កីឡាអន្តរជាតិ
អន្តរជាតិ
២០០ភាគរយ Neymar មិនចោល Barca ទោះ PSG ហ៊ានថ្លៃកប់ពពក
× Neymar នឹងមិនចាកចេញទៅណានៅរដូវក្តៅនេះទេ បើទោះបី Paris St-Germain ហ៊ានចាយលុយរហូតដល់ទៅ ១៩៧លានផោន ប្រមាណ២៥៦លានដុល្លារ ដើម្បីទិញផ្តាច់កុងត្រាពីក្រុម Barcelona។
បន្ទាប់ពីលេចលឺពាក្យចរាមអារ៉ាមថា Neymar យល់ព្រមទទួលសំណើរបស់ក្លិបអ្នកមាននៃក្របខណ្ឌកំពូលបារាំង PSG ជាមួយនឹងតម្លៃផ្ទេកប់ពពកនោះ ពេលនេះលោក Josep Maria Bartomeu ប្រធានក្លិប Barcelona បានប្រាប់ BBC Sport យ៉ាងច្បាស់ថា ខ្សែប្រយុទ្ធសញ្ចាតិប្រេស៊ីលរូបនេះមិនចាកចេញទៅណានោះទេ។
អតតីសមាជិកក្រុម Santos វ័យ២៥ឆ្នាំ ដែលបានមកចូលរួមជាមួយក្រុមអ្នកមានបុណ្យកាលពីឆ្នាំ២០១៣ យល់ព្រមបន្តកិច្ចសន្យានៅទឹកដី Nou Camp រហូតដល់ឆ្នាំ២០២១។ រដូវកាលមុនរូបគេជួយក្រុមបានត្រឹមចំណាត់ថ្នាក់លេខ២ប៉ុណ្ណោះនៅ La Liga របស់អេស្ប៉ាញ តាមពីក្រោយក្រុមជើងឯក Real Madrid ៣ពិន្ទុ។
ទោះយ៉ាងក៏ដោយលោក Maria Bartomeu បានបញ្ជាក់ថា៖«រឿងតែមួយគត់ដែលយើងយកចិត្តទុកដាក់គឺគាត់នៅតែសប្បាយរីករាយនៅទីនេះ។ គាត់លេងបានយ៉ាងល្អហើយគាត់នៅតែជាកីឡាករឆ្នើមម្នាក់ក្នុងពិភពលោក។ គាត់ [Neymar] សប្បាយរីករាយនៅក្នុងក្រុមនេះ ហើយក្រុមក៏សប្បាយរីករាយជាមួយនឹងគាត់ដូចគ្នា។ គាត់និយាយពាក្យនេះហើយគាត់បង្ហាញវាដោយអាកប្បកិរិយារបស់គាត់»។
លើសពីនេះទៀតនោះ លោក Jordi Mestre អនុប្រធានក្លិប Barcelona ក៏បានចេញមកអះអាងជុំវិញការចាកចេញនេះថា ២០០% គឺ Neymar មិនចាកចេញទៅណាចោល Barca ឡើយសម្រាប់រដូវកាល ២០១៧-២០១៨ នេះ។
សូមបញ្ចាក់ថា តាំងពីចូលរួមជាមួយ Barcelona រយៈពេល ៤រដូវកាលមក អតីតយុវជនក្រុម Santos នេះបានជួយក្រុមឈ្នះពាន La Liga ២ដង UEFA Champion League ម្តង និង Copa del Rey ៣ដង៕
Tag:
បាល់ទាត់
Neymar
Barcelona
PSG
© រក្សាសិទ្ធិដោយ thmeythmey.com