ជាតិ
×![]()
ភ្នំពេញ៖ លោក អេង ឆៃអ៊ាង ប្រធានគណៈកម្មការទី១ រដ្ឋសភា ពុំទាន់ពេញចិត្តនឹងការបំភ្លឺរបស់លោក ម៉ម ប៊ុនហេង រដ្ឋមន្ត្រីក្រសួងសុខាភិបាលឡើយ ទោះបីជារដ្ឋមន្ត្រីរូបនេះ ខំចំណាយពេលអានចម្លើយត្រៀមទុកមុនចំនួន ៩ទំព័រ ដែលពាក់ព័ន្ធនឹងបញ្ហាសុខាភិបាលជូនរដ្ឋសភាក្តី។
តបនឹងការកោះហៅឲ្យបំភ្លឺផ្ទាល់មាត់ក្នុងសភាពេញអង្គនៅព្រឹកថ្ងៃទី២៩ ធ្នូនេះ លោក ម៉ម ប៊ុនហេង បានអានចម្លើយចំនួន៩ទំព័រ ដែលមានរយៈពេលជាង ៣០នាទី ឆ្លើយតបសំណួរទាំង១០ របស់តំណាងរាស្ត្រគណបក្សសង្គ្រោះជាតិ។ ទាក់ទងនឹងបញ្ហាប្រើប្រាស់ជំនួយក្នុងការទិញមុងការពារជំងឺគ្រុនចាញ់របស់គម្រោងមូលនិធិសកល(Global Fund)នោះ លោក ម៉ម ប៊ុនហេង បាននិយាយថា ក្រសួងពុំមានកាតព្វកិច្ចដោះស្រាយជាមួយ Global Fund នោះទេ ព្រោះវាជាសមត្ថកិច្ចផ្តាច់មុខរបស់អង្គភាពប្រឆាំងអំពើពុករលួយ ដែលបានធ្វើការជាមួយមូលនិធិសកល ក្នុងការស៊ើបអង្កេតករណីនេះ។
បន្ថែមពីលើនេះការដោះដូរមន្ទីរពេទ្យ និងបញ្ហាផ្សេងទៀត លោក ម៉ម ប៊ុនហេង បានបញ្ជាក់ថា ក្រសួងបានអនុវត្តន៍ដោយតម្លាភាព តាមនីតិវិធីរបស់រដ្ឋ ដោយមានការចូលរួមរបស់គណៈកម្មការអន្តរក្រសួង។ លោក ម៉ម ប៊ុនហេង បានស្នើឲ្យប្តឹងទៅ អង្គភាពប្រឆាំងអំពើពុករលួយ ក្នុងករណីរកឃើញថាមានការដោះដូរ ឃុបឃិត ឬអំពើពុករលួយ។ ករណីផ្សេងៗទៀត លោករដ្ឋមន្ត្រីក៏អះអាងដូចគ្នាថា ក្រសួងបំពេញតាមនីតិវិធីច្បាប់ដែលរដ្ឋមាន។
ប៉ុន្តែការបកស្រាយទាំងអម្បាលម៉ាននេះលោក អេង ឆៃអ៊ាង មិនទាន់ពេញចិត្តនឹងការបំភ្លឺនេះទេ ។ មន្ត្រីជាន់ខ្ពស់គណបក្សប្រឆាំងរូបនេះ បានចោទជាសំនួរថា ហេតុអ្វីបានជាក្រសួងសុខាភិបាលមិនបង្ហាញរបាយការណ៍ចំណាយថវិកាទិញសម្ភារៈ និងការដោះដូរមន្ទីរពេទ្យជាសាធារណៈលើគេហទំព័រ ដើម្បីបង្ហាញភាពស្អាតស្អំ?
