ជាតិ
CNRP អន្តរាគមន៍ទៅក្រសួងចំនួន៣ ដើម្បីរកយុត្តិធម៌ជូនស្ត្រីរកស៊ីផ្លូវភេទ
×![]()
ដោយ: ធឿន បញ្ញាឬទិ្ធ
ភ្នំពេញ៖ គណបក្សសង្គ្រោះជាតិ បានដាក់លិខិត៣ដាច់ដោយឡែកគ្នា ទៅកាន់ក្រសួងពាក់ព័ន្ធរកយុត្តិធម៌ជូនស្ត្រីរកស៊ីផ្លូវម្នាក់ ដែលបានលង់ទឹកស្លាប់កាលពីដើមខែមករា ដោយសាររត់គេចពីការតាមចាប់ខ្លួនរបស់ក្រុមសន្តិសុខខណ្ឌដូនពេញ ដែលលើកហេតុផលរក្សាសណ្ដាប់ធ្នាប់សាធារណៈ ។ គណបក្សសង្គ្រោះជាតិ យល់ឃើញថា ការដេញចាប់ស្ត្រីរកផ្លូវភេទពីសំណាក់សន្តិសុខទាំងនេះ ក៏អាចប្រព្រឹត្តិខុសច្បាប់ដែរ។
លិខិតតំណាងរាស្ត្រគណបក្សសង្គ្រោះជាតិ ដែលប្រធានរដ្ឋសភាសម្ដេច ហេង សំរិន បានពិនិត្យនិងចុះហត្ថលេខានោះគឺស្នើទៅក្រសួងមហាផ្ទៃ ក្រសួងយុត្តិធម៌ និងក្រសួងកិច្ចការនារី ឲ្យជួយរកយុត្តិធម៌ជូនស្ត្រីរងគ្រោះស្លាប់ម្នាក់ឈ្មោះ ប៉ែន សុគន្ធា។
តំណាងរាស្ត្រគណបក្សសង្គ្រោះជាតិ ស្នើឲ្យក្រសួងមហាផ្ទៃ បង្កើតគណៈកម្មការអព្យាក្រឹត្យក្នុងការស៊ើបអង្កេតលើករណីនេះជាបន្ទាន់ ដើម្បីរកយុត្តិធម៌ក្នុងសំណុំរឿងស្ត្រីរងគ្រោះខាងលើនេះ។ ចំណែកលិខិតស្នើទៅក្រសួងយុត្តិធម៌នោះ សុំឲ្យជួយអន្តរាគមន៍ទៅអយ្យការអមសាលាដំបូងរាជធានីភ្នំពេញ កសាងសំណុំរឿង និងឈានទៅដល់ការចោទប្រកាន់ទៅលើក្រុមសន្តិសុខទាំងនោះ ដើម្បីបញ្ចប់វប្បធម៌និទណ្ឌភាពនៅកម្ពុជា ។ ជាពិសេសអំពើហិង្សាដែលប្រព្រឹត្តិដោយក្រុមសន្តិសុខខណ្ឌដូនពេញ ចំពោះពលរដ្ឋកន្លងមក។ សម្រាប់លិខិតផ្ញើទៅក្រសួងកិច្ចការនារីវិញ គណបក្សសង្គ្រោះជាតិ ស្នើឲ្យស្ថាប័នមួយនេះ ជួយអន្តរាគមន៍ក្នុងករណីនេះ ដើម្បីការពារសិទ្ធិ សេចក្ដីថ្លៃថ្នូរនិងតម្លៃរបស់ស្ត្រីទូទៅ ឲ្យចៀសផុតពីអំពើហិង្សា។ ជាពិសេសការគាំពារស្ត្រីរកស៊ីផ្លូវភេទ។
