អន្តរជាតិ
មហាយក្សចិនបង្ហាញគម្រោងសង់នាវាដឹកយន្តហោះទី ៣ ដែលមានសមត្ថភាពខ្លាំងជាងមុន
×![]()
ដោយ: ថ្មីៗ
ក្រសួងការពារជាតិចិនបានបង្ហាញផែនការសាងសង់នាវាដឹកយន្តហោះចម្បាំងទី ៣ ដែលមានការកែសម្រួលនិងបំពាក់បច្ចេកវិទ្យាទំនើបជាងនាវាមុនៗ។ ការបន្តសាងសង់នាវាដឹកយន្តហោះនេះជាផ្នែកមួយនៃគោលនយោបាយទំនើបកម្មយោធាចិនជាពិសេសពង្រឹងអំណាចទ័ពជើងទឹកតែម្តង។ យ៉ាងណាក៏ដោយ នាវាដឹកយន្តហោះថ្មីដែលត្រូវផលិតក្នុងស្រុកនេះនៅប្រឈមបញ្ហាច្រើន និងមិនទាន់អាចបំពាក់បច្ចេកវិទ្យាទំនើបដូចនាវាអាមេរិកឡើយ ហើយអ្វីដែលគួរឲ្យកត់សម្គាល់ចិនចម្លងពីគេច្រើនដែរក្នុងគម្រោងសាងសង់នាវានេះ។
សូមស្តាប់ការបកស្រាយរបស់លោក សៅ ផលនិស្ស័យ៖
សារព័ត៌មានចិន South China Morning Post បានផ្សាយពីគម្រោងសាងសង់នាវាដឹកយន្តហោះមួយទៀតរបស់ចិនកាលពីថ្មីៗកន្លងទៅនេះ។ នាវាថ្មីដែលគេមិនទាន់ដាក់ឈ្មោះនេះ នឹងក្លាយជានាវាដឹកយន្តហោះទីបីរបស់ចិន និងជានាវាទីពីរ ដែលចិនសម្រេចផលិតឡើងដោយខ្លួនឯង។
យោងតាមប្រភពយោធាដែលស្រង់សម្តីដោយសារព័ត៌មានចិនខាងលើ នាវាដឹកយន្តហោះទីបីនេះនឹងមានកែលម្អនិងបំពាក់បច្ចេកវិទ្យាទំនើបច្រើនដើម្បីសម្រួលដល់ការបំពេញប្រតិបត្តិការ។ ប៉ុន្តែអ្វីដែលគួរឲ្យចាប់អារម្មណ៍នោះ កងទ័ពរំដោះប្រជាជនចិនមិនទាន់អាចបំពាក់បច្ចេកវិទ្យាទំនើបសម្រួលការហោះឡើងនៃយន្តហោះចម្បាំង ដោយប្រព័ន្ធ«អេឡិចត្រូម៉ាញេទិច»ឡើយ។
ត្រឡប់មកវិញ នាវាដឹកយន្តហោះថ្មីទីបីរបស់ចិន នឹងមានទម្ងន់ធ្ងន់រហូតដល់ ៨៥០០០តោន និងទទួលបានការកែលម្អមួយចំនួនដួចជា ការផ្លាស់ប្តូរបច្ចេកវិទ្យាសម្រាប់សម្រួលដល់ការហោះឡើងនៃយន្តហោះម្បាំង ដែលខុសពីនាវាពីរមុនមានដូចជានាវា Liaoning និងនាវា Shandong។
តាមប្រភពយោធាដដែល នាវាទីបី នឹងមានបំពាក់បច្ចេកវិទ្យាសម្រួលឲ្យយន្តហោះហោះឡើង បានងាយ ឬជួយរុញល្បឿនយន្តហោះពេលហោះឡើង(catapult-assisted take-off)។ នៅពេលបំពាក់ប្រព័ន្ធនេះ យន្តហោះចម្បាំងដែលនៅលើនាវាអាចផ្ទុកគ្រាប់បានច្រើនជាងមុន និងអាចហោះហើរបានឆ្ងាយជាងមុនក្នុងពេលបំពេញប្រតិបត្តិការសឹកថែមទៀតផង។ សួម្បីតែ នាវាដឹកយន្តហោះចម្បាំងអាមេរិក ១០គ្រឿងសុទ្ធតែប្រើប្រាស់ប្រព័ន្ធនេះទាំងអស់។
