ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សិក្ខាសាលាស្ដីពី៖ “ហេតុអ្វីត្រូវការការសិក្សាអប់រំ?”
22, Dec 2016 ,
10:19 am
រូបភាព
×
ដោយ:
ថ្មីៗ
“អ្វីដែលយើងដឹងមិនសំខាន់! តែអ្វីដែលសំខាន់តើយើងបានធ្វើវាឬនៅ?” នេះជាសំណួរលោក កែវ ឡង់ឌី ដែលជាអនុប្រធានក្រុមប្រឹក្សាភិបាល អគ្គនាយករងប្រតិបត្តិ និងអគ្គនាយកអប់រំ នៃក្រុមហ៊ុន ម៉េងលី ជេ. គួច អេឌ្យូខេសិន បានសួរទៅកាន់សិស្សានុសិស្សនៃសាលារៀន អន្តរទ្វីប អាមេរិកាំង ក្នុងឋានៈលោកជាវាគ្មិននៅក្នុងកម្មវិធីសិក្ខាសាលាមួយស្ដីពី “ហេតុអ្វីត្រូវការការសិក្សាអប់រំ” ដែលបានធ្វើឡើងកាលពីព្រឹកថ្ងៃទី១៦ ខែធ្នូ ឆ្នាំ២០១៦ នៅសាលប្រជុំ សូវ ហុងគុយ នៃសាលារៀន អន្តរទ្វីប អាមេរិកាំង។សិក្ខាសាលានេះគឺបង្កើតឡើងក្នុងបំណងជំរុញឱ្យសិស្សានុសិស្សមានកម្លាំងចិត្តក្នុងការសិក្សា ព្រោះបើសិស្សយល់ពីតម្លៃនៃការសិក្សា នោះពួកគាត់នឹងខិតខំជម្នះរាល់ឧបសគ្គទាំងអស់ក្នុងកំលុងពេលពួកគាត់កំពុង រៀន។ នេះជាការអះអាងរបស់លោក កែវ ឡង់ឌី។
សូមជម្រាបជូនថា វាគ្មិនរូបនេះបានលើកឡើងនៅចំពោះមុខសិស្សានុសិស្សដែលមានវត្តមាននៅក្នុង អង្គសិក្ខាសាលានោះ ប្រមាណជិត៨០០នាក់ថា ការសិក្សាអប់រំធ្វើឱ្យយើងបានដឹង បានស្គាល់ បានយល់នូវរឿងរ៉ាវជាច្រើន ប៉ុន្តែអ្វីដែលដឹងហើយ ឮហើយមិនព្រមយកមកអនុវត្ត គឺលទ្ធផលស្មើនឹងសូន្យ ពោលគ្មានប្រយោជន៍អ្វីទាំងអស់ចំពោះខ្លួនឯង គ្រួសារ សហគមន៍ និងសង្គមជាតិទាំងមូល។
លោក កែវ ឡង់ឌី បានថ្លែងបន្ថែមថា មនុស្សយើងគ្រប់រូបកើតមកសុទ្ធតែជាប់មកជាមួយនូវចរិតព្រៃដូចៗគ្នា។ ចរិតព្រៃទាំងនោះអាចជាចរិតកោងកាច ព្រហើន ក្អេងក្អាង អំនួត ឫក អឿ ឈ្លើយ និងចរិតអសីលធម៌ផ្សេងៗទៀតជាដើម។ ពោលមនុស្សមិនអាចលះចោលចរិតពីកំណើតនេះបានដោយងាយៗឡើយ គឺមានតែអ្នកមានចំណេះដឹងប៉ុណ្ណោះដែលអាចគ្រប់គ្រងលើវាបាន។ ដូចនេះហើយបានជាយើងចាំបាច់ត្រូវការការសិក្សាអប់រំ ពីព្រោះវាមិនត្រឹមតែអាចផ្លាស់ប្ដូរបុគ្គលិកលក្ខណៈខ្លួនឯងផ្ទាល់ប៉ុណ្ណោះទេ តែវាក៏អាចផ្លាស់ប្ដូរពិភពលោកបានដែរ។ នេះជាហេតុផលសំខាន់ដែលសាលារៀន អន្តរទ្វីប អាមេរិកាំង បង្កើតឱ្យមានកម្មវិធីសិក្ខាសាលានេះឡើង។
សូមបញ្ជាក់ថា នេះជាលើកទី៥ ហើយដែលគណៈគ្រប់គ្រងនៃសាលារៀន អន្តរទ្វីប អាមេរិកាំង បានរៀបចំសិក្ខាសាលាស្ដីពី “ហេតុអ្វីត្រូវការការសិក្សាអប់រំ” នេះឡើង។ ក៏គួរជម្រាបជូនដែរថា ក្នុងមួយឆ្នាំគឺមានការរៀបចំឱ្យមានសិក្ខាសាលានេះឡើងចំនួនពីរដង ក្នុងបំណងចែករំលែកចំណេះដឹងដល់សិស្សថ្នាក់ទី១១ នៃសាលារៀន អន្តរទ្វីប អាមេរិកាំង និងសម្រាប់សិស្សានុសិស្សទូទៅនៃវិទ្យាស្ថាន និងសាលារៀន អន្តរទ្វីប អាមេរិកាំង ទាំង៣សាខា ដើម្បីឱ្យពួកគេយល់ថា ហេតុអ្វីពួកគាត់ចាំបាច់ត្រូវការការសិក្សាអប់រំ? ប្រសិនបើពួកគាត់មិនបានសិក្សាអប់រំ តើពួកគាត់នឹងជួបបញ្ហាអ្វីខ្លះ? ជាងនេះទៅទៀត ចង់ឱ្យសិស្សយល់ថា រវាងអ្នកមានការសិក្សាអប់រំខ្ពស់ និងអ្នកគ្មានសិក្សាអប់រំ តើមានការគិត ឬការវិនិច្ឆយខុសគ្នាយ៉ាងណា?
(អត្ថបទសាលា)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
1 សប្តាហ៍
«ប្រទានកម្ម»មានន័យដូចម្តេច?
2 ថ្ងៃ
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
3 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
4 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
1 សប្តាហ៍
អត្ថបទពេញនិយមបន្ថែម