អន្តរជាតិ
ប៉ូលិសហ្វីលីពីនត្រៀមប្រយុទ្ធក្នុងសង្គ្រាមគ្រឿងញៀនម្ដងទៀត ដ្បិតជំនួញគ្រឿងញៀនកក្រើកឡើងវិញ
×![]()
ដោយ: តន ចាន់រិទ្ធារ៉ា
មេប៉ូលិសជាតិហ្វីលីពីន Ronald dela Rosa បានប្រកាសថា ប៉ូលិសនឹងហក់ចូលក្នុងយុទ្ធនាការបង្ក្រាបគ្រឿងញៀនម្ដងទៀត បន្ទាប់ពីអាក់ខានមួយរយៈក្រោយប្រធានាធិបតី Rodrigo Duterte បញ្ជាឲ្យផ្អាកដោយសាររឿងពុករលួយ។ បើតាមលោក Rosa ការចូលរួមក្នុងយុទ្ធនាការបង្ក្រាបគ្រឿង ញៀនម្ដងទៀត ធ្វើឡើងស្របពេលដែលជំនួញគ្រឿងញៀនកើនឡើងវិញអំឡុងពេលអវត្តមានរបស់ប៉ូលិស។
«យើងត្រៀមខ្លួនរួចរាល់ហើយដើម្បីត្រឡប់ទៅធ្វើសង្គ្រាមវិញ នៅពេលទទួលបានបញ្ជាពីប្រធានាធិបតី។ បើយើងនៅក្រៅសង្គ្រាមនេះកាន់តែយូរ ស្ថានការណ៍នឹងកាន់តែអាក្រក់ ហើយបញ្ហានឹងត្រឡប់មកម្ដងទៀត»។ នេះជាការលើកឡើងរបស់ស្នងការប៉ូលិសជាតិហ្វីលីពីន Ronald dela Rosa នៅថ្ងៃទី២៧ ខែកុម្ភៈ ជុំវិញយុទ្ធនាការបង្ក្រាបគ្រឿងញៀនរបស់ប៉ូលិស ដែលលោក Duterte បញ្ជាឲ្យឈប់សិន។
លោកឧត្តមសេនីយ៍ dela Rosa បានប្រាប់អ្នករាយការណ៍ព័ត៌មានថា បើប៉ូលិសចូលរួមបោសសម្អាតគ្រឿងញៀនកាន់តែឆាប់ ការប្រយុទ្ធប្រឆាំងគ្រឿងញៀនក៏កាន់តែប្រសើរដែរ បើមិនអ៊ីចឹងទេ អ្វីដែលធ្លាប់ទទួលបានពីការបោសសម្អាតនេះ នឹងបានបាត់បង់ទៅវិញ។ ចំណែកលោកប្រធានាធិបតី Duterte ក៏ចង់ឲ្យប៉ូលិសចូលរួមប្រតិបត្តិការនេះវិញដែរ ព្រោះសកម្មភាពជួញដូរមានការកើនឡើងខ្លាំងណាស់។
បើតាមទីភ្នាក់ងារព័ត៌មាន Reuters ប្រធានាធិបតីហ្វីលីពីនដែលបញ្ជាឲ្យរំលាយអង្គភាពប្រឆាំងគ្រឿងញៀនរបស់ប៉ូលិស បានផ្ដល់សិទ្ធិឲ្យប៉ូលិសខ្លួនឯងជាអ្នកសម្រេចចិត្តពេលវេលាដែលចូលរួមក្នុងប្រតិបត្តិការនេះជាថ្មី។ ទាក់ទងរឿងនេះដែរ លោក Duterte បញ្ជាក់ថា សកម្មភាពជួញដូរគ្រឿងញៀនកើនឡើងប្រហែល២០ភាគរយ ចាប់តាំងពីប៉ូលិសដកខ្លួន ហើយចៅហ្វាយខេត្ត ក្រុងជាច្រើន ក៏ស្នើឲ្យលោកអនុញ្ញាតឲ្យប៉ូលិសត្រឡប់វិញដែរ ព្រោះការលក់ដូរគ្រឿងញៀនតាមផ្លូវកើនឡើងច្រើនដែរ។
សូមបញ្ជាក់ថា បន្ទាប់ពីលោក Duterte បញ្ជាឲ្យប៉ូលិសដកខ្លួននោះ តួនាទីប្រឆាំងគ្រឿងញៀនធ្លាក់ទៅលើទីភ្នាក់ងារប្រឆាំងគ្រឿងញៀនហ្វីលីពីន ដែលស្ថិតក្រោមចំណុះរដ្ឋាភិបាល និងគាំទ្រដោយកងទ័ព។ ប៉ុន្តែប្រតិបត្តិការលើកនេះ ទំនងជាមិនសូវមានប្រសិទ្ធភាពឡើយ ទើបសកម្មភាពជួញដូរគ្រឿងញៀនកើនឡើងវិញ ដែលចាំបាច់ត្រូវការវត្តមានប៉ូលិសឡើងវិញ។