បើប្រៀបធៀបគ្នាជាមួយនាវាទីបីនេះ Liaoning និង Shandong មានត្រឹមផ្លូវសម្រាប់យន្តហោះដែលខ្លី (short take off) និង មានរាងផ្លូវកោងនៅខាងមុខ។ ប៉ុន្តែនាវាប្រភេទនេះរើសប្រភេទយន្តហោះចម្បាំងដែលខ្លួនអាចផ្ទុកបានបន្តិច ហើយយន្តហោះចម្បាំងទាំងនោះចាំបាច់ត្រូវមានទម្ងន់ស្រាលដើម្បីអាចហោះហើរបាន។
យន្តហោះចម្បាំងខ្លះដូចជា J-15, Mig-29K និង Su-33 ពឹងផ្អែកសំខាន់លើម៉ាស៊ីនយន្តហោះផ្ទាល់ដើម្បីបង្កើនល្បឿនសម្រាប់ហោះហើរលើផ្លូវរត់ដែលខ្លី។ ប៉ុន្តែជាធម្មតា តាមលក្ខណៈបច្ចេកទេស យន្តហោះត្រូវហោះហើរត្រូវបន្ថយបរិមាណប្រេង និង ចំនួនគ្រាប់ដែលខ្លួនអាចផ្ទុកបានដើម្បីឲ្យវាស្រាលស្រួលហោះហើរ។ ដូច្នេះហើយ សមត្ថភាពប្រយុទ្ធក៏ថមថយទៅតាមនោះដែរ ព្រោះវាអាចហោះហើរបានរយៈពេលខ្លី និង មានអាវុធសម្រាប់វាយប្រហារតិចតួចប៉ុណ្ណោះ។
យ៉ាងណាក៏ដោយចុះ ការផ្លាស់ប្តូរបច្ចេកវិទ្យាថ្មីលើនាវាដឹកយន្តហោះចម្បាំងនេះនឹងបង្កការលំបាកច្រើនដែរដល់កងទ័ពចិនដែរ។ កន្លងមក វាមានការវាយតម្លៃផងដែរថា ចិនកំពុងស្វះស្វែងស្រាវជ្រាវនាវាដឹកយន្តហោះប្រភេទថ្មីដែលមានបច្ចេកវិទ្យាខ្ពស់ ដែលដំណើរការដោយថាមពលនុយក្លេអ៊ែរ និងបំពាក់ដោយប្រព័ន្ធអេឡិចត្រូវម៉ាញេទិចសម្រួលដល់ការហោះឡើងនៃយន្តហោះទៀត។ ប៉ុន្តែចិនមិនទាន់អាចធ្វើបានឡើយ។ វាអាចថា ចិនមិនទាន់មានសមត្ថភាពខ្ពស់នៅឡើយ ព្រោះមហាអំណាចនេះទើបចាប់ផ្តើមផលិតនាវាប្រភេទនេះខ្លួនឯងប៉ុន្មានឆ្នាំប៉ុណ្ណោះ។ ហើយមួយទៀតមហាអំណាចជាន់ថ្មីនេះ ចម្លងយកពីគេទាំងស្រុងដើម្បីយកមកប្រើប្រាស់។ ដូចឃើញស្រាប់ហើយ នាវាទីមួយ Liaoning។ Liaoning នេះមិនមែនជានាវាផលិតក្នុងស្រុកទេ តែវាជាប្រភេទនាវាផលិតដោយសហភាពសូវៀតមានទម្ងន់ ៦ម៉ឺនតោន ដែលចិនបានទិញមកពីអ៊ុយក្រែនកាលពីឆ្នាំ១៩៩៨។ ហើយចិនបានកែលម្អនិងច្នៃឡើងវិញសម្រាប់ប្រើប្រាស់ក្នុងវិស័យយោធាខ្លួន។ រហូតដល់ឆ្នាំ ២០១២ នាវាដឹកយន្តហោះនេះត្រូវបានគេដាក់ឲ្យដំណើរការជាផ្លូវការតែម្តង។
