ជាតិ
×![]()
ភ្នំពេញ៖ តំណាងអង្គការបរិស្ថានក្រៅរដ្ឋាភិបាលពាក់ព័ន្ធ នៅតែបារម្ភចំពោះអនាគតនៃធនធានព្រៃឈើកម្ពុជា ខណៈពួកគេអះអាងថាសកម្មភាពកាប់បំផ្លាញព្រៃឈើខុសច្បាប់នៅតែបន្តកើតមាន។ ទោះជាមន្ត្រីរដ្ឋាភិបាល អះអាងថា កម្ពុជាបានការពារព្រៃឈើប្រសើរជាងមុន ប៉ុន្តែតំណាងអង្គការសង្គមស៊ីវិលទាំងនោះ នៅតែស្នើឲ្យអ្នកពាក់ព័ន្ធសហការគ្នា ក្នុងការងារការពារព្រៃឈើកម្ពុជា។
នាយិកាប្រតិបត្តិនៃអង្គការយុវជនខ្មែរ និងការអភិវឌ្ឍន៍សង្គម អ្នកស្រី ស៊ុំ កល្យាណ បានលើកឡើងថា កាប់បំផ្លាញព្រៃឈើដោយខុសច្បាប់នៅតែកើតមានកម្ពុជា ទោះបីជារដ្ឋាភិបាលបានចេញអនុក្រឹត្យស្តីពី តំបន់ការពារព្រៃឈើក្តី។ អ្នកស្រី បញ្ជាក់បែបនេះ ក្នុងវេទិកាសន្តិភាពស្តីពី មរតកធនធានធម្មជាតិកម្ពុជាសម្រាប់មនុស្សជំនាន់ក្រោយ នៅព្រឹកថ្ងៃទី២៧ ខែធ្នូ នៅវិទ្យាស្ថានអន្តរទ្វីបអាមេរិកាំង (AII)។ តំណាងគណៈកម្មាធិការរៀបចំវេទិការូបនេះ បារម្ភពីការបាត់បង់ធនធានព្រៃឈើ ដោយសារភាពខ្វះចន្លោះការគ្រប់គ្រង និងការទាញយកផលធនធានធម្មជាតិហួសកម្រិតដោយខុសច្បាប់ និងស្នើឲ្យភាគីពាក់ព័ន្ធសហការគ្នា ការពារធនធានធម្មជាតិរបស់កម្ពុជា។ អ្នកស្រីស៊ុំ កល្យាណ បញ្ជាក់ដូច្នេះថា៖«យើងត្រូវសហការទាំងអស់គ្នា ដើម្បីការពារធនធានធម្មជាតិ។ បើយើងចាប់ផ្តើមពេលនេះ យើងនឹងអាចថែរក្សាធនធានធម្មជាតិយើងបាន តែបើយើងបន្តព្រងើយកន្តើយទៅតទៀតនោះ វានឹងអាចបាត់បង់»។
លោក ឃៀង សុជីវី ប្រធានគ្រប់គ្រងប្រចាំប្រទេសរបស់អង្គការ FORUM SYD នៃប្រទេស ស៊ុយអែត ក៏លើកទ្បើងពីកង្វល់ស្រដៀងនេះដែរ។ ក្រៅពីបង្ហាញផលប៉ះពាល់ដល់បរិស្ថាន ដោយសារការកាប់បំផ្លាញព្រៃឈើ លោក ឃៀង សុជីវី ស្នើឲ្យក្រសួងពាក់ព័ន្ធពង្រឹងសមត្ថភាពស្ថាប័ន និងត្រូវមានថវិកាគ្រប់គ្រាន់ ដើម្បីទ្រទ្រង់សកម្មភាពការពារ និងគ្រប់គ្រងធនធានធម្មជាតិឱ្យកាន់តែមានប្រសិទ្ធភាព។
ឆ្លើយតបនឹងបញ្ហានេះលោក ស្រ៊ី គឹមយី តំណាងរដ្ឋមន្ត្រីក្រសួងបរិស្ថាន និយាយថា រដ្ឋាភិបាល តាមរយៈក្រសួងបរិស្ថាន បានចេញយុទ្ធសាស្ត្រនានា ដើម្បីការពារធនធានធម្មជាតិ ក្នុងនោះមានការធ្វើទំនើបកម្មស្ថាប័ន កិច្ចគាំពារបរិស្ថាន ការអភិរក្សជីវៈចម្រុះ និងការរស់នៅប្រកបដោយចីរភាព។ លោក ស្រ៊ី គឹមយី បន្តថា វិធានការគ្រប់គ្រងប្រព័ន្ធតំបន់ការពារធម្មជាតិនេះ នៅតែយុទ្ធសាស្ត្រមួយដ៏សំខាន់ សម្រាប់ធានាដល់ការការពារជីវៈចម្រុះ និងការថែរក្សាបរិស្ថាន ដើម្បីកាត់បន្ថយការប្រែប្រួលអាកាសធាតុជាសកល។ មន្ត្រីក្រសួងបរិស្ថានរូបនេះ បញ្ជាក់បន្តយ៉ាងនេះថា៖«រាជរដ្ឋាភិបាលបានរៀបចំវិធានការច្បាប់គោលនយោបាយ និងការគ្រប់គ្រងគម្រោងវិនិយោគទាំងទ្បាយ ក្នុងគោលដៅថែរក្សា និងអភិវឌ្ឍធនធានធម្មជាតិបរិស្ថានកម្ពុជាឲ្យមានប្រសិទ្ធភាព»។
