ស្តេចហូឡង់អញ្ជើញអ្នកកើតថ្ងៃទី២៧ ខែមេសា ១៥០នាក់ចូលរួមព្រះរាជពិធីចម្រើនព្រះជន្ម

អន្តរជាតិ

ស្តេចហូឡង់អញ្ជើញអ្នកកើតថ្ងៃទី២៧ ខែមេសា ១៥០នាក់ចូលរួមព្រះរាជពិធីចម្រើនព្រះជន្ម

25, Feb 2017 , 7:59 pm

រូបភាព

ដោយ: ធីតា

អ្នកដែលកើតនៅថ្ងៃទី២៧ ខែមេសា និងមានលំនៅដ្ឋាននៅក្នុងប្រទេសហូឡង់ អាចមានឱកាសចូលរួមក្នុងព្រះរាជពិធីចម្រើនព្រះជន្ម៥០ព្រះវស្សារបស់ព្រះមហាក្សត្រ Willem-Alexander។ នេះជាការសម្រេចព្រះទ័យរបស់ស្តេចហូឡង់ ដោយព្រះអង្គ នឹងអញ្ជើញភ្ញៀវពិសេសដែលមានចំនួន១៥០រូប ចូលរួមអបអរព្រះរាជពិធីក្នុងព្រះរាជវាំងនៅទីក្រុងអាំស្ទែរដាម។

កាលពីថ្ងៃទី២០ ខែកុម្ភៈ ព្រះរាជនៃប្រទេសហូឡង់ បានប្រកាសអញ្ជើញមនុស្ស១៥០នាក់ ដើម្បីចូលរួមអបអរព្រះរាជពិធីចម្រើនព្រះជន្មព្រះមហាក្សត្រ Willem-Alexander ដែលឈានដល់៥០ព្រះវស្សា។ ទោះបីជាយ៉ាងណាក៏ដោយ ការអញ្ជើញនេះ មិនសូវជាទូលំទូលាយនោះឡើយ ដោយអ្នកទាំងនោះត្រូវមានលក្ខខណ្ឌសំខាន់ៗ២គឺ ត្រូវតែជាអ្នកដែលមានកំណើតនៅថ្ងៃទី២៧ ខែមេសា ដូចព្រះអង្គ និងជាអ្នកដែលរស់នៅហូឡង់អស់រយៈពេលជាង២០ឆ្នាំ។

បើតាមសេចក្តីប្រកាសព័ត៌មានដែលដកស្រង់ដោយទីភ្នាក់ងារព័ត៌មាន AFP ពិធីចាប់ឆ្នោតនឹងប្រព្រឹត្តទៅនៅថ្ងៃទី៣ ខែមិនា ក្នុងករណី មានបេក្ខជនច្រើន។ អ្នកមានឈ្មោះ មានវាសនាខ្ពស់បរិភោគអាហារពេលល្ងាចជាមួយព្រះមហាក្សត្រ Willem-Alexander និងមហាក្សត្រី Maxima នៅព្រះបរមរាជវាំងនាថ្ងៃទី២៨ ខែមេសា។

ថ្ងៃទី២៧ ខែមេសា គឺជាថ្ងៃឈប់សម្រាកនៅក្នុងប្រទេសហូឡង់ ដើម្បីអបអរព្រះរាជពិធីចម្រើនព្រះជន្មព្រះមហាក្សត្រ។ នាឱកាសនោះ ជនជាតិហូឡង់និយមនាំគ្នាស្លៀកពាក់ពណ៌ក្រូច។ ឆ្នាំនេះជាឆ្នាំពិសេសដែលចែកដាក់នឹង៥ ព្រះបរមរាជវាំងនឹងបើកសម្រាប់សាធារណជនក្នុងអំឡុងពេល៥០ម៉ោង៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

1 សប្តាហ៍

«ប្រទានកម្ម»មានន័យដូចម្តេច?

2 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

3 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

4 ថ្ងៃ

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

1 សប្តាហ៍

អត្ថបទពេញនិយមបន្ថែម