យោងតាមសារព័ត៌មានចិន South China Morning Post ដដែល វាត្រូវការពេលវេលាពីរឬបីឆ្នាំទៀតក្រោយការសាងសង់រួចរាល់ ទម្រាំនាវាដឹកយន្តហោះថ្មីនេះអាចចូលបម្រើកងទ័ពចិនបានពេញលេញ។ វាត្រូវការពេលវេលាច្រើនដើម្បីផ្តល់ការហ្វឹកហ្វឺនឲ្យបានត្រឹមត្រូវដល់អ្នកបើកនាវា, អ្នកបើកយន្តហោះ និងបុគ្គលិកបម្រើការងារលើនាវាផង។ គេរំពឹងថា នាវាទីបីនេះនឹងចេញរូបរាងឡើងជាផ្លូវការនៅឆ្នាំ ២០២១ ឯណោះ។
ត្រឡប់មកវិញ ការសង់នាវាដឹកយន្តហោះបន្ថែមនេះ ជាផ្នែកមួយនៃយុទ្ធសាស្ត្រពង្រឹងអំណាចយោធារបស់ខ្លួនជាពិសេសអំណាចកងទ័ពជើងទឹកតែម្តង ស្របពេលដែលមហាអំណាចនេះប្រឈមបញ្ហាសន្តិសុខច្រើននិងមានជម្លោះជាមួយបណ្តារដ្ឋដទៃក្នុងបញ្ហាសមុទ្រចិនខាងត្បូងផង។ ពេលចិនមាននាវាដឹកយន្តហោះចម្បាំងច្រើន វានឹងជួយពង្រឹងយុទ្ធសាស្ត្រយោធានិងសម្រួលដល់ការប្រតិបត្តិការយោធារបស់ខ្លួនក្នុងកាលៈទេសៈចាំបាច់ ក៏ដូចជាដើម្បី ការពារប្រយោជន៍របស់ខ្លួននៅបរទេសផង។
កន្លងមក អ្នកជំនាញបានវាយតម្លៃថា ចិនគួរតែមាននាវាផ្ទុកយន្តហោះចំនួន ៤ គ្រឿងយ៉ាងតិច។ ប្រសិនបើចិនមាននាវាដឹកយន្តហោះចម្បាំងចំនួនបួនគ្រឿង ចិនអាចប្រើប្រាស់វាដើម្បីបំពេញប្រតិបត្តិការនិងពង្រឹងអំណាចយោធារបស់ខ្លួនបានល្អប្រសើរជាងមុនឆ្ងាយ៕
សូមស្តាប់ការបកស្រាយរបស់លោក សៅ ផលនិស្ស័យ៖
សារព័ត៌មានចិន South China Morning Post បានផ្សាយពីគម្រោងសាងសង់នាវាដឹកយន្តហោះមួយទៀតរបស់ចិនកាលពីថ្មីៗកន្លងទៅនេះ។ នាវាថ្មីដែលគេមិនទាន់ដាក់ឈ្មោះនេះ នឹងក្លាយជានាវាដឹកយន្តហោះទីបីរបស់ចិន និងជានាវាទីពីរ ដែលចិនសម្រេចផលិតឡើងដោយខ្លួនឯង។
យោងតាមប្រភពយោធាដែលស្រង់សម្តីដោយសារព័ត៌មានចិនខាងលើ នាវាដឹកយន្តហោះទីបីនេះនឹងមានកែលម្អនិងបំពាក់បច្ចេកវិទ្យាទំនើបច្រើនដើម្បីសម្រួលដល់ការបំពេញប្រតិបត្តិការ។ ប៉ុន្តែអ្វីដែលគួរឲ្យចាប់អារម្មណ៍នោះ កងទ័ពរំដោះប្រជាជនចិនមិនទាន់អាចបំពាក់បច្ចេកវិទ្យាទំនើបសម្រួលការហោះឡើងនៃយន្តហោះចម្បាំង ដោយប្រព័ន្ធ«អេឡិចត្រូម៉ាញេទិច»ឡើយ។