បើតាមរបាយការណ៍អង្គការមិនមែនរដ្ឋាភិបាលស្តីពីកម្ពុជា កម្ពុជាជាប្រទេសលំដាប់ថ្នាក់ទី ០៣ ដែលមានអត្រាកាប់បំផ្លាញព្រៃឈើខ្ពស់បំផុតលើពិភពលោក។ ក្នុងឆ្នាំ២០១៤ កម្ពុជាមានដីគ្មានគម្របព្រៃឈើចំនួនជិត ៥០ភាគរយ ស្របពេលដង់ស៊ីតេព្រៃឈើបានធ្លាក់ចុះពី ៤២ ភាគរយមក ១៦ ភាគរយ៕
នាយិកាប្រតិបត្តិនៃអង្គការយុវជនខ្មែរ និងការអភិវឌ្ឍន៍សង្គម អ្នកស្រី ស៊ុំ កល្យាណ បានលើកឡើងថា កាប់បំផ្លាញព្រៃឈើដោយខុសច្បាប់នៅតែកើតមានកម្ពុជា ទោះបីជារដ្ឋាភិបាលបានចេញអនុក្រឹត្យស្តីពី តំបន់ការពារព្រៃឈើក្តី។ អ្នកស្រី បញ្ជាក់បែបនេះ ក្នុងវេទិកាសន្តិភាពស្តីពី មរតកធនធានធម្មជាតិកម្ពុជាសម្រាប់មនុស្សជំនាន់ក្រោយ នៅព្រឹកថ្ងៃទី២៧ ខែធ្នូ នៅវិទ្យាស្ថានអន្តរទ្វីបអាមេរិកាំង (AII)។ តំណាងគណៈកម្មាធិការរៀបចំវេទិការូបនេះ បារម្ភពីការបាត់បង់ធនធានព្រៃឈើ ដោយសារភាពខ្វះចន្លោះការគ្រប់គ្រង និងការទាញយកផលធនធានធម្មជាតិហួសកម្រិតដោយខុសច្បាប់ និងស្នើឲ្យភាគីពាក់ព័ន្ធសហការគ្នា ការពារធនធានធម្មជាតិរបស់កម្ពុជា។ អ្នកស្រីស៊ុំ កល្យាណ បញ្ជាក់ដូច្នេះថា៖«យើងត្រូវសហការទាំងអស់គ្នា ដើម្បីការពារធនធានធម្មជាតិ។ បើយើងចាប់ផ្តើមពេលនេះ យើងនឹងអាចថែរក្សាធនធានធម្មជាតិយើងបាន តែបើយើងបន្តព្រងើយកន្តើយទៅតទៀតនោះ វានឹងអាចបាត់បង់»។
លោក ឃៀង សុជីវី ប្រធានគ្រប់គ្រងប្រចាំប្រទេសរបស់អង្គការ FORUM SYD នៃប្រទេស ស៊ុយអែត ក៏លើកទ្បើងពីកង្វល់ស្រដៀងនេះដែរ។ ក្រៅពីបង្ហាញផលប៉ះពាល់ដល់បរិស្ថាន ដោយសារការកាប់បំផ្លាញព្រៃឈើ លោក ឃៀង សុជីវី ស្នើឲ្យក្រសួងពាក់ព័ន្ធពង្រឹងសមត្ថភាពស្ថាប័ន និងត្រូវមានថវិកាគ្រប់គ្រាន់ ដើម្បីទ្រទ្រង់សកម្មភាពការពារ និងគ្រប់គ្រងធនធានធម្មជាតិឱ្យកាន់តែមានប្រសិទ្ធភាព។
ឆ្លើយតបនឹងបញ្ហានេះលោក ស្រ៊ី គឹមយី តំណាងរដ្ឋមន្ត្រីក្រសួងបរិស្ថាន និយាយថា រដ្ឋាភិបាល តាមរយៈក្រសួងបរិស្ថាន បានចេញយុទ្ធសាស្ត្រនានា ដើម្បីការពារធនធានធម្មជាតិ ក្នុងនោះមានការធ្វើទំនើបកម្មស្ថាប័ន កិច្ចគាំពារបរិស្ថាន ការអភិរក្សជីវៈចម្រុះ និងការរស់នៅប្រកបដោយចីរភាព។ លោក ស្រ៊ី គឹមយី បន្តថា វិធានការគ្រប់គ្រងប្រព័ន្ធតំបន់ការពារធម្មជាតិនេះ នៅតែយុទ្ធសាស្ត្រមួយដ៏សំខាន់ សម្រាប់ធានាដល់ការការពារជីវៈចម្រុះ និងការថែរក្សាបរិស្ថាន ដើម្បីកាត់បន្ថយការប្រែប្រួលអាកាសធាតុជាសកល។ មន្ត្រីក្រសួងបរិស្ថានរូបនេះ បញ្ជាក់បន្តយ៉ាងនេះថា៖«រាជរដ្ឋាភិបាលបានរៀបចំវិធានការច្បាប់គោលនយោបាយ និងការគ្រប់គ្រងគម្រោងវិនិយោគទាំងទ្បាយ ក្នុងគោលដៅថែរក្សា និងអភិវឌ្ឍធនធានធម្មជាតិបរិស្ថានកម្ពុជាឲ្យមានប្រសិទ្ធភាព»។
បើតាមរបាយការណ៍អង្គការមិនមែនរដ្ឋាភិបាលស្តីពីកម្ពុជា កម្ពុជាជាប្រទេសលំដាប់ថ្នាក់ទី ០៣ ដែលមានអត្រាកាប់បំផ្លាញព្រៃឈើខ្ពស់បំផុតលើពិភពលោក។ ក្នុងឆ្នាំ២០១៤ កម្ពុជាមានដីគ្មានគម្របព្រៃឈើចំនួនជិត ៥០ភាគរយ ស្របពេលដង់ស៊ីតេព្រៃឈើបានធ្លាក់ចុះពី ៤២ ភាគរយមក ១៦ ភាគរយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