លោកឡើងសួរថា៖«មូលនិធិសកលគេអ្នកផ្តល់ជំនួយឲ្យក្រសួងសុខាភិបាលចាត់ចែង ហើយអ្នកធ្វើឲ្យបាត់មូលនិធិ គឺជាមន្ត្រីក្រសួងសុខាភិបាល ដូចនេះក្រសួងសុខាភិបាលក៏ដូចជាក្រសូងនានារបស់រដ្ឋដែរតែងតែមានសវនកម្មផ្ទៃក្នុង ដើម្បីស៊ើបអង្កេតមើលរឿងហ្នឹង ថា តើបាត់យ៉ាងម៉េច ដាក់ទណ្ឌកម្មយ៉ាងម៉េច? បើខ្លួនថាវាហួសសមត្ថកិច្ចក្នុងការដាក់ទណ្ឌកម្ម នោះបានគេរុញឬប្តឹងទៅឲ្យអង្គភាពប្រឆាំងអំពើពុករលួយ បានគេចាត់វិធានការថែមទៀត។ ប៉ុន្តែមកដល់នេះ យើងអត់ឃើញមានមន្ត្រីណាជាប់គុកផងហ្នឹង គឺវាស្ងាត់ទៅវិញទៅ»។
ជាការឆ្លើយតប លោក ម៉ម ប៊ុនហេង នៅតែបកស្រាយដូចខ្លឹមសារដែលត្រៀមទុកមុនជូនតំណាងរាស្ត្រ ៨១រូបនៅក្នុងសភាដដែល។ លោកបញ្ជាក់ថា ករណីទាំងនេះ ក្រសួងបានធ្វើការជាមួយក្រុមការងារអន្តរក្រសួង និងប្រកាសឲ្យដេញថ្លៃទិញថ្នាំពេទ្យជាសកល។
លោក អេង ឆៃអ៊ាង និងលោក ម៉ម ប៊ុនហេង មិនផ្តល់សម្ភាសន៍ជាមួយអ្នកសារព័ត៌មាន ក្រោយសភាបញ្ចប់ការស្តាប់ចម្លើយបំភ្លឺ នៅថ្ងៃនេះឡើយ។ តែលោក អេង ឆៃអ៊ាង បានសរសេរលើហ្វេសប៊ុកខ្លួនថា ចម្លើយរបស់លោក ម៉ម ប៊ុនហេង មិនបង្ហាញពីការទទួលខុសត្រូវក្នុងឋានៈជារដ្ឋមន្ត្រីទាល់តែសោះ ចំពោះភាពចម្រូងចម្រាសនៃការបាត់លុយមូលនិធិសាកលក្នុងការទិញមុង, ការលក់ឬដោះដូរមន្ទីរពេទ្យ និងមន្ទីរពេទ្យបង្អែក និងការដេញថ្លៃទិញថ្នាំពេទ្យនេះ៕
តបនឹងការកោះហៅឲ្យបំភ្លឺផ្ទាល់មាត់ក្នុងសភាពេញអង្គនៅព្រឹកថ្ងៃទី២៩ ធ្នូនេះ លោក ម៉ម ប៊ុនហេង បានអានចម្លើយចំនួន៩ទំព័រ ដែលមានរយៈពេលជាង ៣០នាទី ឆ្លើយតបសំណួរទាំង១០ របស់តំណាងរាស្ត្រគណបក្សសង្គ្រោះជាតិ។ ទាក់ទងនឹងបញ្ហាប្រើប្រាស់ជំនួយក្នុងការទិញមុងការពារជំងឺគ្រុនចាញ់របស់គម្រោងមូលនិធិសកល(Global Fund)នោះ លោក ម៉ម ប៊ុនហេង បាននិយាយថា ក្រសួងពុំមានកាតព្វកិច្ចដោះស្រាយជាមួយ Global Fund នោះទេ ព្រោះវាជាសមត្ថកិច្ចផ្តាច់មុខរបស់អង្គភាពប្រឆាំងអំពើពុករលួយ ដែលបានធ្វើការជាមួយមូលនិធិសកល ក្នុងការស៊ើបអង្កេតករណីនេះ។
បន្ថែមពីលើនេះការដោះដូរមន្ទីរពេទ្យ និងបញ្ហាផ្សេងទៀត លោក ម៉ម ប៊ុនហេង បានបញ្ជាក់ថា ក្រសួងបានអនុវត្តន៍ដោយតម្លាភាព តាមនីតិវិធីរបស់រដ្ឋ ដោយមានការចូលរួមរបស់គណៈកម្មការអន្តរក្រសួង។ លោក ម៉ម ប៊ុនហេង បានស្នើឲ្យប្តឹងទៅ អង្គភាពប្រឆាំងអំពើពុករលួយ ក្នុងករណីរកឃើញថាមានការដោះដូរ ឃុបឃិត ឬអំពើពុករលួយ។ ករណីផ្សេងៗទៀត លោករដ្ឋមន្ត្រីក៏អះអាងដូចគ្នាថា ក្រសួងបំពេញតាមនីតិវិធីច្បាប់ដែលរដ្ឋមាន។
ប៉ុន្តែការបកស្រាយទាំងអម្បាលម៉ាននេះលោក អេង ឆៃអ៊ាង មិនទាន់ពេញចិត្តនឹងការបំភ្លឺនេះទេ ។ មន្ត្រីជាន់ខ្ពស់គណបក្សប្រឆាំងរូបនេះ បានចោទជាសំនួរថា ហេតុអ្វីបានជាក្រសួងសុខាភិបាលមិនបង្ហាញរបាយការណ៍ចំណាយថវិកាទិញសម្ភារៈ និងការដោះដូរមន្ទីរពេទ្យជាសាធារណៈលើគេហទំព័រ ដើម្បីបង្ហាញភាពស្អាតស្អំ?
