់នៃកម្មវិធី។
បើតាមសម្តីរបស់លោក សាយ ឆាយ នាយកសាលាបឋមសិក្សាសំបួរមាស បានឱ្យដឹងថា សាលារៀននៅមានការខ្វះខាតច្រើនលើបរិក្ខារសាលា រួមមាន តុ កៅអី ក្តារខៀន និងជាពិសេសទៅទៀតនោះ គឺអគារសិក្សាតែម្តង។ លោកនាយកក៏បានលើកឡើងទៀតថា សព្វថ្ងៃនេះគណៈកម្មការសាលាបាននិងកំពុងសាងសង់អគារសិក្សា១ខ្នង ចំនួន៤បន្ទប់បន្ថែមទៀត ដោយគ្រោងថានឹងបញ្ចប់នៅចុងឆ្នាំ២០១៧ខាងមុខនេះ។ សូមជម្រាបជូនថា ថវិកាដែលយកមកធ្វើការសាងសង់អគារសិក្សាបន្ថែមនោះ គឺបានមកពីការធ្វើបុណ្យផ្ការយៈពេលកន្លងមក។
សូមបញ្ចាក់ផងដែរថា សាលាបឋមសិក្សាសំបួរមាសនេះ ត្រូវបានបង្កើតឡើងនៅឆ្នាំ១៩៥៨ ដោយព្រះគ្រូចៅអធិការវត្តសំបួរមាស ក្នុងគោលបំណងឱ្យក្មេងៗនៅជុំវិញវត្តនេះទទួលបានការអប់រំ ហើយកាលសម័យនោះ គឺព្រះសង្ឃជាអ្នកបង្រៀនដោយផ្ទាល់ ហើយក្រោយមក សាលាក៏ត្រូវបានទទួលស្គាល់ដោយក្រសួងអប់រំយុវជន និងកីឡា។ គួររម្លឹកផងដែរថា បច្ចុប្បន្នសិស្សានុសិស្សដែលកំពុងរៀននៅសាលាបឋមសិក្សាសំបួរមាស គឺមានចំនួន៣១៣នាក់ និងគ្រូ១៣នាក់។
សូមជម្រាបជូនថា សម្រាប់កម្មវិធីបណ្ណាល័យចល័ត ម៉េងលី ជេ. គួច លើកទី៣២ នៅសាលាបឋមសិក្សាសំបួរមាស សរុបជាទឹកប្រាក់អស់ប្រមាណជាង៧០០ដុល្លារអាមេរិក៕
(អត្ថបទសាលា)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
1 សប្តាហ៍
«ប្រទានកម្ម»មានន័យដូចម្តេច?
2 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
3 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
4 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
1 សប្តាហ៍
អត្ថបទពេញនិយមបន្ថែម