ពីនេះ ពីនោះ
ព័ត៍មានសុខភាព
ទាំងនេះហើយគឺជាអាការៈនៃជំងឺស្ទះពោះវៀន
× ការស្ទះពោះវៀន មានន័យថា ចលនារបស់ពោះវៀនលែងកើតមាន ជាពិសេសវាមិនព្រមបញ្ជូនកាកសំណល់ដែលមានក្នុងពោះវៀនធ្វើដំណើរទៅមុខទៀត។ អាហារ កាកសំណល់ ទឹក អាស៊ីតក្រពះអាចនឹងស្ថិតក្នុងកន្លែងដែលស្ទះនោះ។ បើសិនជាសម្ពាធពីខាងលើមានខ្លាំង ពោះវៀនអាចនឹងធ្លាយរហូតដល់មានផលវិបាកធ្ងន់ធ្ងរ។ ករណីជំងឺមហារីកពោះវៀនធំ រហូតដល់ការវះកាត់ក្នុងពោះ ឬអាងត្រគាកសុទ្ធតែអាចបណ្តាលឲ្យស្ទះពោះវៀនបានទាំងអស់។ ដុំសាច់ក្នុងពោះវៀន ការរួមតូចរបស់ពោះវៀន ការស្ទះពោះវៀនក៏អាចបណ្តាលឲ្យពោះវៀនស្ទះដែ។ យ៉ាងណាមិញ ចំពោះអាការៈរបស់ជំងឺស្ទះពោះវៀនវិញ មានដូចជា៖
ស្រាប់តែឈឺពោះភ្លាមៗ ដែលការឈឺនេះច្រើនតែនៅជុំវិញផ្សិត ឬក្រោមផ្សិត។ ការឈឺនេះមានលក្ខណៈរមួលៗ ម្តងឈឺម្តងបាត់។
ការឈឺចាប់កើតឡើងជាមួយការក្អួត។ ចំពោះក្មេងវិញ កំអួតអាចមានពណ៌បៃតងលឿងខ្ចី។
ហើមពោះ
ចង្អោ
ទល់លាមក
តឹងក្នុងពោះ
រាករូសបើសិនជាស្ទះតិចតួច
ធ្លាប់មានប្រវត្តិវះកាត់ពោះពីមុន
ពេលដែលត្រូវជួបពេទ្យ
បើសិនជាអាការៈទាំងអស់ខាងលើកើតឡើងជាប់យូរជាង មួយសប្តាហ៍ ចូរពិគ្រោះជាមួយគ្រូពេទ្យភ្លាមៗ។ បើសិនជាការឈឺចាប់មានលក្ខណៈធ្ងន់ធ្ងរ និងកើតឡើងជាមួយការក្អួត ក៏ត្រូវទៅជួបពេទ្យភ្លាមដែរ។ អ្នកជំងឺបែបនេះនឹងអាចត្រូវធ្វើតេស្តឈាម ថតកាំរស្មីអ៊ិចនៅពោះ និងស្គេនពោះ ព្រមទាំងឆ្លុះពោះវៀនទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com