លោកឡើងសួរថា៖«មូលនិធិសកលគេអ្នកផ្តល់ជំនួយឲ្យក្រសួងសុខាភិបាលចាត់ចែង ហើយអ្នកធ្វើឲ្យបាត់មូលនិធិ គឺជាមន្ត្រីក្រសួងសុខាភិបាល ដូចនេះក្រសួងសុខាភិបាលក៏ដូចជាក្រសូងនានារបស់រដ្ឋដែរតែងតែមានសវនកម្មផ្ទៃក្នុង ដើម្បីស៊ើបអង្កេតមើលរឿងហ្នឹង ថា តើបាត់យ៉ាងម៉េច ដាក់ទណ្ឌកម្មយ៉ាងម៉េច? បើខ្លួនថាវាហួសសមត្ថកិច្ចក្នុងការដាក់ទណ្ឌកម្ម នោះបានគេរុញឬប្តឹងទៅឲ្យអង្គភាពប្រឆាំងអំពើពុករលួយ បានគេចាត់វិធានការថែមទៀត។ ប៉ុន្តែមកដល់នេះ យើងអត់ឃើញមានមន្ត្រីណាជាប់គុកផងហ្នឹង គឺវាស្ងាត់ទៅវិញទៅ»។
ជាការឆ្លើយតប លោក ម៉ម ប៊ុនហេង នៅតែបកស្រាយដូចខ្លឹមសារដែលត្រៀមទុកមុនជូនតំណាងរាស្ត្រ ៨១រូបនៅក្នុងសភាដដែល។ លោកបញ្ជាក់ថា ករណីទាំងនេះ ក្រសួងបានធ្វើការជាមួយក្រុមការងារអន្តរក្រសួង និងប្រកាសឲ្យដេញថ្លៃទិញថ្នាំពេទ្យជាសកល។
លោក អេង ឆៃអ៊ាង និងលោក ម៉ម ប៊ុនហេង មិនផ្តល់សម្ភាសន៍ជាមួយអ្នកសារព័ត៌មាន ក្រោយសភាបញ្ចប់ការស្តាប់ចម្លើយបំភ្លឺ នៅថ្ងៃនេះឡើយ។ តែលោក អេង ឆៃអ៊ាង បានសរសេរលើហ្វេសប៊ុកខ្លួនថា ចម្លើយរបស់លោក ម៉ម ប៊ុនហេង មិនបង្ហាញពីការទទួលខុសត្រូវក្នុងឋានៈជារដ្ឋមន្ត្រីទាល់តែសោះ ចំពោះភាពចម្រូងចម្រាសនៃការបាត់លុយមូលនិធិសាកលក្នុងការទិញមុង, ការលក់ឬដោះដូរមន្ទីរពេទ្យ និងមន្ទីរពេទ្យបង្អែក និងការដេញថ្លៃទិញថ្នាំពេទ្យនេះ៕
Tag:
អេង ឆៃអ៊ាង
ម៉ម ប៊ុនហេង
សុខាភិបាល
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
