ជាតិ
លោក ប៉ា សុជាតិវង្ស ស្នើឲ្យវៀតណាមផ្តល់ថវិកា៥០ភាគរយ ដើម្បីជួសជុលផ្លូវហាណូយ
× ភ្នំពេញ៖ អភិបាលរាជធានីភ្នំពេញលោក ប៉ា សុជាតិវង្ស បានស្នើឲ្យវៀតណាមផ្ដល់ជំនួយ ជួសជុលផ្លូវ ហាណូយ នៅក្នុងប្រទេសកម្ពុជា។ ផ្លួវហាណូយ មានប្រវែង១០គីឡូម៉ែត្រ ដែលដាក់ឈ្មោះតាម ទីក្រុងហាណូយ ប្រទេសវៀតណាម។
ក្នុងជំនួបជាមួយប្រធានគណៈកម្មាធិការប្រជាជនវៀតណាម លោក Nguyen Duc Chung នោះលោក ប៉ា សុជាតិវង្ស ស្នើឲ្យភាគីវៀតណាមផ្ដល់ថវិកា ៥០ភាគរយ ជួយកែលម្អផ្លូវហាណូយ ដែលជាជំនួយរបស់វៀតណាមនេះ ដើម្បីពង្រឹងចំណងមិត្តភាពខួបលើកទី៥០ឆ្នាំ នៃទំនាក់ទំនងការទូតរវាងភាគីទាំងពីរ។ នេះបើតាមទីភ្នាក់ងារសារព័ត៌មានជាតិកម្ពុជា (AKP)។
បើតាមលោក ប៉ាសុជាតិវង្ស កម្ពុជាកំពុងជួបបញ្ហាប្រឈមមួយចំនួន ដូចជាការកកស្ទះចរាចរណ៍ បញ្ហាបរិស្ថានជាដើម។ ហើយអាជ្ញាធរ ក៏កំពុងយកចិត្តទុកដាក់ជួសជុលកែលម្អផ្លូវ ហេដ្ឋារចនាសម្ព័ន្ធ លូ ផ្លូវក្រវ៉ាត់ក្រុង និងពង្រឹងសន្តិសុខផងដែរ។
តែយ៉ាងណាលោក Nguyen Duc Chung មិនទាន់ឆ្លើយតបតាមសំណើរបស់អភិបាលរាជធានីភ្នំពេញឡើយ៕
Tag:
ប៉ា សុជាតិវង្ស
ផ្លូវថ្នល់
វៀតណាម
© រក្សាសិទ្ធិដោយ thmeythmey.com