ជាតិ
×![]()
ដោយ: ខន ចំប៉ា
ចៅក្រមស៊ើបសួរសាលាដំបូងរាជធានីភ្នំពេញ បានបិទបញ្ចប់ដំណើរការស៊ើបសួរក្នុងរឿងក្តីឃាតកម្មលើ កែម ឡី ហើយ។ បន្ទាប់មក ចៅក្រមស៊ើបសួរ នឹងបញ្ជូនសំណុំរឿងនេះ ទៅកាន់ព្រះរាជអាជ្ញា ដើម្បីសន្និដ្ឋានស្ថាពរ។
សាលាដំបូងរាជធានីភ្នំពេញ បានបិទបញ្ចប់ដំណើរការស៊ើបសួរក្នុងរឿងក្តីឃាតកម្មលើ កែម ឡី ក្រោយការស៊ើបសួរ ប្រមូលភស្តុតាងដែលទាក់ទិនហើយ។ លោក សេង លាង ចៅក្រមស៊ើបសួរសាលាដំបូងរាជធានីភ្នំពេញ បានបញ្ជាក់ក្នុងលិខិតជូនព័ត៌មានស្តីពីការបិទបញ្ចប់ការស៊ើបសួរសំណុំរឿង ចំថ្ងៃទី២៣ ខែធ្នូ ដូច្នេះថា៖«ក្រោយការស៊ើបសួរប្រមូលភស្តុតាងដែលទាក់ទិនហើយ សាលាដំបូងរាជធានីភ្នំពេញ បានសម្រេចបិទបញ្ចប់ការស៊ើបសួរសំណុំរឿងនេះ»។
លោក លី សុផាន់ណា អ្នកនាំពាក្យសាលាដំបូងរាជធានីភ្នំពេញ បានបញ្ជាក់ប្រាប់អ្នកសារព័ត៌មានតាមតេឡេក្រាមថា បន្ទាប់ពីការបិទបញ្ចប់ការស៊ើបសួរដល់ភាគីដើមបណ្តឹងរដ្ឋប្បវេណី ជនជាប់ចោទ និងព្រះរាជអាជ្ញា ចៅក្រមស៊ើបសួរ នឹងបញ្ជូនសំណុំរឿងទាំងមូលទៅកាន់ព្រះរាជអាជ្ញា ដើម្បីសន្និដ្ឋានស្ថាពរ។
តាមមាត្រា ២៤៦ នៃក្រមនីតិវិធីវិព្រហ្មទណ្ឌ ក្រោយពីទទួលបានសំណុំរឿងពីចៅក្រមស៊ើបសួររួចហើយ ក្នុងរយៈពេល ១៥ ថ្ងៃ ព្រះរាជអាជ្ញា ត្រូវបង្វិលសំណុំរឿងនោះទៅចៅក្រមស៊ើបសួរវិញ ដោយភ្ជាប់ជាមួយនឹងដីកាសន្និដ្ឋានស្ថាពរ ក្នុងករណីដែលពិនិត្យឃើញថា សំណុំរឿងនោះ មិនចាំបាច់ស៊ើបសួរបន្ថែមទៀត។ បន្ទាប់មក មាត្រា ២៤៧ នៃច្បាប់ដដែលនេះ ក៏តម្រូវឲ្យព្រះរាជអាជ្ញា ស្នើទៅចៅក្រមស៊ើបសួរឲ្យចេញដីកាដំណោះស្រាយណាមួយ ក្នុងចំណោមដីកាដំណោះស្រាយទាំងពីរប្រភេទ។ ទី ១ ដីកាបញ្ជូនទៅជំនុំជម្រះ ក្នុងករណីចៅក្រស៊ើបសួរ យល់ថា អំពើរបស់ជនត្រូវចោទនោះ ជាបទឧក្រិដ្ឋ បទមជ្ឈិម ឬបទលហុ។ ទី ២ ដីកាលើកលែងការចោទប្រកាន់ ប្រសិនបើចៅក្រមស៊ើបសួរយល់ថា អំពើនោះ មិនមែនជាបទឧក្រិដ្ឋ បទមជ្ឈិម ឬបទលហុ។