ត្រឡប់មកវិញ នាវាដឹកយន្តហោះថ្មីទីបីរបស់ចិន នឹងមានទម្ងន់ធ្ងន់រហូតដល់ ៨៥០០០តោន និងទទួលបានការកែលម្អមួយចំនួនដួចជា ការផ្លាស់ប្តូរបច្ចេកវិទ្យាសម្រាប់សម្រួលដល់ការហោះឡើងនៃយន្តហោះម្បាំង ដែលខុសពីនាវាពីរមុនមានដូចជានាវា Liaoning និងនាវា Shandong។
តាមប្រភពយោធាដដែល នាវាទីបី នឹងមានបំពាក់បច្ចេកវិទ្យាសម្រួលឲ្យយន្តហោះហោះឡើង បានងាយ ឬជួយរុញល្បឿនយន្តហោះពេលហោះឡើង(catapult-assisted take-off)។ នៅពេលបំពាក់ប្រព័ន្ធនេះ យន្តហោះចម្បាំងដែលនៅលើនាវាអាចផ្ទុកគ្រាប់បានច្រើនជាងមុន និងអាចហោះហើរបានឆ្ងាយជាងមុនក្នុងពេលបំពេញប្រតិបត្តិការសឹកថែមទៀតផង។ សួម្បីតែ នាវាដឹកយន្តហោះចម្បាំងអាមេរិក ១០គ្រឿងសុទ្ធតែប្រើប្រាស់ប្រព័ន្ធនេះទាំងអស់។
បើប្រៀបធៀបគ្នាជាមួយនាវាទីបីនេះ Liaoning និង Shandong មានត្រឹមផ្លូវសម្រាប់យន្តហោះដែលខ្លី (short take off) និង មានរាងផ្លូវកោងនៅខាងមុខ។ ប៉ុន្តែនាវាប្រភេទនេះរើសប្រភេទយន្តហោះចម្បាំងដែលខ្លួនអាចផ្ទុកបានបន្តិច ហើយយន្តហោះចម្បាំងទាំងនោះចាំបាច់ត្រូវមានទម្ងន់ស្រាលដើម្បីអាចហោះហើរបាន។
យន្តហោះចម្បាំងខ្លះដូចជា J-15, Mig-29K និង Su-33 ពឹងផ្អែកសំខាន់លើម៉ាស៊ីនយន្តហោះផ្ទាល់ដើម្បីបង្កើនល្បឿនសម្រាប់ហោះហើរលើផ្លូវរត់ដែលខ្លី។ ប៉ុន្តែជាធម្មតា តាមលក្ខណៈបច្ចេកទេស យន្តហោះត្រូវហោះហើរត្រូវបន្ថយបរិមាណប្រេង និង ចំនួនគ្រាប់ដែលខ្លួនអាចផ្ទុកបានដើម្បីឲ្យវាស្រាលស្រួលហោះហើរ។ ដូច្នេះហើយ សមត្ថភាពប្រយុទ្ធក៏ថមថយទៅតាមនោះដែរ ព្រោះវាអាចហោះហើរបានរយៈពេលខ្លី និង មានអាវុធសម្រាប់វាយប្រហារតិចតួចប៉ុណ្ណោះ។
យ៉ាងណាក៏ដោយចុះ ការផ្លាស់ប្តូរបច្ចេកវិទ្យាថ្មីលើនាវាដឹកយន្តហោះចម្បាំងនេះនឹងបង្កការលំបាកច្រើនដែរដល់កងទ័ពចិនដែរ។ កន្លងមក វាមានការវាយតម្លៃផងដែរថា ចិនកំពុងស្វះស្វែងស្រាវជ្រាវនាវាដឹកយន្តហោះប្រភេទថ្មីដែលមានបច្ចេកវិទ្យាខ្ពស់ ដែលដំណើរការដោយថាមពលនុយក្លេអ៊ែរ និងបំពាក់ដោយប្រព័ន្ធអេឡិចត្រូវម៉ាញេទិចសម្រួលដល់ការហោះឡើងនៃយន្តហោះទៀត។ ប៉ុន្តែចិនមិនទាន់អាចធ្វើបានឡើយ។ វាអាចថា ចិនមិនទាន់មានសមត្ថភាពខ្ពស់នៅឡើយ ព្រោះមហាអំណាចនេះទើបចាប់ផ្តើមផលិតនាវាប្រភេទនេះខ្លួនឯងប៉ុន្មានឆ្នាំប៉ុណ្ណោះ។ ហើយមួយទៀតមហាអំណាចជាន់ថ្មីនេះ ចម្លងយកពីគេទាំងស្រុងដើម្បីយកមកប្រើប្រាស់។ ដូចឃើញស្រាប់ហើយ នាវាទីមួយ Liaoning។ Liaoning នេះមិនមែនជានាវាផលិតក្នុងស្រុកទេ តែវាជាប្រភេទនាវាផលិតដោយសហភាពសូវៀតមានទម្ងន់ ៦ម៉ឺនតោន ដែលចិនបានទិញមកពីអ៊ុយក្រែនកាលពីឆ្នាំ១៩៩៨។ ហើយចិនបានកែលម្អនិងច្នៃឡើងវិញសម្រាប់ប្រើប្រាស់ក្នុងវិស័យយោធាខ្លួន។ រហូតដល់ឆ្នាំ ២០១២ នាវាដឹកយន្តហោះនេះត្រូវបានគេដាក់ឲ្យដំណើរការជាផ្លូវការតែម្តង។
យោងតាមសារព័ត៌មានចិន South China Morning Post ដដែល វាត្រូវការពេលវេលាពីរឬបីឆ្នាំទៀតក្រោយការសាងសង់រួចរាល់ ទម្រាំនាវាដឹកយន្តហោះថ្មីនេះអាចចូលបម្រើកងទ័ពចិនបានពេញលេញ។ វាត្រូវការពេលវេលាច្រើនដើម្បីផ្តល់ការហ្វឹកហ្វឺនឲ្យបានត្រឹមត្រូវដល់អ្នកបើកនាវា, អ្នកបើកយន្តហោះ និងបុគ្គលិកបម្រើការងារលើនាវាផង។ គេរំពឹងថា នាវាទីបីនេះនឹងចេញរូបរាងឡើងជាផ្លូវការនៅឆ្នាំ ២០២១ ឯណោះ។
ត្រឡប់មកវិញ ការសង់នាវាដឹកយន្តហោះបន្ថែមនេះ ជាផ្នែកមួយនៃយុទ្ធសាស្ត្រពង្រឹងអំណាចយោធារបស់ខ្លួនជាពិសេសអំណាចកងទ័ពជើងទឹកតែម្តង ស្របពេលដែលមហាអំណាចនេះប្រឈមបញ្ហាសន្តិសុខច្រើននិងមានជម្លោះជាមួយបណ្តារដ្ឋដទៃក្នុងបញ្ហាសមុទ្រចិនខាងត្បូងផង។ ពេលចិនមាននាវាដឹកយន្តហោះចម្បាំងច្រើន វានឹងជួយពង្រឹងយុទ្ធសាស្ត្រយោធានិងសម្រួលដល់ការប្រតិបត្តិការយោធារបស់ខ្លួនក្នុងកាលៈទេសៈចាំបាច់ ក៏ដូចជាដើម្បី ការពារប្រយោជន៍របស់ខ្លួននៅបរទេសផង។
កន្លងមក អ្នកជំនាញបានវាយតម្លៃថា ចិនគួរតែមាននាវាផ្ទុកយន្តហោះចំនួន ៤ គ្រឿងយ៉ាងតិច។ ប្រសិនបើចិនមាននាវាដឹកយន្តហោះចម្បាំងចំនួនបួនគ្រឿង ចិនអាចប្រើប្រាស់វាដើម្បីបំពេញប្រតិបត្តិការនិងពង្រឹងអំណាចយោធារបស់ខ្លួនបានល្អប្រសើរជាងមុនឆ្ងាយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
