អន្តរជាតិ
ស៊ី ជិនភីង៖ ចិនត្រូវការកងទ័ពដែលខ្លាំងពូកែ ព្រោះពិភពលោកគ្មានសុវត្ថិភាពទេ
×![]()
ដោយ: តន ចាន់រិទ្ធារ៉ា
ប្រធានាធិបតី ស៊ី ជិនភីង បានស្នើឲ្យមានការបង្កើនធ្វើទំនើបភាវូបនីយកម្មកងទ័ពរំដោះប្រជាជនចិន ដើម្បីការពារទឹកដី និងបូរណភាពទឹកដីចិន។ លោក ស៊ី ជិនភីង លើកឡើងបែបនេះក្នុងខួបលើកទី៩០ ថ្ងៃកំណើតកងទ័ពរំដោះប្រជាជនចិននៅតំបន់ស្វយ័ត Inner Mongolia នៅថ្ងៃទី៣០ ខែកក្កដា។ ប្រមុខរដ្ឋចិនបានចាត់ទុកស្ថានការណ៍ពិភពលោកបច្ចុប្បន្នថាជាពេលវេលាដ៏គ្រោះថ្នាក់ ដែលចាំបាច់ត្រូវមានការការពារទុកមុន។
ខុសប្លែកពីសព្វដង រដ្ឋាភិបាលចិនបានសម្រេចចិត្តប្រារព្ធពិធីខួបកំណើតលើកទី៩០ ថ្ងៃកំណើតកងទ័ពរំដោះប្រជាជនចិននៅតំបន់ Inner Mongolia ជំនួសឲ្យការរៀបចំពិធីនៅខាងមុខទីលានធានអានមេនក្នុងរដ្ឋធានីប៉េកាំង។ កងទ័ពប្រមាណ១២០០០នាក់ យន្តហោះរាប់រយគ្រឿង និងយុទ្ធោបករណ៍សង្គ្រាមជាច្រើន បានបង្ហាញខ្លួនក្នុងព្យុហយាត្រាកងទ័ពនៅមូលដ្ឋាន Zhurihe ក្រោមអធិបតីប្រធានាធិបតី ស៊ី ជិនភីង នៅថ្ងៃទី៣០ ខែកក្កដា។
ជាមួយសម្លៀកបំពាក់ទាហាន លោក ស៊ី ជិនភីង ដែលជាប្រធានគណៈកម្មការយោធាមជ្ឈិមនៃបក្សកុម្មុយនីស្តចិននិយាយថា ពិភពលោកមិនមានសុវត្ថិភាពឡើយក្នុងពេលបច្ចុប្បន្ននេះ ដូច្នេះចិនត្រូវការកងទ័ពដែលខ្លាំងក្លាយជាងពេលណាទាំងអស់។ លោក ស៊ី ក៏បានរំឭកកងទ័ពចិនទាំងអស់ថា គោលដៅធំបំផុតរបស់ពួកគេ គឺការពារបក្សកុម្មុយនីស្ត និងធានាថាបក្សកុម្មុយនីស្តចិននៅតែបន្តកាន់អំណាចរហូត។
«គោរពបញ្ជាបក្សកុម្មុយនីស្តរហូត, ដើរតាមគោលការណ៍បក្សជារៀងដរាប និងប្រយុទ្ធពុះពារគោលដៅដែលបក្សដាក់ឲ្យអនុវត្ត។» នេះគឺជាពាក្យដាស់តឿនរបស់លោក ស៊ី ជិនភីង អគ្គលេខាធិការបក្សកុម្មុយនីស្តចិន ក្នុងន័យបញ្ជាឲ្យកងទ័ពទាំងអស់បន្តស្មោះស្ម័គ្របក្សទៅមុខទៀត។ នេះយោងតាមការផ្សាយរបស់សារព័ត៌មាន Bloomberg ។
អ្វីគួរឲ្យចាប់អារម្មន៍នោះ កងទ័ពចិនបង្ហាញឧបករណ៍យោធាថ្មីជាច្រើនគ្រឿង ដែលភាគច្រើនទើបត្រូវបានបង្កើតឡើងដោយចិនខ្លួនឯង និងខ្លះទើបត្រូវបានកែប្រែឡើងវិញ។
ខុសប្លែកពីសព្វដង រដ្ឋាភិបាលចិនបានសម្រេចចិត្តប្រារព្ធពិធីខួបកំណើតលើកទី៩០ ថ្ងៃកំណើតកងទ័ពរំដោះប្រជាជនចិននៅតំបន់ Inner Mongolia ជំនួសឲ្យការរៀបចំពិធីនៅខាងមុខទីលានធានអានមេនក្នុងរដ្ឋធានីប៉េកាំង។ កងទ័ពប្រមាណ១២០០០នាក់ យន្តហោះរាប់រយគ្រឿង និងយុទ្ធោបករណ៍សង្គ្រាមជាច្រើន បានបង្ហាញខ្លួនក្នុងព្យុហយាត្រាកងទ័ពនៅមូលដ្ឋាន Zhurihe ក្រោមអធិបតីប្រធានាធិបតី ស៊ី ជិនភីង នៅថ្ងៃទី៣០ ខែកក្កដា។
ជាមួយសម្លៀកបំពាក់ទាហាន លោក ស៊ី ជិនភីង ដែលជាប្រធានគណៈកម្មការយោធាមជ្ឈិមនៃបក្សកុម្មុយនីស្តចិននិយាយថា ពិភពលោកមិនមានសុវត្ថិភាពឡើយក្នុងពេលបច្ចុប្បន្ននេះ ដូច្នេះចិនត្រូវការកងទ័ពដែលខ្លាំងក្លាយជាងពេលណាទាំងអស់។ លោក ស៊ី ក៏បានរំឭកកងទ័ពចិនទាំងអស់ថា គោលដៅធំបំផុតរបស់ពួកគេ គឺការពារបក្សកុម្មុយនីស្ត និងធានាថាបក្សកុម្មុយនីស្តចិននៅតែបន្តកាន់អំណាចរហូត។
«គោរពបញ្ជាបក្សកុម្មុយនីស្តរហូត, ដើរតាមគោលការណ៍បក្សជារៀងដរាប និងប្រយុទ្ធពុះពារគោលដៅដែលបក្សដាក់ឲ្យអនុវត្ត។» នេះគឺជាពាក្យដាស់តឿនរបស់លោក ស៊ី ជិនភីង អគ្គលេខាធិការបក្សកុម្មុយនីស្តចិន ក្នុងន័យបញ្ជាឲ្យកងទ័ពទាំងអស់បន្តស្មោះស្ម័គ្របក្សទៅមុខទៀត។ នេះយោងតាមការផ្សាយរបស់សារព័ត៌មាន Bloomberg ។
អ្វីគួរឲ្យចាប់អារម្មន៍នោះ កងទ័ពចិនបង្ហាញឧបករណ៍យោធាថ្មីជាច្រើនគ្រឿង ដែលភាគច្រើនទើបត្រូវបានបង្កើតឡើងដោយចិនខ្លួនឯង និងខ្លះទើបត្រូវបានកែប្រែឡើងវិញ។
Tag:
ចិន
ស៊ី ជិនភីង
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