ទាក់ទងនឹងឃាតកម្មលើលោក កែម ឡី នេះ ក្រសួងមហាផ្ទៃបានបើកការស៊ើបអង្កេតតាមចម្លើយជនសង្ស័យដែលអះអាងបាញ់សម្លាប់លោក កែម ឡី អស់រយៈពេលច្រើនខែមកហើយ។ តាមរយៈការស៊ើបសង្កេត អ្នកនាំពាក្យក្រសួងមហាផ្ទៃ លោក ខៀវ សុភ័គ បានឲ្យដឹងថា ជនសង្ស័យ ជួប សម្លាប់ ដែលបាញ់សម្លាប់លោកបណ្ឌិត កែម ឡី នេះ មានចេតនាឆ្លើយបំភ្លៃសមត្ថកិច្ច។
អ្នកស្រាវជ្រាវ និងជាអ្នកវិភាគ លោក កែម ឡី ត្រូវបានឃាតករបាញ់សម្លាប់កាលពីថ្ងៃទី១០ កក្កដា ឆ្នាំ២០១៦ នៅក្នុងស្តាម៉ាតមួយ នាស្ថានីយ៍សាំងកាល់តិច Caltex ក្បែរស្តុបបូកគោ ក្នុងរាជធានីភ្នំពេញ ។ ភ្លាមៗក្រោយឃាតកម្មទៅលើលោក កែម ឡី សមត្ថកិច្ចបានចាប់ខ្លួនឃាតករ ដែលបានអះអាងថាឈ្មោះ ជួប សម្លាប់។ ប៉ុន្តែ ជាង៥ខែហើយ ដែលគ្រួសារសពលោក កែម ឡី នៅតែទាមទាឲ្យសមត្ថកិច្ចជួយរកយុត្តិធម៌ជូន លោក កែម ឡី ព្រមទាំងបញ្ចេញវីដេអូពីកាមេរ៉ាសន្តិសុខរបស់ហាងសាំងកាល់តិចនោះផង ៕
សាលាដំបូងរាជធានីភ្នំពេញ បានបិទបញ្ចប់ដំណើរការស៊ើបសួរក្នុងរឿងក្តីឃាតកម្មលើ កែម ឡី ក្រោយការស៊ើបសួរ ប្រមូលភស្តុតាងដែលទាក់ទិនហើយ។ លោក សេង លាង ចៅក្រមស៊ើបសួរសាលាដំបូងរាជធានីភ្នំពេញ បានបញ្ជាក់ក្នុងលិខិតជូនព័ត៌មានស្តីពីការបិទបញ្ចប់ការស៊ើបសួរសំណុំរឿង ចំថ្ងៃទី២៣ ខែធ្នូ ដូច្នេះថា៖«ក្រោយការស៊ើបសួរប្រមូលភស្តុតាងដែលទាក់ទិនហើយ សាលាដំបូងរាជធានីភ្នំពេញ បានសម្រេចបិទបញ្ចប់ការស៊ើបសួរសំណុំរឿងនេះ»។
លោក លី សុផាន់ណា អ្នកនាំពាក្យសាលាដំបូងរាជធានីភ្នំពេញ បានបញ្ជាក់ប្រាប់អ្នកសារព័ត៌មានតាមតេឡេក្រាមថា បន្ទាប់ពីការបិទបញ្ចប់ការស៊ើបសួរដល់ភាគីដើមបណ្តឹងរដ្ឋប្បវេណី ជនជាប់ចោទ និងព្រះរាជអាជ្ញា ចៅក្រមស៊ើបសួរ នឹងបញ្ជូនសំណុំរឿងទាំងមូលទៅកាន់ព្រះរាជអាជ្ញា ដើម្បីសន្និដ្ឋានស្ថាពរ។
