ជាតិ
តើទស្សនកិច្ចផ្លូវការ និងទស្សនកិច្ចផ្លូវរដ្ឋខុសគ្នាដូចម្តេច? (ភាគ២)
ប្រធានាធិបតីចិន ស៊ី ជិនពីង នាឱកាសទស្សនកិច្ចនៅកម្ពុជា (រូបភាព Xinhua)
×![]()
ដោយ: តន ចាន់រិទ្ធារ៉ា
ទស្សនកិច្ចផ្លូវរដ្ឋ គឺជាកម្រិតខ្ពស់បំផុតនៃទំនាក់ទំនងទៅមករវាងប្រទេសពីរ។ ទស្សនកិច្ចផ្លូវរដ្ឋនេះ រួមបញ្ចូលសកម្មភាពផ្សេងៗ និងកម្មវិធីជាច្រើន ដោយរួមមានការចូលជួបសវនាការរវាងមេដឹកនាំនៃប្រទេសពីរ។ ទស្សនកិច្ចផ្លូវរដ្ឋ ធ្វើឡើងដោយប្រមុខរដ្ឋនៃប្រទេសមួយ តាមការអញ្ជើញរបស់ប្រមុខរដ្ឋនៃប្រទេសមួយទៀត។
ប្រមុខរដ្ឋនៃប្រទេសមួយ អាចជាប្រធានាធិបតី (ទាំងប្រទេសកាន់របបប្រធានាធិបតីនិយម និងសភានិយម) ឬជាព្រះមហាក្សត្រ (ប្រទេសដែលកាន់របបរាជានិយម)។ ជាក់ស្ដែង លោក តូនី តាន់ (Tony Tan) ជាប្រមុខរដ្ឋសិង្ហបុរី ឯលោក លី សៀនឡុង ជាប្រមុខ រដ្ឋាភិបាល។ នៅចក្រភអង់គ្លេស ម្ចាស់ក្សត្រីយ៍ Elizabeth II ជាប្រមុខរដ្ឋ ឯលោកស្រី Theresa May ជាប្រមុខរដ្ឋាភិបាល។
ជាធម្មតា បែបបទទស្សនកិច្ចផ្លូវរដ្ឋ រួមបញ្ចូលពិធីផ្លូវការជាច្រើន។ ប្រមុខរដ្ឋប្រទេសម្ចាស់ផ្ទះ ត្រូវរៀបចំជាកិត្តិយសដល់ប្រមុខរដ្ឋជាភ្ញៀវ។ ពិធីទាំងនោះមាន ពិធីទទួលបដិសណ្ឋារកិច្ចផ្លូវការ ដែលមានការត្រួតពលកងទ័ព ការគោរពភ្លេងជាតិទាំងពីរប្រទេសជាដើម។ ពេលខ្លះ គេសង្កេតឃើញមានការបាញ់កាំភ្លើងធំ២១ណាត់ផងដែរ។ ហើយនៅពេលល្ងាច គេតែងសង្កេតឃើញមានពិធីលាងសាយភោជន៍ រៀបចំដោយប្រទេសម្ចាស់ផ្ទះដែរ។
ទស្សនកិច្ចផ្លូវរដ្ឋ តែងកើតមានរវាងប្រទេសពីរ ដែលមានទំនាក់ទំនងការទូតរវាងគ្នា។ ជាក់ស្ដែង ប្រធានាធិបតីចិន ស៊ី ជិនពីង បានមកបំពេញទស្សនកិច្ចផ្លូវរដ្ឋនៅកម្ពុជា តបតាមការអញ្ជើញរបស់ព្រះមហាក្សត្រព្រះបាទ នរោត្តម សីហមុនី ជាព្រះប្រមុខរដ្ឋកម្ពុជា។ ប្រធានាធិបតីហ្វីលីពីន Rodrigo Duterte បំពេញទស្សនកិច្ចនៅចិន តាមការអញ្ជើញរបស់ប្រធានាធិបតីចិន ស៊ី ជិនពីង៕
ប្រមុខរដ្ឋនៃប្រទេសមួយ អាចជាប្រធានាធិបតី (ទាំងប្រទេសកាន់របបប្រធានាធិបតីនិយម និងសភានិយម) ឬជាព្រះមហាក្សត្រ (ប្រទេសដែលកាន់របបរាជានិយម)។ ជាក់ស្ដែង លោក តូនី តាន់ (Tony Tan) ជាប្រមុខរដ្ឋសិង្ហបុរី ឯលោក លី សៀនឡុង ជាប្រមុខ រដ្ឋាភិបាល។ នៅចក្រភអង់គ្លេស ម្ចាស់ក្សត្រីយ៍ Elizabeth II ជាប្រមុខរដ្ឋ ឯលោកស្រី Theresa May ជាប្រមុខរដ្ឋាភិបាល។
ជាធម្មតា បែបបទទស្សនកិច្ចផ្លូវរដ្ឋ រួមបញ្ចូលពិធីផ្លូវការជាច្រើន។ ប្រមុខរដ្ឋប្រទេសម្ចាស់ផ្ទះ ត្រូវរៀបចំជាកិត្តិយសដល់ប្រមុខរដ្ឋជាភ្ញៀវ។ ពិធីទាំងនោះមាន ពិធីទទួលបដិសណ្ឋារកិច្ចផ្លូវការ ដែលមានការត្រួតពលកងទ័ព ការគោរពភ្លេងជាតិទាំងពីរប្រទេសជាដើម។ ពេលខ្លះ គេសង្កេតឃើញមានការបាញ់កាំភ្លើងធំ២១ណាត់ផងដែរ។ ហើយនៅពេលល្ងាច គេតែងសង្កេតឃើញមានពិធីលាងសាយភោជន៍ រៀបចំដោយប្រទេសម្ចាស់ផ្ទះដែរ។
ទស្សនកិច្ចផ្លូវរដ្ឋ តែងកើតមានរវាងប្រទេសពីរ ដែលមានទំនាក់ទំនងការទូតរវាងគ្នា។ ជាក់ស្ដែង ប្រធានាធិបតីចិន ស៊ី ជិនពីង បានមកបំពេញទស្សនកិច្ចផ្លូវរដ្ឋនៅកម្ពុជា តបតាមការអញ្ជើញរបស់ព្រះមហាក្សត្រព្រះបាទ នរោត្តម សីហមុនី ជាព្រះប្រមុខរដ្ឋកម្ពុជា។ ប្រធានាធិបតីហ្វីលីពីន Rodrigo Duterte បំពេញទស្សនកិច្ចនៅចិន តាមការអញ្ជើញរបស់ប្រធានាធិបតីចិន ស៊ី ជិនពីង៕
Tag:
ទស្សនកិច្ចផ្លូវរដ្ឋ និងទស្សនកិច្ច
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
