សម្តេច ស ខេង ប្រាប់មន្ត្រីឲ្យបន្តពង្រឹងសន្តិភាព និងស្ថិរភាពសង្គមជាតិ

ជាតិ

សម្តេច ស ខេង ប្រាប់មន្ត្រីឲ្យបន្តពង្រឹងសន្តិភាព និងស្ថិរភាពសង្គមជាតិ

28, Dec 2016 , 10:19 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ សម្តេច ស ខេង ក្នុងពិធីបិទសន្និបាតបូកសរុបការងារប្រចាំឆ្នាំ២០១៦នៅសាលាខេត្តសៀមរាប នៅព្រឹកថ្ងៃទី២៨ ធ្នូ ឆ្នាំ២០១៦ បានលើកឡើងពីការពង្រឹងសុខសន្តិភាព និងស្ថិរភាពសង្គម។ សម្តេចបញ្ជាក់ថា ក្នុងរូបភាពណាក៏ដោយដែលធ្វើឲ្យប៉ះពាល់ដល់សន្តិភាព កម្លាំងគ្រប់លំដាប់ថ្នាក់ទាំងអស់ មានសិទ្ធិប្រើអំណាចរដ្ឋតាមច្បាប់ ដើម្បីបុព្វហេតុប្រទេសជាតិ។

សម្តេច ស ខេង បានបន្តថា គេមិនអាចមើលស្រាលបានទេ បើទោះបច្ចុប្បន្នកម្ពុជាមានសុខសន្តិភាពក៏ពិតមែន។ សម្តេចសង្កត់ធ្ងន់យ៉ាងដូច្នេះថា៖ « កម្លាំងណាក៏ដោយ សមាសភាព មជ្ឈដ្ឋានណាក៏ដោយ ដែលធ្វើឲ្យប៉ះពាល់ដល់សន្តិភាព ដល់សេរីភាព យើងត្រូវប្រើប្រាស់អំណាចរដ្ឋ យើងត្រូវប្រើប្រាស់អំណាចរដ្ឋតាមច្បាប់ដើម្បីពង្រឹងសន្តិភាព និងស្ថិរភាព នេះជាការចាំបាច់ បើយើងខ្វះសន្តិភាព ខ្វះស្ថេរភាព យើងមិនអាចធ្វើអ្វីបានទេ...»។

សម្តេច ស ខេង ក៏បានបន្ថែមទៀតថា កំណើនសេដ្ឋកិច្ច៧ភាគរយក្នុងមួយឆ្នាំដែលកម្ពុជាទទួលបានក្នុងអំឡុងមួយទស្សវត្សរ៍ចុងក្រោយនេះ ក៏ដោយសារសុខសន្តិភាពនេះដែរ។

សូមស្តាប់ប្រសាសន៍សម្តេច ស ខេង