អ្នកបើកបរយានយន្តកម្លាំងក្រោម ១២៥cc ពុំចាំបាច់មានបណ្ណបើកបរ

ជាតិ

អ្នកបើកបរយានយន្តកម្លាំងក្រោម ១២៥cc ពុំចាំបាច់មានបណ្ណបើកបរ

28, Dec 2016 , 10:20 am

រូបភាព

ដោយ:

ភ្នំពេញ៖ អ្នកបើកបរយានយន្តដែលមានអាយុចាប់ពី ១៥ឆ្នាំឡើង អាចបើកបរយានយន្តដែលមានទំហំ ស៊ីឡាំងក្រោម ១២៥សង់ទីម៉ែត្រគុប ឬថាមពលអគ្គិសនីក្រោម ១១គីឡូវ៉ាត់ ដោយពុំចាំបាច់មានបណ្ណបើកបរ។ តែ ពួកគេត្រូវមានអត្តសញ្ញាណបណ្ណសញ្ជាតិខ្មែរ ឬឯកសារបញ្ជាក់ អត្តញ្ញាណណាមួយ នៅពេលបើកបរយានយន្ត។ នេះបើតាមវាក្យខណ្ឌទីមួយ ក្នុងមាត្រា ៨ថ្មី នៃច្បាប់ស្តីពី ចរាចរណ៍ផ្លូវគោក។

រដ្ឋសភាបានអនុម័តសេចក្តីសេចក្តីព្រាងច្បាប់ ស្តីពី វិសោធនកម្មមាត្រាចំនួន ៩ នៃច្បាប់ស្តីពី ចរាចរណ៍ផ្លូវគោក លើសំឡេង ៩៣/១០០ សំឡេង ក្នុងសម័យប្រជុំសភា នៅថ្ងៃទី២៦ ខែធ្នូនេះ នាវិមានរដ្ឋសភា។

រដ្ឋាភិបាលបានធ្វើសេចក្តីព្រាងច្បាប់វិសោធនកម្មមាត្រាទាំង ៩ ក្រោយមានការប្រទាំងប្រទើសមួយចំនួន ពេលសមត្ថកិច្ចចុះអនុវត្តច្បាប់ចរាចរណ៍ផ្លូវគោកថ្មី ចាប់តាំងពីថ្ងៃទី១ ខែមករា ឆ្នាំ២០១៦រហូតមក។

ច្បាប់ស្តីពី ចរាចរណ៍ផ្លូវគោកថ្មី ត្រូវបានប្រកាសដោយព្រះរាជក្រម កាលថ្ងៃទី៩ ខែមករា ឆ្នាំ២០១៥ ៕