អន្តរជាតិ
ប្រជាជនរុស្ស៊ីបាតុកម្មរម្លឹកខួបពីរឆ្នាំនៃការសម្លាប់គូបដិបក្ខរបស់លោក ពូទីន
×![]()
ដោយ: ថ្មីៗ
ថ្ងៃអាទិត្យទី ២៦ កុម្ភៈ ប្រជាជនរុស្ស៊ីរាប់ពាន់នាក់បានប្រមូលផ្តុំគ្នានៅកណ្តាលរដ្ឋធានីមូស្គូ មុនការប្រារព្ធខួបពីរឆ្នាំនៃការធ្វើឃាតមេដឹកនាំប្រឆាំងរបបក្រេមឡាំងលោក Boris Nemtsov មកដល់។ មកទល់ពេលនេះជនដែលនៅពីក្រោយការបញ្ជាឲ្យសម្លាប់លោក មិនទាន់ត្រូវបានគេរកឃើញនៅឡើយទេ។
មួយថ្ងៃមុនខួបពីរឆ្នាំនៃការស្លាប់របស់មេដឹកនាំប្រឆាំងលោក Boris Nemtsov ជាគូបដិបក្ខរបស់លោក វ្ល៉ាឌីមៀ ពូទីន នឹងមកដល់ គេឃើញមានវត្តមានប្រជាជនរុស្ស៊ីរាប់ពាន់នាក់ប្រមូលផ្តុំគ្នានៅក្រុងមូស្គូនា ដើម្បីរំលឹកពីការចងចាំនិងសម្តែងមរណៈទុក្ខចំពោះលោកផង។
លោក Boris Nemtsov ត្រូវបានខ្មាន់កាំភ្លើងបាញ់ស្លាប់នៅក្បែរវិមានក្រេមឡាំងនាថ្ងៃ ២៧កុម្ភៈឆ្នាំ២០១៥ នៅពេលដែលលោកមានវ័យ ៥៥ឆ្នាំ។ លោកត្រូវបានគេស្គាល់ថាច្បាស់ថា ជាអតីតឧបនាយករដ្ឋមន្ត្រីផង និងជាអ្នកនយោបាយម្នាក់ដែលហ៊ានចេញមុខរិះគន់លោក វ្ល៉ាឌីមៀ ពូទីន ឥតមានខ្លាចរអាដូចគ្នាដែរ។
យោងតាមទីភ្នាក់ងារព័ត៌មាន AFP រយៈពេលពីរឆ្នាំមកហើយនេះ អាជ្ញាធរមិនទាន់អាចកំណត់បានអត្តសញ្ញាណនៃមេខ្លោងដែលបញ្ជាឲ្យគេសម្លាប់លោក Nemtsov ឡើយ។ មានតែជនជាតិ Chechen ៥នាក់ប៉ុណ្ណោះដែលមកពីតំបន់ Caucasus ភាគខាងជើងត្រូវបានគេចាប់ខ្លួននិងយកមកផ្តន្ទាទោសដោយពួកគេត្រូវបានគេជួលឲ្យសម្លាប់មនុស្សនោះ។
មនុស្សដែលចូលរួមក្នុងការជួបជុំហែរក្បួននេះមានប្រហែល ១៥០០០នាក់ ហើយការជួបជុំនេះត្រូវបានអាជ្ញាធរអនុញ្ញាតឲ្យមានការរៀបចំត្រឹមត្រូវ។ គេឃើញមានវត្តមានក្រុមកងសន្តិសុខ ជាច្រើនសន្ធឹកសន្ធាប់អមដំណើរក្រុមបាតុករ។ អ្នកចូលរួមបានកាន់ទង់ជាតិរុស្ស៊ី និងពាក្យស្លោកមួយចំនួនដែលរិះគន់រដ្ឋាបាភិបាលក្រេមឡាំងដែលអន្តរាគមន៍ក្នុងបញ្ហាអ៊ុយក្រែនដែលវាជាអ្វីដែលលោក Nemtsov ធ្លាប់ជំទាស់តែពីមុនគេធ្វើឃាតទៀត។
អ្នកចូលរួមការដើរក្បួន បានអះអាងប្រាប់សារព័ត៌មានថា ពួករៀបចំការជួបជុំនេះដើម្បីប្រាប់អាជ្ញាធរថា ពួកគេមិនភ្លេចឡើយព្រឹត្តិការណ៍នេះ ហើយពួកគេទាមទារឲ្យអាជ្ញាធរវែកមុខអ្នកបញ្ជាឲ្យសម្លាប់លោក Nemtsov ឲ្យឃើញវិញ។
ពាក់ព័ន្ធការស៊ើបអង្កេតការធ្វើឃាតនេះ អាជ្ញាធរបានអះអាងថា ការស៊ើបអង្កេតរកឃើញថា ជនទាំងប្រាំអ្នកដែលត្រូវបានតុលាការកាត់ទោសនោះបានលុយ ១៥លាន រូប (២៥ម៉ឺនដុល្លារ) សម្រាប់ការសម្លាប់លោក Nemtsov ហើយសំណុំរឿងនេះដោះស្រាយចប់សព្វគ្រប់ហើយ។ ប៉ុន្តែក្រុមគ្រួសារជនរងគ្រោះនិងក្រុមអ្នកគាំទ្រអះអាងថា សំណុំរឿងនេះមិនទាន់ចប់ទេ ព្រោះគេមិនបានវែកមុខជនដែលបញ្ជាឲ្យមានករណីឃាតកម្មនេះ៕