លិខិតគណបក្សសង្គ្រោះជាតិដាក់ទៅក្រសួងពាក់ព័ន្ធទាំង៣នោះ បានសរសេរយ៉ាងដូច្នេះថា៖«ក្នុងសំណុំរឿងព្រហ្មទណ្ឌចាំបាច់ណាស់ត្រូវរកយុត្តិធម៌ជូនអ្នករងគ្រោះ។ បើទោះបីជាករណីនេះមានការសម្របសម្រួលផ្នែកសំណងរដ្ឋប្បវេណីពីក្រុមសន្តិសុខខណ្ឌដូនពេញ និងសាច់ញាតិជនរងគ្រោះហើយក៏ដោយ។ ប៉ុន្តែតាមក្រមនីតិវិធីព្រហ្មទណ្ឌការយល់ព្រមទទួលយកសំណងរដ្ឋប្បវេណី គឺពុំទាន់អនុភាពរំលត់បណ្ដឹងអាជ្ញាឡើយ។ ដូច្នេះក្រុមសន្តិសុខខណ្ឌដូនពេញត្រូវតែមានទោសទៅតាមបញ្ញត្តិច្បាប់ដែលមានចែងក្នុងមាត្រា១៩៩ និងមាត្រា២០០នៃក្រមព្រហ្មទណ្ឌ»។
ស្ត្រីរកស៊ីផ្លូវភេទនាង ប៉ែន សុគន្ធា បានលង់ទឹកស្លាប់កាលពីថ្ងៃទី១ មករា បន្ទាប់ពីរូបនាងបានរត់គេចពីក្រុមសន្តិសុខខណ្ឌដូនពេញ ដែលបាននាំគ្នាតាមចាប់ស្ត្រីរកស៊ីផ្លូវភេទ នៅម្ដុំសួនច្បារខាងក្រោយក្រុមប្រឹក្សាអភិវឌ្ឍកម្ពុជា ក្នុងគោលបំណងរក្សាសណ្ដាប់ធ្នាប់សាធារណៈ។ ដោយសារតែរត់គេចពីការតាមចាប់របស់ក្រុមសន្តិសុខទាំងនោះ នាង ប៉ែន សុគន្ធា បានរត់ឡើងលើទូកទេសចរណ៍មួយ ហើយប្រុងលោតទៅទូកមួយទៀត ទើបបណ្ដាឲ្យនាងដួលរអិលធ្លាក់ចូលទឹក។ ប៉ុន្តែមុនពេលស្ត្រីរកស៊ីផ្លូវភេទរូបនេះលង់ទឹកស្លាប់នោះ ត្រូវបានអ្នកនៅកន្លែងកើតហេតុនិយាយថា ក្រុមសន្តិសុខខណ្ឌដូនពេញ ដែលបានដេញតាមចាប់នាង ហាមមិនឲ្យអ្នកដទៃនៅទីនោះជួយសង្គ្រោះនាង ប៉ែន សុគន្ធា ឡើយ។ ត្រង់ចំណុចនេះ គណបក្សសង្គ្រោះជាតិ យល់ឃើញថា ក្រុមសន្តិសុខទាំងនោះមានចេតនាឲ្យស្ត្រីរកស៊ីផ្លូវភេទខាងលើនេះលង់ទឹកស្លាប់៕
លិខិតតំណាងរាស្ត្រគណបក្សសង្គ្រោះជាតិ ដែលប្រធានរដ្ឋសភាសម្ដេច ហេង សំរិន បានពិនិត្យនិងចុះហត្ថលេខានោះគឺស្នើទៅក្រសួងមហាផ្ទៃ ក្រសួងយុត្តិធម៌ និងក្រសួងកិច្ចការនារី ឲ្យជួយរកយុត្តិធម៌ជូនស្ត្រីរងគ្រោះស្លាប់ម្នាក់ឈ្មោះ ប៉ែន សុគន្ធា។
តំណាងរាស្ត្រគណបក្សសង្គ្រោះជាតិ ស្នើឲ្យក្រសួងមហាផ្ទៃ បង្កើតគណៈកម្មការអព្យាក្រឹត្យក្នុងការស៊ើបអង្កេតលើករណីនេះជាបន្ទាន់ ដើម្បីរកយុត្តិធម៌ក្នុងសំណុំរឿងស្ត្រីរងគ្រោះខាងលើនេះ។ ចំណែកលិខិតស្នើទៅក្រសួងយុត្តិធម៌នោះ សុំឲ្យជួយអន្តរាគមន៍ទៅអយ្យការអមសាលាដំបូងរាជធានីភ្នំពេញ កសាងសំណុំរឿង និងឈានទៅដល់ការចោទប្រកាន់ទៅលើក្រុមសន្តិសុខទាំងនោះ ដើម្បីបញ្ចប់វប្បធម៌និទណ្ឌភាពនៅកម្ពុជា ។ ជាពិសេសអំពើហិង្សាដែលប្រព្រឹត្តិដោយក្រុមសន្តិសុខខណ្ឌដូនពេញ ចំពោះពលរដ្ឋកន្លងមក។ សម្រាប់លិខិតផ្ញើទៅក្រសួងកិច្ចការនារីវិញ គណបក្សសង្គ្រោះជាតិ ស្នើឲ្យស្ថាប័នមួយនេះ ជួយអន្តរាគមន៍ក្នុងករណីនេះ ដើម្បីការពារសិទ្ធិ សេចក្ដីថ្លៃថ្នូរនិងតម្លៃរបស់ស្ត្រីទូទៅ ឲ្យចៀសផុតពីអំពើហិង្សា។ ជាពិសេសការគាំពារស្ត្រីរកស៊ីផ្លូវភេទ។
លិខិតគណបក្សសង្គ្រោះជាតិដាក់ទៅក្រសួងពាក់ព័ន្ធទាំង៣នោះ បានសរសេរយ៉ាងដូច្នេះថា៖«ក្នុងសំណុំរឿងព្រហ្មទណ្ឌចាំបាច់ណាស់ត្រូវរកយុត្តិធម៌ជូនអ្នករងគ្រោះ។ បើទោះបីជាករណីនេះមានការសម្របសម្រួលផ្នែកសំណងរដ្ឋប្បវេណីពីក្រុមសន្តិសុខខណ្ឌដូនពេញ និងសាច់ញាតិជនរងគ្រោះហើយក៏ដោយ។ ប៉ុន្តែតាមក្រមនីតិវិធីព្រហ្មទណ្ឌការយល់ព្រមទទួលយកសំណងរដ្ឋប្បវេណី គឺពុំទាន់អនុភាពរំលត់បណ្ដឹងអាជ្ញាឡើយ។ ដូច្នេះក្រុមសន្តិសុខខណ្ឌដូនពេញត្រូវតែមានទោសទៅតាមបញ្ញត្តិច្បាប់ដែលមានចែងក្នុងមាត្រា១៩៩ និងមាត្រា២០០នៃក្រមព្រហ្មទណ្ឌ»។
ស្ត្រីរកស៊ីផ្លូវភេទនាង ប៉ែន សុគន្ធា បានលង់ទឹកស្លាប់កាលពីថ្ងៃទី១ មករា បន្ទាប់ពីរូបនាងបានរត់គេចពីក្រុមសន្តិសុខខណ្ឌដូនពេញ ដែលបាននាំគ្នាតាមចាប់ស្ត្រីរកស៊ីផ្លូវភេទ នៅម្ដុំសួនច្បារខាងក្រោយក្រុមប្រឹក្សាអភិវឌ្ឍកម្ពុជា ក្នុងគោលបំណងរក្សាសណ្ដាប់ធ្នាប់សាធារណៈ។ ដោយសារតែរត់គេចពីការតាមចាប់របស់ក្រុមសន្តិសុខទាំងនោះ នាង ប៉ែន សុគន្ធា បានរត់ឡើងលើទូកទេសចរណ៍មួយ ហើយប្រុងលោតទៅទូកមួយទៀត ទើបបណ្ដាឲ្យនាងដួលរអិលធ្លាក់ចូលទឹក។ ប៉ុន្តែមុនពេលស្ត្រីរកស៊ីផ្លូវភេទរូបនេះលង់ទឹកស្លាប់នោះ ត្រូវបានអ្នកនៅកន្លែងកើតហេតុនិយាយថា ក្រុមសន្តិសុខខណ្ឌដូនពេញ ដែលបានដេញតាមចាប់នាង ហាមមិនឲ្យអ្នកដទៃនៅទីនោះជួយសង្គ្រោះនាង ប៉ែន សុគន្ធា ឡើយ។ ត្រង់ចំណុចនេះ គណបក្សសង្គ្រោះជាតិ យល់ឃើញថា ក្រុមសន្តិសុខទាំងនោះមានចេតនាឲ្យស្ត្រីរកស៊ីផ្លូវភេទខាងលើនេះលង់ទឹកស្លាប់៕
Tag:
CNRP
ស្ត្រីរកស៊ីផ្លូវភេទ
រដ្ឋសភា
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
