អន្តរជាតិ
នាយក Facebook ទាស់សម្ដីជាមួយនាយក Tesla រឿងគ្រោះថ្នាក់នៃការប្រើប្រាស់រ៉ូបូត
×![]()
ដោយ: តន ចាន់រិទ្ធារ៉ា
ម្ចាស់ក្រុមហ៊ុនបច្ចេកវិទ្យាដ៏ធំចំនួនពីរ គឺនាយកប្រតិបត្តិក្រុមហ៊ុន Facebook លោក Mark Zuckerburg និងនាយកក្រុមហ៊ុន Tesla លោក Elon Musk បានឆ្លើយឆ្លងគ្នានៅលើប្រព័ន្ធអ៊ីនធឺណិត ជុំវិញគ្រោះថ្នាក់ដែលបណ្ដាលមកពីការប្រើប្រាស់រ៉ូបូត ឬ Artificial Intelligence ។ លោក Musk អះអាងថា រ៉ូបូតដែលឆ្លាតវ័យអាចបង្កបញ្ហាសម្រាប់មនុស្សជាតិ បើគ្មានវិធានការទប់ស្កាត់ទេនោះ ប៉ុន្តែលោក Zuckerburg យល់ថា រ៉ូបូតជាគ្រឿងយន្តមានប្រយោជន៍ ជាងបង្កគ្រោះថ្នាក់។
តួនាទីរបស់រ៉ូបូត ឬ Artificial Intelligence កំពុងក្លាយជាប្រធានបទជជែកគ្នារវាងម្ចាស់ក្រុមហ៊ុនយក្សផ្នែកបច្ចេកវិទ្យាចំនួនពីរ។ ប្រធានក្រុមហ៊ុន Facebook និងប្រធានក្រុមហ៊ុន Tesla បង្ហាញគំនិតផ្ទុយគ្នាពីគ្រោះថ្នាក់នៃការប្រើប្រាស់រ៉ូបូត ដោយលោក Elon Musk នាយកក្រុមហ៊ុន Tesla និយាយថា រ៉ូបូតអាចសម្លាប់អ្នកបង្កើតវានៅថ្ងៃអនាគត ប៉ុន្តែលោក Mark Zuckerburg មេក្រុមហ៊ុនបណ្ដាញសង្គម Facebook លើកឡើងថារឿងបែបនេះមិនអាចកើតឡើងបានទេ។
Artificial Intelligence ឬហៅខ្លីថា AI គឺជាពាក្យបច្ចេកទេសសំដៅគ្រឿងយន្តដែលបង្កើតដោយមនុស្ស មានបំពាក់កម្មវិធីដំណើការ (Code) ហើយវាមានសមត្ថភាពរៀនបានដោយខ្លួនឯង។ AI ត្រូវបានប្រើប្រាស់យ៉ាងទូលំទូលាយក្នុងវិស័យសុខាភិបាល, សេវាកំសាន្ត និងធនាគារ។ ប៉ុន្តែមានការព្រួយបារម្ភថា គ្រឿងយន្តនេះអាចឆ្លាតពេក ហើយបង្កគ្រោះថ្នាក់សម្រាប់មនុស្សលោកនៅថ្ងៃក្រោយ។ គេអាចឃើញពីការងើបឡើងប្រឆាំងមនុស្សរបស់គ្រឿងយន្តក្នុងភាពយន្តនានា។
យោងតាមសារព័ត៌មាន CNBC ដោយសារហេតុនេះ លោក Musk ដែលជាប្រធានក្រុមហ៊ុន SpaceX ផងនោះ បានប្រាប់បណ្ដាអភិបាលរដ្ឋនៅអាមេរិកថា គ្រោះថ្នាក់បង្កដោយ AI មិនមែនជារឿងមិនអាចស្មានបានឡើយ ហើយលោកក៏បានស្នើឲ្យមានការត្រួតពិនិត្យ AI នេះ។ នៅថ្ងៃទី២៣ ខែកក្កដា ម្ចាស់ Zuckerburg បាននិយាយទាក់ទងបញ្ហានេះថា លោកមានគំនិតសុទិដ្ឋិនិយម ប៉ុន្តែអ្នកខ្លះមានគំនិតអវិជ្ជមាន ហើយព្យាយាមនិយាយដល់ថ្ងៃអវសានរបស់ពិភពលោកទៅវិញ។
ឆ្លើយតបនឹងការអធិប្បាយរបស់លោក Zuckerburg លោក Musk នៅថ្ងៃទី២៥ ខែកក្កដា បានសរសេរតាម Twitter វិញថា លោកបាននិយាយរឿងនេះជាមួយលោក Zuckerburg ហើយការយល់ដឹងរបស់គាត់លើបញ្ហានេះនៅមានកម្រិតនៅឡើយ។ ប៉ុន្តែម្ចាស់ Facebook ក៏បានឆ្លើយតបនៅថ្ងៃដដែល ដោយបានលើកឡើងពីគុណសម្បត្តិរបស់ AI តាំងពីវិស័យសុខាភិបាល យានយន្តបើកបរខ្លួន និងផ្ដល់ព័ត៌មានល្អៗច្រើនទៀត។
លោក Musk នៅតែចង់ឲ្យមានការគ្រប់គ្រងរ៉ូបូតនេះឲ្យបានត្រឹមត្រូវ មុនគ្រោះថ្នាក់កើតឡើង។ យ៉ាងណានោះ លោក Zuckerburg ក៏ប្រកាន់ជំហរការពារ AI ដែលផ្ដល់ប្រយោជន៍ច្រើន ហើយលោកចាត់ទុកការលើកឡើងថា AI អាចវាយបកលើមនុស្ស គឺជារឿងដែលគ្មានការទទួលខុសត្រូវ។ នាយកក្រុមហ៊ុនបណ្ដាញសង្គមដែលមានអ្នកប្រើប្រាស់ពីរពាន់ប្រចាំខែបន្ថែមថា ការគ្រប់គ្រង AI គឺជាការបង្អាក់ការអភិវឌ្ឍវិស័យបច្ចេកវិទ្យាទៀតផង៕
