Man City ចំណាយសរុបជិត ២៧០លានដុល្លារ ក្រោយទិញ Mendy ក្នុងតម្លៃកំណត់ត្រា

កីឡាអន្តរជាតិ

អន្តរជាតិ

Man City ចំណាយសរុបជិត ២៧០លានដុល្លារ ក្រោយទិញ Mendy ក្នុងតម្លៃកំណត់ត្រា

25, Jul 2017 , 2:48 pm

រូបភាព

ដោយ: ទេព ពិទូរ្យ

ក្រុម Manchester City បានចុះកិច្ចព្រមព្រៀងនាំយកខ្សែការពារ Benjamin Mendy ពីក្រុម AS Monaco ក្នុងតម្លៃ ៥២លានផោន ប្រមាណ៦៧លានដុល្លារ និងជាប់ជាខ្សែការពារថ្លៃជាងគេក្នុងពិភពបាល់ទាត់។

បើតាមវេបសាយផ្លូវការរបស់ Manchester Cityកីឡាករសញ្ជាតិបារាំង វ័យ២៣ឆ្នាំ បានយល់ព្រមចុះកិច្ចសន្យារយៈពេល៥ឆ្នាំ នៅទឹកដី Etihad និងជាសមាជិកទី៥ដែលអ្នកចាត់ការទូទៅលោក Pep Gladiola នាំយកមកក្នុងរដូវកាលនេះជាមួយនឹងទឹកប្រាក់សរុបរហូតដល់ ២០៦លានផោន ប្រហែល ២៧០លានដុលា្លរ។

Mendy ធ្លាប់បង្ហាញខ្លួន ៣៤ប្រកួត និងជួយឲ្យ Monaco ឈ្នះជើងឯកលីកកំពូលបារាំង Ligue 1 ជាលើកដំបូងក្នុងរយៈពេល១៧ឆ្នាំចុងក្រោយ បន្ទាប់ពីផ្លាស់ចេញពី Marseille នៅរដូវកាល ២០១៥-២០១៦ ក្នុងតម្លៃ ១៤លានដុល្លារ។

សូមបញ្ជាក់ថា Pep បានចំណាយលុយច្រើនសន្ធឹកដើម្បីនាំកីឡាករល្អៗមកពង្រឹងក្រុមនារដូវកាល ២០១៧-២០១៨ ខាងមុខនេះចំនួន៤នាក់រួចមកហើយ រួមមាន ខ្សែការពារស្លាបស្តាំ Kyle Walker ខ្សែបម្រើ Bernardo Silva ខ្សែការពារ Danilo និងអ្នកចាំទី Ederson Moraes។

ក្រៅពីនេះ អ្នកចាត់ការសញ្ជាតិអេស្ប៉ាញ វ័យ៤៦ឆ្នាំ ក៏បានជម្រុះកីឡាកមួយចំនួនចេញផងដែរដែលភាគច្រើនជាខ្សែការពារតំបន់ស្លាប ដូចជា Bacary Sagna, Pablo Zabaleta, Gael Clichy និង Aleksandar Kolarov។