តាមមាត្រា ២៤៦ នៃក្រមនីតិវិធីវិព្រហ្មទណ្ឌ ក្រោយពីទទួលបានសំណុំរឿងពីចៅក្រមស៊ើបសួររួចហើយ ក្នុងរយៈពេល ១៥ ថ្ងៃ ព្រះរាជអាជ្ញា ត្រូវបង្វិលសំណុំរឿងនោះទៅចៅក្រមស៊ើបសួរវិញ ដោយភ្ជាប់ជាមួយនឹងដីកាសន្និដ្ឋានស្ថាពរ ក្នុងករណីដែលពិនិត្យឃើញថា សំណុំរឿងនោះ មិនចាំបាច់ស៊ើបសួរបន្ថែមទៀត។ បន្ទាប់មក មាត្រា ២៤៧ នៃច្បាប់ដដែលនេះ ក៏តម្រូវឲ្យព្រះរាជអាជ្ញា ស្នើទៅចៅក្រមស៊ើបសួរឲ្យចេញដីកាដំណោះស្រាយណាមួយ ក្នុងចំណោមដីកាដំណោះស្រាយទាំងពីរប្រភេទ។ ទី ១ ដីកាបញ្ជូនទៅជំនុំជម្រះ ក្នុងករណីចៅក្រស៊ើបសួរ យល់ថា អំពើរបស់ជនត្រូវចោទនោះ ជាបទឧក្រិដ្ឋ បទមជ្ឈិម ឬបទលហុ។ ទី ២ ដីកាលើកលែងការចោទប្រកាន់ ប្រសិនបើចៅក្រមស៊ើបសួរយល់ថា អំពើនោះ មិនមែនជាបទឧក្រិដ្ឋ បទមជ្ឈិម ឬបទលហុ។
ទាក់ទងនឹងឃាតកម្មលើលោក កែម ឡី នេះ ក្រសួងមហាផ្ទៃបានបើកការស៊ើបអង្កេតតាមចម្លើយជនសង្ស័យដែលអះអាងបាញ់សម្លាប់លោក កែម ឡី អស់រយៈពេលច្រើនខែមកហើយ។ តាមរយៈការស៊ើបសង្កេត អ្នកនាំពាក្យក្រសួងមហាផ្ទៃ លោក ខៀវ សុភ័គ បានឲ្យដឹងថា ជនសង្ស័យ ជួប សម្លាប់ ដែលបាញ់សម្លាប់លោកបណ្ឌិត កែម ឡី នេះ មានចេតនាឆ្លើយបំភ្លៃសមត្ថកិច្ច។
អ្នកស្រាវជ្រាវ និងជាអ្នកវិភាគ លោក កែម ឡី ត្រូវបានឃាតករបាញ់សម្លាប់កាលពីថ្ងៃទី១០ កក្កដា ឆ្នាំ២០១៦ នៅក្នុងស្តាម៉ាតមួយ នាស្ថានីយ៍សាំងកាល់តិច Caltex ក្បែរស្តុបបូកគោ ក្នុងរាជធានីភ្នំពេញ ។ ភ្លាមៗក្រោយឃាតកម្មទៅលើលោក កែម ឡី សមត្ថកិច្ចបានចាប់ខ្លួនឃាតករ ដែលបានអះអាងថាឈ្មោះ ជួប សម្លាប់។ ប៉ុន្តែ ជាង៥ខែហើយ ដែលគ្រួសារសពលោក កែម ឡី នៅតែទាមទាឲ្យសមត្ថកិច្ចជួយរកយុត្តិធម៌ជូន លោក កែម ឡី ព្រមទាំងបញ្ចេញវីដេអូពីកាមេរ៉ាសន្តិសុខរបស់ហាងសាំងកាល់តិចនោះផង ៕
Tag:
កែម ឡី
តុលាការ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