តួនាទីរបស់រ៉ូបូត ឬ Artificial Intelligence កំពុងក្លាយជាប្រធានបទជជែកគ្នារវាងម្ចាស់ក្រុមហ៊ុនយក្សផ្នែកបច្ចេកវិទ្យាចំនួនពីរ។ ប្រធានក្រុមហ៊ុន Facebook និងប្រធានក្រុមហ៊ុន Tesla បង្ហាញគំនិតផ្ទុយគ្នាពីគ្រោះថ្នាក់នៃការប្រើប្រាស់រ៉ូបូត ដោយលោក Elon Musk នាយកក្រុមហ៊ុន Tesla និយាយថា រ៉ូបូតអាចសម្លាប់អ្នកបង្កើតវានៅថ្ងៃអនាគត ប៉ុន្តែលោក Mark Zuckerburg មេក្រុមហ៊ុនបណ្ដាញសង្គម Facebook លើកឡើងថារឿងបែបនេះមិនអាចកើតឡើងបានទេ។
Artificial Intelligence ឬហៅខ្លីថា AI គឺជាពាក្យបច្ចេកទេសសំដៅគ្រឿងយន្តដែលបង្កើតដោយមនុស្ស មានបំពាក់កម្មវិធីដំណើការ (Code) ហើយវាមានសមត្ថភាពរៀនបានដោយខ្លួនឯង។ AI ត្រូវបានប្រើប្រាស់យ៉ាងទូលំទូលាយក្នុងវិស័យសុខាភិបាល, សេវាកំសាន្ត និងធនាគារ។ ប៉ុន្តែមានការព្រួយបារម្ភថា គ្រឿងយន្តនេះអាចឆ្លាតពេក ហើយបង្កគ្រោះថ្នាក់សម្រាប់មនុស្សលោកនៅថ្ងៃក្រោយ។ គេអាចឃើញពីការងើបឡើងប្រឆាំងមនុស្សរបស់គ្រឿងយន្តក្នុងភាពយន្តនានា។
យោងតាមសារព័ត៌មាន CNBC ដោយសារហេតុនេះ លោក Musk ដែលជាប្រធានក្រុមហ៊ុន SpaceX ផងនោះ បានប្រាប់បណ្ដាអភិបាលរដ្ឋនៅអាមេរិកថា គ្រោះថ្នាក់បង្កដោយ AI មិនមែនជារឿងមិនអាចស្មានបានឡើយ ហើយលោកក៏បានស្នើឲ្យមានការត្រួតពិនិត្យ AI នេះ។ នៅថ្ងៃទី២៣ ខែកក្កដា ម្ចាស់ Zuckerburg បាននិយាយទាក់ទងបញ្ហានេះថា លោកមានគំនិតសុទិដ្ឋិនិយម ប៉ុន្តែអ្នកខ្លះមានគំនិតអវិជ្ជមាន ហើយព្យាយាមនិយាយដល់ថ្ងៃអវសានរបស់ពិភពលោកទៅវិញ។
ឆ្លើយតបនឹងការអធិប្បាយរបស់លោក Zuckerburg លោក Musk នៅថ្ងៃទី២៥ ខែកក្កដា បានសរសេរតាម Twitter វិញថា លោកបាននិយាយរឿងនេះជាមួយលោក Zuckerburg ហើយការយល់ដឹងរបស់គាត់លើបញ្ហានេះនៅមានកម្រិតនៅឡើយ។ ប៉ុន្តែម្ចាស់ Facebook ក៏បានឆ្លើយតបនៅថ្ងៃដដែល ដោយបានលើកឡើងពីគុណសម្បត្តិរបស់ AI តាំងពីវិស័យសុខាភិបាល យានយន្តបើកបរខ្លួន និងផ្ដល់ព័ត៌មានល្អៗច្រើនទៀត។
I've talked to Mark about this. His understanding of the subject is limited. — Elon Musk (@elonmusk) July 25, 2017
លោក Musk នៅតែចង់ឲ្យមានការគ្រប់គ្រងរ៉ូបូតនេះឲ្យបានត្រឹមត្រូវ មុនគ្រោះថ្នាក់កើតឡើង។ យ៉ាងណានោះ លោក Zuckerburg ក៏ប្រកាន់ជំហរការពារ AI ដែលផ្ដល់ប្រយោជន៍ច្រើន ហើយលោកចាត់ទុកការលើកឡើងថា AI អាចវាយបកលើមនុស្ស គឺជារឿងដែលគ្មានការទទួលខុសត្រូវ។ នាយកក្រុមហ៊ុនបណ្ដាញសង្គមដែលមានអ្នកប្រើប្រាស់ពីរពាន់ប្រចាំខែបន្ថែមថា ការគ្រប់គ្រង AI គឺជាការបង្អាក់ការអភិវឌ្ឍវិស័យបច្ចេកវិទ្យាទៀតផង៕
Tag:
Facebook
Mark Zuckerburg
Elon Musk
រ៉ូបូត
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
