ជាតិ
បេក្ខជនអង្គុយក្នុងបន្ទប់ប្រឡងនៅមណ្ឌលវិទ្យាល័យព្រះស៊ីសុវត្ថិ
×![]()
ភ្នំពេញ៖ ដំណើរការប្រឡងនៅព្រឹកថ្ងៃទីមួយនេះ មានបេក្ខជនអវត្តមានសរុបចំនួន ១៤៤៣ ក្នុងនោះ ស្រីចំនួន ៥៦៥នាក់ ស្មើនឹង ១,៤២ភាគរយនៃបេក្ខជនប្រឡងសរុប។ បើតាមមន្ត្រីជាន់ខ្ពស់ក្រសួងអប់រំ បេក្ខជនដែលអវត្តមាន ភាគច្រើនជាបេក្ខជនបំពេញវិជ្ជា។
ដំណើរការប្រឡងមួយព្រឹកនេះ មានបេក្ខជនអវត្តមានសរុបចំនួន ១,៤៤៣ ក្នុងនោះស្រីចំនួន ៥៦៥នាក់ ស្មើនឹង ១,៤២ភាគរយ នៃបេក្ខជនបំពេញវិជ្ជាដែលបានដាក់ពាក្យប្រឡងសរុប។ នេះបើតាមលោក រស់ សាលីន អ្នកនាំពាក្យក្រសួងអប់រំ យុវជន និងកីឡា ដែលបានបញ្ជាក់ប្រាប់សារព័ត៌មានថ្មី។
អ្នកនាំពាក្យរូបនេះ បានគូសបញ្ជាក់តាមទូរសព្ទទៀតថា ដំណើរការប្រឡងបាក់ឌុបមួយព្រឹកថ្ងៃទី២១ ខែសីហានេះ បានបញ្ចប់ទៅដោយរលូន និងមានភាពល្អប្រសើរនៅទូទាំងប្រទេស បើទោះជាខេត្តមួយចំនួនមានភ្លៀងធ្លាក់ ហើយបេក្ខជនមានបញ្ហាសុខភាពក៏ដោយ។ បើធៀបនឹងឆ្នាំមុន ស្ទើរតែគ្មានបេក្ខជនយកសំណៅឯកសារចូលមណ្ឌលប្រឡងទេ។ លោក រស់ សាលីន បញ្ជាក់បន្ថែមដូច្នេះ៖ខេត្តកោះកុង និងព្រះសីហនុ ដែលមានភ្លៀងធ្លាក់នោះ ពុំមានអ្វីប៉ះពាល់ដល់ដំណើរការប្រឡងនៅថ្ងៃនេះឡើយ ហើយបេក្ខជន១០នាក់ប៉ុណ្ណោះ ដែលមានបញ្ហាសុខភាព ពួកគេអាចចូលប្រឡង និងបញ្ចប់វិញ្ញាសាប្រឡងបានធម្មតា»។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០១៦-២០១៧នេះ មានបេក្ខជនសរុបចំនួន ១០១, ៤១០នាក់ ទាំងថ្នាក់វិទ្យាសាស្ត្រ និងវិទ្យាសាស្ត្រសង្គម ដោយចែកចេញជាមណ្ឌលប្រឡងចំនួន ១៧៨មណ្ឌល និងបន្ទប់ប្រឡងចំនួន ៤១៥៥បន្ទប់នៅទូទាំង ២៥រាជធានី-ខេត្ត៕
Tag:
បាក់ឌុប
អវត្តមាន
អប់រំ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
