អន្តរជាតិ
អូស្ដ្រាលីស្នើចិនឲ្យជួយដោះស្រាយបញ្ហាកូរ៉េខាងជើង តែចិនប្រាប់វិញថា «ល្មមឈប់គិតថាមានតែចិនហើយ»
លោកស្រី Julie Bishop រដ្ឋមន្ត្រីការបរទេសអូស្ត្រាលី និងសមភាគីចិន លោក Wang Yi នាជំនួបកន្លងមក។ រូបថត AFP
×![]()
កាលពីថ្ងៃព្រហស្បតិ៍ទី២៧ខែកក្កដា រដ្ឋមន្ត្រីការបរទេសអូស្ដ្រាលី បានទទូចសុំចិនឲ្យព្យាយាមបន្ថែមក្នុងការទប់ស្កាត់ការអភិវឌ្ឍន៍កម្មវិធីនុយក្លេអ៊ែរនិងមីស៊ីលកូរ៉េខាងជើង ព្រោះកន្លងអូស្ដ្រាលីក្លាយជាគោលដៅមួយនៃការបាញ់ប្រហារមីស៊ីលរបស់កូរ៉េខាងជើង។
កូរ៉េខាងជើងនៅដើមខែកក្កដាបានបង្អួតអាវុធនុយក្លេអ៊ែររបស់ខ្លួនដោយបាញ់នុយក្លេអ៊ែរបាលីស្ទិកឆ្លងទ្វីបជាលើកដំបូងដែលមានសមត្ថភាពអាចកម្ទេចរដ្ឋ Alaskaអាមេរិកមួយបាន។កន្លងមកកូរ៉េខាងជើងក៏បានព្រមានអូស្ដ្រាលីថាជាគោលដៅមួយនៃការបាញ់ប្រហារដែរ ទើបរដ្ឋមន្ដ្រីក្រសួងការបរទេសអូស្ដ្រាលីអ្នកស្រី Julie Bishopទទូចសុំចិនឲ្យព្យាយាមបន្ថែមក្នុងការទប់ស្កាត់ការអភិវឌ្ឍកម្មវិធីនុយក្លេអ៊ែរនិងមីស៊ីលកូរ៉េខាងជើង។
អូស្ដ្រាលីនិងអាមេរិកចាប់ផ្ដើមអស់ភាពអត់ធ្មត់ជាមួយចិនដែលជាសម្ព័ន្ធមិត្តជិតស្និទ្ធនិងអ្នកជំនួយហិរញ្ញវត្ថុដ៏សំខាន់របស់កូរ៉េខាងជើងហើយ។
យោងតាម AFP អ្នកស្រីJulie Bishop បាននិយាយប្រាប់ក្រុមហ៊ុនឃោសនាផ្សព្វផ្សាយអូស្ដ្រាលីដូចនេះ៖ «ចិនជាខ្នងបង្អែកហិរញ្ញវត្ថុរបស់កូរ៉េខាងជើង ចិនមានសមត្ថភាពបញ្ឈប់កូរ៉េខាងជើងជាងការអះអាងរបស់ចិនទៅទៀត។ លំហូរបច្ចេកវិទ្យា និងការវិនិយោគទុន ការផ្ដល់ប្រាក់បញ្ញើទៅកាន់ពលករ ព្រមទាំងការទាក់ទងនាំចេញផលិតផលទៅកាន់រដ្ឋកុម្មុនីស្ដនេះសុទ្ធតែស្ថិតនៅលើការសម្រេចរបស់ចិនទាំងអស់»។
ចំណែកឯអាមេរិកវិញក៏អស់ភាពអត់ធ្មត់ជាមួយចិនដែលមិនធ្លាប់ប្រើវិធានការតឹងរ៉ឹងដើម្បីបញ្ឈប់កូរ៉េខាងជើងនោះដែរ ទើបអាមេរិកដាក់ទណ្ឌកម្មទៅលើក្រុមហ៊ុនចិនដែលសហការជាមួយក្រុងព្យុងយ៉ាង។
ចិនបានបដិសេធការរិះគន់ និងអំពាវនាវឲ្យបញ្ឈប់គំនិតដែលយល់ថាមានតែខ្លួនម្នាក់ប៉ុណ្ណោះដែលអាចបញ្ឈប់កូរ៉េខាងជើងបាន។ ចិនបានសង្កត់ធ្ងន់ថានេះក៏ជាទំនួលខុសត្រូវរបស់គ្រប់គ្នាដែរ ដូច្នេះហើយគួរតែចូលរួមខិតខំបញ្ឈប់កូរ៉េខាងជើងទាំងអស់គ្នា។
