ជាតិ
លោក ប្រាក់ សុខុន នឹងដឹកនាំប្រតិភូទៅបំពេញទស្សនកិច្ចផ្លូវការនៅមីយ៉ាន់ម៉ា រយៈពេល២ថ្ងៃ លោក ប្រាក់ សុខុន រដ្ឋមន្ត្រីក្រសួងការបរទេស
×
ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក ប្រាក់ សុខុន នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសមីយ៉ាន់ម៉ា ចាប់ពីថ្ងៃទី១០ ដល់ថ្ងៃទី១១ ខែកក្កដាខាងមុខ។ ដំណើរទស្សនកិច្ចនេះ តបតាមការអញ្ជើញរបស់លោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្ត្រីការបរទេសមីយ៉ាន់ម៉ា។ នេះបើតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ។
លោក ប្រាក់ សុខុន នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅមីយ៉ាន់ម៉ា តបតាមការអញ្ជើញរបស់លោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្ត្រីការបរទេសនៃមីយ៉ាន់ម៉ា។ ក្នុងអំឡុងពេលទស្សនកិច្ចនេះ លោក ប្រាក់ សុខុន នឹងជួបសម្ដែងការគួរសមជាមួយ លោក ធិន ច ប្រធានាធិបតីនៃប្រទេសមីយ៉ាន់ម៉ា និងលោកស្រី អ៊ុង សានស៊ូជី។
ដំណើរទស្សនកិច្ចផ្លូវការរបស់លោក ប្រាក់ សុខុន មានគោលបំណងពង្រឹងបន្ថែមទៀត នូវកិច្ចសហប្រតិបត្តិការទ្វេភាគី រួមទាំងរិះរកយន្តការថ្មី ក្នុងការលើកកម្ពស់កិច្ចសហប្រតិបត្តិការដែលមានស្រាប់ក្នុងក្របខណ្ឌទ្វេភាគី និងពហុភាគីរវាងប្រទេសទាំងពីរ។ ការបំពេញទស្សនកិច្ចនេះ ដោយសារប្រទេសទាំងពីរ មានទំនាក់ទំនងប្រវត្តិសាស្ត្រយូរអង្វែង និងប្រពៃណីស្រដៀងគ្នារវាងកម្ពុជា និងមីយ៉ាន់ម៉ា។ នេះបើតាមសេចក្ដីប្រកាសព័ត៌មានដដែល៕
Tag:
ប្រាក់ សុខុន
មីយ៉ាន់ម៉ា
© រក្សាសិទ្ធិដោយ thmeythmey.com