ក្រោមយុទ្ធនាការបង្ក្រាបរបស់ប៉ូលិស មនុស្សជាច្រើនពាន់នាក់ ត្រូវបានសម្លាប់។ ប៉ុន្តែភាគច្រើននៃចំនួនអ្នកស្លាប់នេះ គឺដោយសារការសម្លាប់ក្រៅប្រព័ន្ធតុលាការដោយក្រុមខ្មាន់កាំភ្លើងមិនមែនជាមន្ត្រីអនុវត្តច្បាប់។ យុទ្ធនាការនេះ ក៏រងការរិះគន់ខ្លាំងពីសំណាក់អន្តរជាតិ ក្រោមហេតុផលរំលោភសិទ្ធិមនុស្សធ្ងន់ធ្ងរ ហើយលោក Duterte ផ្ទាល់ក៏ប្រឈមមុខការស៊ើបអង្កេតលើករណីឧក្រិដ្ឋទៅទៀត៕
«យើងត្រៀមខ្លួនរួចរាល់ហើយដើម្បីត្រឡប់ទៅធ្វើសង្គ្រាមវិញ នៅពេលទទួលបានបញ្ជាពីប្រធានាធិបតី។ បើយើងនៅក្រៅសង្គ្រាមនេះកាន់តែយូរ ស្ថានការណ៍នឹងកាន់តែអាក្រក់ ហើយបញ្ហានឹងត្រឡប់មកម្ដងទៀត»។ នេះជាការលើកឡើងរបស់ស្នងការប៉ូលិសជាតិហ្វីលីពីន Ronald dela Rosa នៅថ្ងៃទី២៧ ខែកុម្ភៈ ជុំវិញយុទ្ធនាការបង្ក្រាបគ្រឿងញៀនរបស់ប៉ូលិស ដែលលោក Duterte បញ្ជាឲ្យឈប់សិន។
លោកឧត្តមសេនីយ៍ dela Rosa បានប្រាប់អ្នករាយការណ៍ព័ត៌មានថា បើប៉ូលិសចូលរួមបោសសម្អាតគ្រឿងញៀនកាន់តែឆាប់ ការប្រយុទ្ធប្រឆាំងគ្រឿងញៀនក៏កាន់តែប្រសើរដែរ បើមិនអ៊ីចឹងទេ អ្វីដែលធ្លាប់ទទួលបានពីការបោសសម្អាតនេះ នឹងបានបាត់បង់ទៅវិញ។ ចំណែកលោកប្រធានាធិបតី Duterte ក៏ចង់ឲ្យប៉ូលិសចូលរួមប្រតិបត្តិការនេះវិញដែរ ព្រោះសកម្មភាពជួញដូរមានការកើនឡើងខ្លាំងណាស់។
បើតាមទីភ្នាក់ងារព័ត៌មាន Reuters ប្រធានាធិបតីហ្វីលីពីនដែលបញ្ជាឲ្យរំលាយអង្គភាពប្រឆាំងគ្រឿងញៀនរបស់ប៉ូលិស បានផ្ដល់សិទ្ធិឲ្យប៉ូលិសខ្លួនឯងជាអ្នកសម្រេចចិត្តពេលវេលាដែលចូលរួមក្នុងប្រតិបត្តិការនេះជាថ្មី។ ទាក់ទងរឿងនេះដែរ លោក Duterte បញ្ជាក់ថា សកម្មភាពជួញដូរគ្រឿងញៀនកើនឡើងប្រហែល២០ភាគរយ ចាប់តាំងពីប៉ូលិសដកខ្លួន ហើយចៅហ្វាយខេត្ត ក្រុងជាច្រើន ក៏ស្នើឲ្យលោកអនុញ្ញាតឲ្យប៉ូលិសត្រឡប់វិញដែរ ព្រោះការលក់ដូរគ្រឿងញៀនតាមផ្លូវកើនឡើងច្រើនដែរ។
សូមបញ្ជាក់ថា បន្ទាប់ពីលោក Duterte បញ្ជាឲ្យប៉ូលិសដកខ្លួននោះ តួនាទីប្រឆាំងគ្រឿងញៀនធ្លាក់ទៅលើទីភ្នាក់ងារប្រឆាំងគ្រឿងញៀនហ្វីលីពីន ដែលស្ថិតក្រោមចំណុះរដ្ឋាភិបាល និងគាំទ្រដោយកងទ័ព។ ប៉ុន្តែប្រតិបត្តិការលើកនេះ ទំនងជាមិនសូវមានប្រសិទ្ធភាពឡើយ ទើបសកម្មភាពជួញដូរគ្រឿងញៀនកើនឡើងវិញ ដែលចាំបាច់ត្រូវការវត្តមានប៉ូលិសឡើងវិញ។
ក្រោមយុទ្ធនាការបង្ក្រាបរបស់ប៉ូលិស មនុស្សជាច្រើនពាន់នាក់ ត្រូវបានសម្លាប់។ ប៉ុន្តែភាគច្រើននៃចំនួនអ្នកស្លាប់នេះ គឺដោយសារការសម្លាប់ក្រៅប្រព័ន្ធតុលាការដោយក្រុមខ្មាន់កាំភ្លើងមិនមែនជាមន្ត្រីអនុវត្តច្បាប់។ យុទ្ធនាការនេះ ក៏រងការរិះគន់ខ្លាំងពីសំណាក់អន្តរជាតិ ក្រោមហេតុផលរំលោភសិទ្ធិមនុស្សធ្ងន់ធ្ងរ ហើយលោក Duterte ផ្ទាល់ក៏ប្រឈមមុខការស៊ើបអង្កេតលើករណីឧក្រិដ្ឋទៅទៀត៕
Tag:
ហ្វីលីពីន
គ្រឿងញៀន
Ronald dela Rosa
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