គួរបញ្ជាក់ដែរថា អង្គការសហប្រជាជាតិដាក់ទណ្ឌកម្មលើកូរ៉េខាងជើងតាំងពីឆ្នាំ២០០៦មកម្ល៉េះដោយសារកម្មវិធីនុយក្លេអ៊ែរបាលីស្ទិកឆ្លងទ្វីបនិងមីស៊ីល។សេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិក៍បានចាត់វិធានការបន្ថែមលើការចាប់ផ្ដើមសាកល្បងអាវុធនុយក្លេអ៊ែរប្រាំដងនិងមីស៊ីលដែលបាញ់បានចម្ងាយឆ្ងាយរបស់កូរ៉េខាងជើងផងដែរ៕
កូរ៉េខាងជើងនៅដើមខែកក្កដាបានបង្អួតអាវុធនុយក្លេអ៊ែររបស់ខ្លួនដោយបាញ់នុយក្លេអ៊ែរបាលីស្ទិកឆ្លងទ្វីបជាលើកដំបូងដែលមានសមត្ថភាពអាចកម្ទេចរដ្ឋ Alaskaអាមេរិកមួយបាន។កន្លងមកកូរ៉េខាងជើងក៏បានព្រមានអូស្ដ្រាលីថាជាគោលដៅមួយនៃការបាញ់ប្រហារដែរ ទើបរដ្ឋមន្ដ្រីក្រសួងការបរទេសអូស្ដ្រាលីអ្នកស្រី Julie Bishopទទូចសុំចិនឲ្យព្យាយាមបន្ថែមក្នុងការទប់ស្កាត់ការអភិវឌ្ឍកម្មវិធីនុយក្លេអ៊ែរនិងមីស៊ីលកូរ៉េខាងជើង។
អូស្ដ្រាលីនិងអាមេរិកចាប់ផ្ដើមអស់ភាពអត់ធ្មត់ជាមួយចិនដែលជាសម្ព័ន្ធមិត្តជិតស្និទ្ធនិងអ្នកជំនួយហិរញ្ញវត្ថុដ៏សំខាន់របស់កូរ៉េខាងជើងហើយ។
យោងតាម AFP អ្នកស្រីJulie Bishop បាននិយាយប្រាប់ក្រុមហ៊ុនឃោសនាផ្សព្វផ្សាយអូស្ដ្រាលីដូចនេះ៖ «ចិនជាខ្នងបង្អែកហិរញ្ញវត្ថុរបស់កូរ៉េខាងជើង ចិនមានសមត្ថភាពបញ្ឈប់កូរ៉េខាងជើងជាងការអះអាងរបស់ចិនទៅទៀត។ លំហូរបច្ចេកវិទ្យា និងការវិនិយោគទុន ការផ្ដល់ប្រាក់បញ្ញើទៅកាន់ពលករ ព្រមទាំងការទាក់ទងនាំចេញផលិតផលទៅកាន់រដ្ឋកុម្មុនីស្ដនេះសុទ្ធតែស្ថិតនៅលើការសម្រេចរបស់ចិនទាំងអស់»។
ចំណែកឯអាមេរិកវិញក៏អស់ភាពអត់ធ្មត់ជាមួយចិនដែលមិនធ្លាប់ប្រើវិធានការតឹងរ៉ឹងដើម្បីបញ្ឈប់កូរ៉េខាងជើងនោះដែរ ទើបអាមេរិកដាក់ទណ្ឌកម្មទៅលើក្រុមហ៊ុនចិនដែលសហការជាមួយក្រុងព្យុងយ៉ាង។
ចិនបានបដិសេធការរិះគន់ និងអំពាវនាវឲ្យបញ្ឈប់គំនិតដែលយល់ថាមានតែខ្លួនម្នាក់ប៉ុណ្ណោះដែលអាចបញ្ឈប់កូរ៉េខាងជើងបាន។ ចិនបានសង្កត់ធ្ងន់ថានេះក៏ជាទំនួលខុសត្រូវរបស់គ្រប់គ្នាដែរ ដូច្នេះហើយគួរតែចូលរួមខិតខំបញ្ឈប់កូរ៉េខាងជើងទាំងអស់គ្នា។
គួរបញ្ជាក់ដែរថា អង្គការសហប្រជាជាតិដាក់ទណ្ឌកម្មលើកូរ៉េខាងជើងតាំងពីឆ្នាំ២០០៦មកម្ល៉េះដោយសារកម្មវិធីនុយក្លេអ៊ែរបាលីស្ទិកឆ្លងទ្វីបនិងមីស៊ីល។សេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិក៍បានចាត់វិធានការបន្ថែមលើការចាប់ផ្ដើមសាកល្បងអាវុធនុយក្លេអ៊ែរប្រាំដងនិងមីស៊ីលដែលបាញ់បានចម្ងាយឆ្ងាយរបស់កូរ៉េខាងជើងផងដែរ៕
Tag:
កូរ៉េខាងជើង
អូស្ត្រាលី
Julie Bishop
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