មួយថ្ងៃមុនខួបពីរឆ្នាំនៃការស្លាប់របស់មេដឹកនាំប្រឆាំងលោក Boris Nemtsov ជាគូបដិបក្ខរបស់លោក វ្ល៉ាឌីមៀ ពូទីន នឹងមកដល់ គេឃើញមានវត្តមានប្រជាជនរុស្ស៊ីរាប់ពាន់នាក់ប្រមូលផ្តុំគ្នានៅក្រុងមូស្គូនា ដើម្បីរំលឹកពីការចងចាំនិងសម្តែងមរណៈទុក្ខចំពោះលោកផង។
លោក Boris Nemtsov ត្រូវបានខ្មាន់កាំភ្លើងបាញ់ស្លាប់នៅក្បែរវិមានក្រេមឡាំងនាថ្ងៃ ២៧កុម្ភៈឆ្នាំ២០១៥ នៅពេលដែលលោកមានវ័យ ៥៥ឆ្នាំ។ លោកត្រូវបានគេស្គាល់ថាច្បាស់ថា ជាអតីតឧបនាយករដ្ឋមន្ត្រីផង និងជាអ្នកនយោបាយម្នាក់ដែលហ៊ានចេញមុខរិះគន់លោក វ្ល៉ាឌីមៀ ពូទីន ឥតមានខ្លាចរអាដូចគ្នាដែរ។
យោងតាមទីភ្នាក់ងារព័ត៌មាន AFP រយៈពេលពីរឆ្នាំមកហើយនេះ អាជ្ញាធរមិនទាន់អាចកំណត់បានអត្តសញ្ញាណនៃមេខ្លោងដែលបញ្ជាឲ្យគេសម្លាប់លោក Nemtsov ឡើយ។ មានតែជនជាតិ Chechen ៥នាក់ប៉ុណ្ណោះដែលមកពីតំបន់ Caucasus ភាគខាងជើងត្រូវបានគេចាប់ខ្លួននិងយកមកផ្តន្ទាទោសដោយពួកគេត្រូវបានគេជួលឲ្យសម្លាប់មនុស្សនោះ។
មនុស្សដែលចូលរួមក្នុងការជួបជុំហែរក្បួននេះមានប្រហែល ១៥០០០នាក់ ហើយការជួបជុំនេះត្រូវបានអាជ្ញាធរអនុញ្ញាតឲ្យមានការរៀបចំត្រឹមត្រូវ។ គេឃើញមានវត្តមានក្រុមកងសន្តិសុខ ជាច្រើនសន្ធឹកសន្ធាប់អមដំណើរក្រុមបាតុករ។ អ្នកចូលរួមបានកាន់ទង់ជាតិរុស្ស៊ី និងពាក្យស្លោកមួយចំនួនដែលរិះគន់រដ្ឋាបាភិបាលក្រេមឡាំងដែលអន្តរាគមន៍ក្នុងបញ្ហាអ៊ុយក្រែនដែលវាជាអ្វីដែលលោក Nemtsov ធ្លាប់ជំទាស់តែពីមុនគេធ្វើឃាតទៀត។
អ្នកចូលរួមការដើរក្បួន បានអះអាងប្រាប់សារព័ត៌មានថា ពួករៀបចំការជួបជុំនេះដើម្បីប្រាប់អាជ្ញាធរថា ពួកគេមិនភ្លេចឡើយព្រឹត្តិការណ៍នេះ ហើយពួកគេទាមទារឲ្យអាជ្ញាធរវែកមុខអ្នកបញ្ជាឲ្យសម្លាប់លោក Nemtsov ឲ្យឃើញវិញ។
ពាក់ព័ន្ធការស៊ើបអង្កេតការធ្វើឃាតនេះ អាជ្ញាធរបានអះអាងថា ការស៊ើបអង្កេតរកឃើញថា ជនទាំងប្រាំអ្នកដែលត្រូវបានតុលាការកាត់ទោសនោះបានលុយ ១៥លាន រូប (២៥ម៉ឺនដុល្លារ) សម្រាប់ការសម្លាប់លោក Nemtsov ហើយសំណុំរឿងនេះដោះស្រាយចប់សព្វគ្រប់ហើយ។ ប៉ុន្តែក្រុមគ្រួសារជនរងគ្រោះនិងក្រុមអ្នកគាំទ្រអះអាងថា សំណុំរឿងនេះមិនទាន់ចប់ទេ ព្រោះគេមិនបានវែកមុខជនដែលបញ្ជាឲ្យមានករណីឃាតកម្មនេះ៕
Tag:
Boris Nemtsov
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
