ជាតិ
កម្ពុជា និង UN បន្តសុពលភាពអនុស្សរណៈ លើវិស័យសិទ្ធិមនុស្ស លោកស្រី Rhona Smith អ្នករាយការណ៍ ពិសេសរបស់អង្គការសហប្រជាជាតិស្តីពីបញ្ហាសិទ្ធិមនុស្សនៅម្ពុជា នាជំនួបកន្លងមកជាមួយលោក ប្រាក់ សុខុន
× ភ្នំពេញ៖ កម្ពុជា និងអង្គការសហប្រជាជាតិ (UN) បានចុះហត្ថលេខាបន្តសុពលភាពអនុស្សរណៈរវាងភាគីទាំងពីរ កាលពីថ្ងៃទី១៩ ធ្នូ ដើម្បីពង្រឹងកិច្ចសហប្រតិបត្តិការលើ «កម្មវិធីសហប្រតិបត្តិការបច្ចេកទេសលើវិស័យសិទ្ធិមនុស្ស» នៅកម្ពុជា។
ក្រសួងការបរទេស និងសហប្រតិបត្តិការអន្តរជាតិកម្ពុជា បានបញ្ជាក់ថា ការបន្តសុពលភាពអនុស្សរណៈជាថ្មីនេះ គឺរដ្ឋាភិបាលកម្ពុជាប្ដេជ្ញាចិត្តលើកកម្ពស់ និងជំរុញគោលការណ៍នៃការគោរពសិទ្ធិសេរីភាពជាមូលដ្ឋាន និងលទ្ធិប្រជាធិបតេយ្យ ដូចមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា។
សេចក្តីប្រកាសព័ត៌មាន ចុះថ្ងៃទី២០ ធ្នូ បញ្ជាក់ដូច្នេះថា៖«ដើម្បីបង្កើតក្របខណ្ឌសហប្រតិបត្តិការ ដោយឈរលើមូលដ្ឋានបំណង និងគោលការណ៍ដែលមានចែងក្នុងធម្មនុញ្ញអង្គការសហប្រជាជាតិ មាត្រា ២ (កថាខណ្ឌទី៧) ដែលបានគូសបញ្ជាក់ថា ពុំមានបញ្ញត្តិណាមួយនៅក្នុងធម្មនុញ្ញ អសប អនុញ្ញាតិឲ្យ អសប ចូលជ្រៀតជ្រែកកិច្ចការដែលស្ថិតនៅក្រោមយុត្ថាធិការរបស់ប្រទេសជាសមាជិកនីមួយៗឡើយ»។
គួរបញ្ជាក់ថា ការិយាល័យឧត្តមស្នងការអង្គការសហប្រជាជាតិ មានវត្តមាននៅកម្ពុជា នៅក្នុងឆ្នាំ១៩៩៣ ៕
© រក្សាសិទ្ធិដោយ thmeythmey.com